Febrúarspá Siggu Kling - Hrútur

Þetta er vegna þess að þá ræðurðu ekki lengur hraðanum og það sem þú vilt að gerist, gerist svo löturhægt. Þetta er nú ekki alveg að henta þínu skapferli, því óþolinmæðin er í blóðrásinni og skapið eins og blessuð blíðan á Íslandi.

Þú þarft í alvörunni að temja þér þá tækni til að róa taugarnar niður að anda eins djúpt og þú getur. Halda svo andanum inni eins lengi og þú getur og anda svo frá þér hægt og rólega. Þessa æfingu getur þú framkvæmt hvar sem er, hvenær sem er og hvað sem er að gerast. Þegar þú temur þér þetta, þá verður miklu meira skipulag á hugsunum þínum og gjörðum.

Passaðu þig sérstaklega á því að vera ekki arfavondur út í neinn og að kenna ekki neinum öðrum um það sem er að gerast hjá þér. Þá nærðu þeirri hugarró og erfiðleikarnir leysast á síðustu stundu. Þá skaltu fagna og að klappa þér sjálfum á öxlina eða á bringuna til þess að senda þau skilaboð til þeirra sjöhundruð billjón frumna í blóðrásinni þinni. Þessar frumur hafa nefnilega minni allt frá því þú fæddist og þegar þú klappar á líkama þinn, þá ertu að endurvekja minnið. Og þá gengur betur bæði með líkamlega og andlega streitu, og þá kemur sterki hermaðurinn sem þú svo sannarlega ert í ljós.

Fyrstu átta dagarnir í febrúar bera með sér svo miklar orkutilfinningar sem verður erfitt að ráða við. Þetta getur mjög vel tengst ást eða ástríðum og þegar að fimmtándi febrúar gengur í garð þá veistu að allt er eins og það á að vera.

Þú skalt gefa þér tíma til að sinna útliti þínu og að láta engan sjá hvort þú eigir góðan eða slæman dag. Það eru dásamlegir tímar fram undan og mikill viðsnúningur hjá þeim sem eru í hringiðu lífsins. Þessi tími er sérstaklega skráður til 22. febrúar sem er heilagur dagur og það verður erfitt fyrir þig að trúa því núna hversu gott þetta líf er, en það er mikilvægt að þú farir eftir því sem ég sagði hér í upphafi.

Knús og kossar, Sigga Kling