Innlent

Undir­sláttur nýju brúarinnar farinn að skemmast

Bjarki Sigurðsson skrifar
Undirsláttur brúarinnar er þegar farinn að skemmast vegna mikilla vatnavaxta í Stóru Laxá.
Undirsláttur brúarinnar er þegar farinn að skemmast vegna mikilla vatnavaxta í Stóru Laxá.

Undirsláttur nýrrar brúar yfir Stóru-Laxá er þegar farinn að skemmast vegna mikilla vatnavaxta. Rjúfa þarf veginn við ána svo stórt tjón verði ekki á brúnni.

Haraldur Þór Jónsson, sveitarstjóri Skeiða- og Gnúpverjahrepps, greinir frá þessu í Facebook-færslu í hóp íbúa sveitarfélagsins. Búið er að loka veginum og búist er við því að vegurinn verði lokaður í að minnsta kosti sólarhring. 

Fyrir tæpum mánuði var vegurinn rofinn vegna asahláku sem þá var fram undan. Honum var þá haldið lokuðum í nokkra daga.

„Við erum að rjúfa veginn til að verja mannvirkið og hleypa fram hjá mannvirkinu því það þolir þetta ekki ef það skellur á nýju brú, sem er verið að smíða hér. Við vitum ekki hvað flóðið verður stórt í nótt en það gætu orðið 70 til 100 rúmmetrar á sekúndu,“ sagði Jóhann Þ. Jóhannsson, verkstjóri hjá Ístaki við Stóru-Laxá, í kvöldfréttum Stöðvar 2 í janúar. 

Klippa: Búið að rjúfa veginn við Stóru Laxá

Áin endaði á því að rjúfa stíflu í Laxárdal og virðist sú ákvörðun um að hafa lokað veginum þá hafa bjargað brúnni. 

Klippa: Stóra-Laxá ruddist fram
Skeiða- og Gnúpverjahreppur Vegagerð Veður Hrunamannahreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið