Innlent

Björguðu tólf manns af Dynjandis­heiði

Atli Ísleifsson skrifar
Aðgerðum lauk rétt fyrir klukkan fjögur í nótt.
Aðgerðum lauk rétt fyrir klukkan fjögur í nótt. Landsbjörg

Björgunarsveitir frá Þingeyri, Flateyri og Ísafirði voru kallaðar út til aðstoðar fólks á Dynjandisheiði í gærkvöldi. Á staðnum var skollinn á þreifandi bylur og skyggni lítið sem ekkert. 

Frá þessu segir í tilkynningu frá Slysavarnafélaginu Landsbjörg þar sem fram kemur að tólf manns hafi verið bjargað af heiðinni.

„Björgunarsveitarfólk fetaði sig upp á heiðina og upp úr klukkan 23 var komið að bílunum. Þarna voru starfsmenn verktaka sem voru á leið í vinnubúðir við Mjólkárvirkjun, og ferðamenn, ásamt moksturstæki.

Landsbjörg

Fólkið var flutt í bíla björgunarsveita og um hálf tólf var haldið af stað niður af heiðinni.

Ferðin gekk hægt, aðstæður mjög krefjandi þreifandi bylur og sama sem ekkert skyggni og bílalestin mjakaðist metra og metra í einu.

Landsbjörg

Seint í nótt kom svo hópurinn niður af heiðinni, starfsmenn verktakans komust í hús við Mjólká, en 3 farþegar fengu far með björgunarsveit inn á Þingeyri, þar sem þeim var útveguð gisting. Samtals voru þetta 12 einstaklingar sem voru aðstoðaðir niður af Dynjandisheiði.

Aðgerðum lauk rétt fyrir klukkan 4 í nótt,“ segir í tilkynningunni.

Landsbjörg

Landsbjörg
Ísafjarðarbær Björgunarsveitir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið