Innlent

Tveir á slysa­deild eftir eld á Tálkna­firði

Bjarki Sigurðsson skrifar
Frá vettvangi fyrr í dag.
Frá vettvangi fyrr í dag. Aðsend

Eldur kviknaði í húsnæði í eigu Arctic Fish í botni Tálknafjarðar í morgun. Svæðið hefur verið rýmt af lögreglu, slökkviliði og björgunarsveitum. Tveir voru fluttir á slysadeild með minniháttar meiðsli.

Þetta kemur fram í tilkynningu frá lögreglunni á Vestfjörðum. Þar segir að slökkvistarf standi enn yfir og hefur þjóðveginum í botni fjarðarins verið lokað til öryggis. 

„Fólk er beðið um að virða þessar lokanir enda gæti hætta skapast vegna eldsvoðans,“ segir í tilkynningunni.

Daníel Jakobsson, framkvæmdastjóri viðskiptaþróunar hjá Arctic Fish segir í samtali við fréttastofu að tveir hafi verið fluttir á slysadeild með minniháttar meiðsli. Allt tiltækt slökkvilið Tálknafjarðar, Patreksfjarðar, Ísafjarðar og Bíldudals er á svæðinu.

Aðsend
aðsend

Byggingin sem brennur er í uppbyggingu. Þar á að vera ný seiðaeldisstöð. Ekki liggur fyrir hversu miklar skemmdirnar á húsnæðinu eru.

Klippa: Eldur á Tálknafirði

Veistu meira um málið? Vísir tekur við öllum ábendingum, ljósmyndum og myndskeiðum á ritstjorn@visir.is.

Bruni hjá Arctic Fish í Tálknafirði Tálknafjörður Slökkvilið Fiskeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið