Kurr í menningarbransanum vegna tilnefninga til Edduverðlauna Margrét Björk Jónsdóttir skrifar 5. mars 2023 11:31 Það virðist vera útbreidd skoðun innan menningarbransans að kvikmyndin Skjálfti hafi átt að fá fleiri tilnefningar til Edduverðlaunanna í ár. Margir aðilar innan leikhúss, leiklistar og sjónvarpssbransans á Íslandi hafa tjáð sig um tilnefningar til Edduverðlaunanna sem gefnar voru út á dögunum. Það hefur vakið sérstaka athygli að kvikmyndin Skjálfti í leikstjórn Tinnu Hrafnsdóttur hafi ekki hlotið fleiri tilnefningar en raun ber vitni. Tinna Hrafnsdóttir leikstýrði myndinni og skrifaði einnig handritið. Kvikmyndin er byggð á skáldsögunni Stóra skjálfta eftir Auði Jónsdóttur, sem kom út árið 2015. Skjálfti er fyrsta kvikmyndin í fullri lengd undir leiksjórn Tinnu. Myndin fjallar um Sögu sem vaknar eftir heiftarlegt flogakast á Klambratúni og man lítið sem ekkert eftir því hvað gerðist í aðdraganda þess. Aníta Briem leikur Sögu og hefur þótt sýna afburðaframmistöðu. Kvikmyndin var meðal annars sýnd á kvikmyndahátíð í Tallin í Eistlandi og hlaut mikið lof gagnrýnenda. „Hvernig var hægt að ganga fram hjá framúrskarandi túlkun Anítu Briem á aðalpersónunni?" Skjálfti er tilnefnd í flokkunum Hljóð ársins (Gunnar Árnason) og tónlist ársins (Páll Ragnar Pálsson og Eðvarð Egilsson). Sigríður Pétursdóttir kvikmyndafræðingur tjáði sig um tilnefningarnar á Facebook síðu sinni í gær í færslu sem vakið hefur talsverð viðbrögð. Þar segist hún ekki geta orða bundist og spyr hvers vegna í ósköpunum Skjáfti hafi ekki fleiri Eddutilnefningar. „Hvernig var hægt að ganga fram hjá framúrskarandi túlkun Anítu Briem á aðalpersónunni Sögu? Vægast sagt með því besta sem hefur sést lengi í íslenskri mynd? Og hvað með leikstjórn Tinnu og klippingu Davíðs Corno og Valdísar Óskars?“ skrifar Sigríður. Blaðamaðurinn, bókmenntafræðingurinn og bókmenntagagnrýnandinn Páll Baldvinsson segir það „afarsjaldan sem þess gætir í tilnefningum til Grímu og Eddu að hið faglega njóti sannmælis.“ Hér má sjá Eddutilnefningar fyrir leikstjóra ársins en margir sakna þess að sjá þar nafn Tinnu Hrafnsdóttur. Marta Nordal, leikkona, leikstjóri og leikhússtjóri Leikfélags Akureyrar er ein þeirra sem tekur undir hugleiðingar Sigríðar. Hún segir Skjálfta óvenjulega og sterka mynd og leik Anítu frábæran. Marta segir jafnframt þá staðreynd að Verbúðin hafi ekki hlotið tilnefningu fyrir handrit ársins stórfurðulega. Helga Rakel Rafnsdóttir kvikmyndagerðarkona segir einfaldlega: Skandall að Aníta Briem hafi ekki verið tilnefnd. Fjölmargir hafa líkað við athugasemd leikstjórans Hilmars Oddsonar sem segir að sér sé „algerlega hulið af hverju Tinna Hrafnsdóttir fékk ekki tilnefningu fyrir leikstjórn ekki síður hvernig hægt var að ganga fram hjá Anítu og Eddu Björgvins.“ Tinna segist þakklát fyrir hlý orð og hvatninguna Tinna Hrafnsdóttir tjáði sig lítillega um málið á sinni Facebook síðu þegar hún deildi færslu Sigríðar. „Ég er auðmjúk og þakklát fyrir hlý orð og hvatninguna,“ skrifar Tinna. „Það er skrítið að eiga mikið undir fáum en eftir stendur að viðtökurnar sem myndin fékk bæði hér heima og erlendis voru vonum framar.“ Tinna segist jafnframt glöð fyrir tilnefningarnar sem Skjálfti hlaut fyrir hljóð og tónlist, auk þess sem hún óskar öllum öðrum tilnefndum kollegum til hamingju. Tinna var gestur Einkalífsins á síðasta ári þar sem hún tjáði sig um gerð myndarinnar. „Þegar ég las bókina Stóri Skjálfti eftir Auði Jónsdóttur þá heltók hún mig. Mér fannst þessi saga algjörlega mögnuð. Ég veit ekki hvað gerðist, en ég bara varð að gera kvikmynd upp úr þessari bók,“ sagði Tinna í þættinum. Menning Bíó og sjónvarp Edduverðlaunin Kvikmyndagerð á Íslandi Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Vítalía og Arnar Grant í kossaflensi Lífið Margrét Ýr og Reynir nýtt par Lífið Gult og glæsilegt einbýlishús Sölva til sölu Lífið Talin ólíklegust til að komast áfram Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun „Æskuheimilið hans er bara rústir“ Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira
Tinna Hrafnsdóttir leikstýrði myndinni og skrifaði einnig handritið. Kvikmyndin er byggð á skáldsögunni Stóra skjálfta eftir Auði Jónsdóttur, sem kom út árið 2015. Skjálfti er fyrsta kvikmyndin í fullri lengd undir leiksjórn Tinnu. Myndin fjallar um Sögu sem vaknar eftir heiftarlegt flogakast á Klambratúni og man lítið sem ekkert eftir því hvað gerðist í aðdraganda þess. Aníta Briem leikur Sögu og hefur þótt sýna afburðaframmistöðu. Kvikmyndin var meðal annars sýnd á kvikmyndahátíð í Tallin í Eistlandi og hlaut mikið lof gagnrýnenda. „Hvernig var hægt að ganga fram hjá framúrskarandi túlkun Anítu Briem á aðalpersónunni?" Skjálfti er tilnefnd í flokkunum Hljóð ársins (Gunnar Árnason) og tónlist ársins (Páll Ragnar Pálsson og Eðvarð Egilsson). Sigríður Pétursdóttir kvikmyndafræðingur tjáði sig um tilnefningarnar á Facebook síðu sinni í gær í færslu sem vakið hefur talsverð viðbrögð. Þar segist hún ekki geta orða bundist og spyr hvers vegna í ósköpunum Skjáfti hafi ekki fleiri Eddutilnefningar. „Hvernig var hægt að ganga fram hjá framúrskarandi túlkun Anítu Briem á aðalpersónunni Sögu? Vægast sagt með því besta sem hefur sést lengi í íslenskri mynd? Og hvað með leikstjórn Tinnu og klippingu Davíðs Corno og Valdísar Óskars?“ skrifar Sigríður. Blaðamaðurinn, bókmenntafræðingurinn og bókmenntagagnrýnandinn Páll Baldvinsson segir það „afarsjaldan sem þess gætir í tilnefningum til Grímu og Eddu að hið faglega njóti sannmælis.“ Hér má sjá Eddutilnefningar fyrir leikstjóra ársins en margir sakna þess að sjá þar nafn Tinnu Hrafnsdóttur. Marta Nordal, leikkona, leikstjóri og leikhússtjóri Leikfélags Akureyrar er ein þeirra sem tekur undir hugleiðingar Sigríðar. Hún segir Skjálfta óvenjulega og sterka mynd og leik Anítu frábæran. Marta segir jafnframt þá staðreynd að Verbúðin hafi ekki hlotið tilnefningu fyrir handrit ársins stórfurðulega. Helga Rakel Rafnsdóttir kvikmyndagerðarkona segir einfaldlega: Skandall að Aníta Briem hafi ekki verið tilnefnd. Fjölmargir hafa líkað við athugasemd leikstjórans Hilmars Oddsonar sem segir að sér sé „algerlega hulið af hverju Tinna Hrafnsdóttir fékk ekki tilnefningu fyrir leikstjórn ekki síður hvernig hægt var að ganga fram hjá Anítu og Eddu Björgvins.“ Tinna segist þakklát fyrir hlý orð og hvatninguna Tinna Hrafnsdóttir tjáði sig lítillega um málið á sinni Facebook síðu þegar hún deildi færslu Sigríðar. „Ég er auðmjúk og þakklát fyrir hlý orð og hvatninguna,“ skrifar Tinna. „Það er skrítið að eiga mikið undir fáum en eftir stendur að viðtökurnar sem myndin fékk bæði hér heima og erlendis voru vonum framar.“ Tinna segist jafnframt glöð fyrir tilnefningarnar sem Skjálfti hlaut fyrir hljóð og tónlist, auk þess sem hún óskar öllum öðrum tilnefndum kollegum til hamingju. Tinna var gestur Einkalífsins á síðasta ári þar sem hún tjáði sig um gerð myndarinnar. „Þegar ég las bókina Stóri Skjálfti eftir Auði Jónsdóttur þá heltók hún mig. Mér fannst þessi saga algjörlega mögnuð. Ég veit ekki hvað gerðist, en ég bara varð að gera kvikmynd upp úr þessari bók,“ sagði Tinna í þættinum.
Menning Bíó og sjónvarp Edduverðlaunin Kvikmyndagerð á Íslandi Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Vítalía og Arnar Grant í kossaflensi Lífið Margrét Ýr og Reynir nýtt par Lífið Gult og glæsilegt einbýlishús Sölva til sölu Lífið Talin ólíklegust til að komast áfram Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun „Æskuheimilið hans er bara rústir“ Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira