Íslenskur heila- og taugaskurðlæknir með Eurovision-lag í keppni í San Marínó Magnús Hlynur Hreiðarsson skrifar 23. febrúar 2023 15:16 Arnar Ástráðsson, 56 ára heila- og taugaskurðlæknir,sem var með lag, sem hann samdi í undankeppni Eurovision í San Marino í vikunni. Erna Hrönn samdi textann og söng lagið af sinni alkunnu snilld. Aðsend/Getty Arnar Ástráðsson, 56 ára heila- og taugaskurðlæknir við Háskólasjúkrahúsið í Árósum í Danmörku og vísindamaður við Harvardháskóla í Bandaríkjunum, sendi lag í undankeppni Eurovision í San Marínó. Erna Hrönn Ólafsdóttir söng lagið með tilþrifum en komst þó ekki áfram. „Lagið sem ég samdi og sendi inn í keppnina heitir „Your Voice“, og það er söngkonan, Erna Hrönn sem átti heiður að textanum. Hann fjallar um að að rísa upp aftur eftir áföll og hvað það er mikilvægt að hafa trú á og að elska sjálfan sig. Erna heillaðist strax af laginu og það er gott merki þegar söngkonuna langar sjálfa að semja textann fyrir mann hygg ég. Erna Hrönn er að mínu mati ein besta söngkona sem Ísland á,“ segir Arnar. Keppnin „Una Voce per San Marino“, sem er undankeppni Eurovision þar í landi, er talsvert stór og íburðarmikil keppni og hefur í raun staðið yfir síðan í haust með áheyrnarprufum. Svo stendur aðalkeppnin yfir alla þessa viku með fjórum undankeppnum og svo lokakeppni. „Það voru 1100 umsækjendur frá 37 þjóðum, sem sóttu um þátttöku í keppninni í ár og ég spurði Ernu Hrönn hvort hún vildi ekki sækja um með mér og hún tók vel í það. Umsækjendum var boðið í áheyrnarprufur og úr þeim voru valdir 106 listamenn til þátttöku í fjórum undankeppnum og var Erna Hrönn ein þeirra. Hún keppti í undankeppninni í fyrradag og var henni sjónvarpað. 22 listamenn munu keppa í lokakeppninni sem verður haldin í San Marínó n.k. laugardag. Við komumst því miður ekki alla leið að þessu sinni, en vonumst til að taka aftur þátt næsta ár,“ bætir Arnar við. Lifir og hrærist í tónlist Arnar segist vera með lag á heilanum hverju sinni sem hann sé að semja. „Þetta hjálpar mér að slaka á í daglegu amstri við mitt aðalstarf, sem eru skurðlækningarnar og ég sem jafnvel lög um leið og ég er að skera upp. Það truflar mig ekki heldur bara eykur starfsgleðina ef eitthvað. Ég ferðast mikið um heiminn, sem er eitt af mínum öðrum áhugamálum. Ég hef svo búið í sex löndum, auk Íslands. Ég nýt þess mikið að eiga tíma með dætrum mínum í Kaupmannahöfn og við ferðumst mikið saman. En við vorum einmitt fjölskyldan í vetrarfríi í Dubai í sömu viku og keppnin fór fram með Ernu og föruneyti í San Marínó. Ég hefði sannarlega viljað vera með henni þar líka,” segir Arnar að lokum. Arnar segist ekki vera í neinum vafa um það að Erna Hrönn, sé besta söngkona, sem Ísland á í dag. Lagið verður gefið út á næstunni.aðsend Idol keppni í framandi landi Erna Hrönn lætur vel af ævintýrinu sem að baki er. „Fyrri prufan fór þannig fram að ég söng tvö lög fyrir dómnefnd, frekar afslappað andrúmsloft þar sem fyrst og fremst var verið að skoða mig sem söngkonu og „performer“. Eftir flutninginn þakkaði ég fyrir mig og fór í stutt viðtal við RTV sjónvarpsstöðina. Semi-final var töluvert öðruvísi og maður skynjaði pressuna. Þegar kom að mér og ég stóð frammi fyrir dómnefndinni læddist að mér sú tilfinning að ég væri að taka þá í Idol keppni í framandi landi. smá flashback frá árinu 2004,“ segir Erna Hrönn hlæjandi. „Flutningurinn gekk mjög vel þó svo að við komumst ekki lengra í keppninni. Á okkar kvöldi voru aðeins fjögur lög, sem komust áfram af tuttugu og sjö, svo líkurnar voru ekki miklar,“ bætir hún við. Hún segir lagið fallegt og grípandi sem henti henni mjög vel. „Daði Birgisson útsetti það á sinn einstaka hátt og útbjó ofboðslega flottan hljóðheim með minnstu smáatriðum, sem mér finnst svo skemmtilegt. Ég lagði mikla vinnu í textann sem kemur lóðbeint frá hjartanu úr mínum reynsluheimi svo útkoman er að mínu mati mjög góð. Nú er bara að koma laginu í spilun og á Spotify og vonandi fer það vel í landann. Ég er líka að fá svo skemmtilega athygli alls staðar að úr heiminum svo það verður gaman að leyfa fólki loksins að fá að heyra,“ segir Erna Hrönn aðspurð um lagið. Eurovision San Marínó Tónlist Íslendingar erlendis Mest lesið Margbraut á sér ökklann á Snæfellsjökli Lífið Verðmiðinn hækkar á höll Antons Lífið Þakka aðdáendum fyrir að hafa fjármagnað nýja húsið Lífið „Ég er búin að fæða þrjú börn en þetta er versta sem ég hef upplifað“ Lífið Langar að berjast við OnlyFans-stelpur Lífið Skúli og Gríma fengu sér hund Lífið Biðin langa: Rúmt ár í herlegheitin Leikjavísir Íslenski Eurovision-hópurinn lagður af stað Lífið Söngkonan Jill Sobule lést í húsbruna Lífið Segist hafa gert merka uppgötvun nú þegar hann „nálgast endalok lífs“ síns Lífið Fleiri fréttir „Ég er búin að fæða þrjú börn en þetta er versta sem ég hef upplifað“ Þakka aðdáendum fyrir að hafa fjármagnað nýja húsið Íslenski Eurovision-hópurinn lagður af stað Mætti í eigið afmæli í lokaðri líkkistu Verðmiðinn hækkar á höll Antons Skúli og Gríma fengu sér hund Menningarlegt heimili með stórbrotnu útsýni Stærsta tímahylki Íslandssögunnar Langar að berjast við OnlyFans-stelpur Margbraut á sér ökklann á Snæfellsjökli Söngkonan Jill Sobule lést í húsbruna Dóttir De Niro kemur út sem trans Rapphljómsveit til rannsóknar hjá hryðjuverkadeildinni Segist hafa gert merka uppgötvun nú þegar hann „nálgast endalok lífs“ síns „Þetta er lúmskt skrímsli“ Michael Bolton með ólæknandi krabbamein Forsalan sögð slá öll fyrri met „Burtu með fordóma“ tónleikar á Selfossi 1. maí Hafa náð að auka ráðstöfunartekjur sínar um 37 prósent Ofsakláði grípur Spaugstofumenn Segir netheima kexruglaðra hafa gert sig að mennskum boxpúða Hver myndi vinna í slag, hundrað gaurar eða ein górilla? Með flygil Halldórs Laxness inni í stofu Gerði samning við Apple: „Þetta er ótrúleg viðurkenning“ Jamie XX, De La Soul og Joy Anonymous á nýrri tónlistarhátíð í Laugardal Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Sjá meira
„Lagið sem ég samdi og sendi inn í keppnina heitir „Your Voice“, og það er söngkonan, Erna Hrönn sem átti heiður að textanum. Hann fjallar um að að rísa upp aftur eftir áföll og hvað það er mikilvægt að hafa trú á og að elska sjálfan sig. Erna heillaðist strax af laginu og það er gott merki þegar söngkonuna langar sjálfa að semja textann fyrir mann hygg ég. Erna Hrönn er að mínu mati ein besta söngkona sem Ísland á,“ segir Arnar. Keppnin „Una Voce per San Marino“, sem er undankeppni Eurovision þar í landi, er talsvert stór og íburðarmikil keppni og hefur í raun staðið yfir síðan í haust með áheyrnarprufum. Svo stendur aðalkeppnin yfir alla þessa viku með fjórum undankeppnum og svo lokakeppni. „Það voru 1100 umsækjendur frá 37 þjóðum, sem sóttu um þátttöku í keppninni í ár og ég spurði Ernu Hrönn hvort hún vildi ekki sækja um með mér og hún tók vel í það. Umsækjendum var boðið í áheyrnarprufur og úr þeim voru valdir 106 listamenn til þátttöku í fjórum undankeppnum og var Erna Hrönn ein þeirra. Hún keppti í undankeppninni í fyrradag og var henni sjónvarpað. 22 listamenn munu keppa í lokakeppninni sem verður haldin í San Marínó n.k. laugardag. Við komumst því miður ekki alla leið að þessu sinni, en vonumst til að taka aftur þátt næsta ár,“ bætir Arnar við. Lifir og hrærist í tónlist Arnar segist vera með lag á heilanum hverju sinni sem hann sé að semja. „Þetta hjálpar mér að slaka á í daglegu amstri við mitt aðalstarf, sem eru skurðlækningarnar og ég sem jafnvel lög um leið og ég er að skera upp. Það truflar mig ekki heldur bara eykur starfsgleðina ef eitthvað. Ég ferðast mikið um heiminn, sem er eitt af mínum öðrum áhugamálum. Ég hef svo búið í sex löndum, auk Íslands. Ég nýt þess mikið að eiga tíma með dætrum mínum í Kaupmannahöfn og við ferðumst mikið saman. En við vorum einmitt fjölskyldan í vetrarfríi í Dubai í sömu viku og keppnin fór fram með Ernu og föruneyti í San Marínó. Ég hefði sannarlega viljað vera með henni þar líka,” segir Arnar að lokum. Arnar segist ekki vera í neinum vafa um það að Erna Hrönn, sé besta söngkona, sem Ísland á í dag. Lagið verður gefið út á næstunni.aðsend Idol keppni í framandi landi Erna Hrönn lætur vel af ævintýrinu sem að baki er. „Fyrri prufan fór þannig fram að ég söng tvö lög fyrir dómnefnd, frekar afslappað andrúmsloft þar sem fyrst og fremst var verið að skoða mig sem söngkonu og „performer“. Eftir flutninginn þakkaði ég fyrir mig og fór í stutt viðtal við RTV sjónvarpsstöðina. Semi-final var töluvert öðruvísi og maður skynjaði pressuna. Þegar kom að mér og ég stóð frammi fyrir dómnefndinni læddist að mér sú tilfinning að ég væri að taka þá í Idol keppni í framandi landi. smá flashback frá árinu 2004,“ segir Erna Hrönn hlæjandi. „Flutningurinn gekk mjög vel þó svo að við komumst ekki lengra í keppninni. Á okkar kvöldi voru aðeins fjögur lög, sem komust áfram af tuttugu og sjö, svo líkurnar voru ekki miklar,“ bætir hún við. Hún segir lagið fallegt og grípandi sem henti henni mjög vel. „Daði Birgisson útsetti það á sinn einstaka hátt og útbjó ofboðslega flottan hljóðheim með minnstu smáatriðum, sem mér finnst svo skemmtilegt. Ég lagði mikla vinnu í textann sem kemur lóðbeint frá hjartanu úr mínum reynsluheimi svo útkoman er að mínu mati mjög góð. Nú er bara að koma laginu í spilun og á Spotify og vonandi fer það vel í landann. Ég er líka að fá svo skemmtilega athygli alls staðar að úr heiminum svo það verður gaman að leyfa fólki loksins að fá að heyra,“ segir Erna Hrönn aðspurð um lagið.
Eurovision San Marínó Tónlist Íslendingar erlendis Mest lesið Margbraut á sér ökklann á Snæfellsjökli Lífið Verðmiðinn hækkar á höll Antons Lífið Þakka aðdáendum fyrir að hafa fjármagnað nýja húsið Lífið „Ég er búin að fæða þrjú börn en þetta er versta sem ég hef upplifað“ Lífið Langar að berjast við OnlyFans-stelpur Lífið Skúli og Gríma fengu sér hund Lífið Biðin langa: Rúmt ár í herlegheitin Leikjavísir Íslenski Eurovision-hópurinn lagður af stað Lífið Söngkonan Jill Sobule lést í húsbruna Lífið Segist hafa gert merka uppgötvun nú þegar hann „nálgast endalok lífs“ síns Lífið Fleiri fréttir „Ég er búin að fæða þrjú börn en þetta er versta sem ég hef upplifað“ Þakka aðdáendum fyrir að hafa fjármagnað nýja húsið Íslenski Eurovision-hópurinn lagður af stað Mætti í eigið afmæli í lokaðri líkkistu Verðmiðinn hækkar á höll Antons Skúli og Gríma fengu sér hund Menningarlegt heimili með stórbrotnu útsýni Stærsta tímahylki Íslandssögunnar Langar að berjast við OnlyFans-stelpur Margbraut á sér ökklann á Snæfellsjökli Söngkonan Jill Sobule lést í húsbruna Dóttir De Niro kemur út sem trans Rapphljómsveit til rannsóknar hjá hryðjuverkadeildinni Segist hafa gert merka uppgötvun nú þegar hann „nálgast endalok lífs“ síns „Þetta er lúmskt skrímsli“ Michael Bolton með ólæknandi krabbamein Forsalan sögð slá öll fyrri met „Burtu með fordóma“ tónleikar á Selfossi 1. maí Hafa náð að auka ráðstöfunartekjur sínar um 37 prósent Ofsakláði grípur Spaugstofumenn Segir netheima kexruglaðra hafa gert sig að mennskum boxpúða Hver myndi vinna í slag, hundrað gaurar eða ein górilla? Með flygil Halldórs Laxness inni í stofu Gerði samning við Apple: „Þetta er ótrúleg viðurkenning“ Jamie XX, De La Soul og Joy Anonymous á nýrri tónlistarhátíð í Laugardal Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Sjá meira