Fimmtíu bestu: Gleðigjafinn, veröld sársaukans og kjarnorkuverið úr Krikanum Ingvi Þór Sæmundsson skrifar 1. febrúar 2023 10:01 Leikmennirnir sem enduðu í 40.-36. sæti í valinu á þeim bestu í efstu deild karla í handbolta á þessari öld. Hér er farið yfir þá leikmenn sem enduðu í 40.-36. sæti í valinu á bestu leikmönnum í efstu deild karla í handbolta á þessari öld. 40. Sigurður Eggertsson Lið: Valur (2001-10), Fram (2011-13) Staða: Leikstjórnandi Fæðingarár: 1982 Íslandsmeistari: 2007, 2013 Bikarmeistari: 2008, 2009 Silfur: 2002, 2004, 2009, 2010 Leikir í deild: 194 Mörk í deild: 507 Leikir í úrslitakeppni: 41 Mörk í úrslitakeppni: 92 Sigurður Eggertsson er ekki bara gleðigjafinn og sonur Agga Pó heldur einnig dúndur handboltamaður; eldsnöggur og skarpur sóknarmaður. Þótt flestir tengi Sigurð eflaust við Val, enda lék hann þar fyrstu níu árin á ferlinum og vann þrjá stóra titla, átti hann sitt besta tímabil með Fram. Sigurður gekk í raðir Fram 2011. Á fyrsta tímabili sínu hjá liðinu komst það í bikarúrslit en ekki í úrslitakeppnina. En tímabilið 2012-13 var draumi líkast í Safamýrinni. Sigurður Eggertsson fagnar eftir að Fram varð Íslandsmeistari 2013.ljósmynd jgk Fram toppaði þar á hárréttum tíma og varð Íslandsmeistari eftir að hafa unnið mjög svo sigurstranglega Hauka í úrslitaeinvígi, 3-1. Fram-liðið var vel samsett af yngri og eldri leikmönnum sem unnu vel saman. Sigurður var í seinni hópnum og átti stóran þátt í því að leiða Fram til fyrirheitna landsins á síðasta tímabili sínu í efstu deild. 39. Freyr Brynjarsson Lið: Valur (2000-05), Haukar (2005-13) Staða: Vinstra horn Fæðingarár: 1977 Íslandsmeistari: 2005, 2008, 2009, 2010 Bikarmeistari: 2010, 2012 Deildarmeistari: 2005, 2009, 2010, 2012, 2013 Silfur: 2001, 2004, 2013 Leikir í efstu deild: 289 Mörk í efstu deild: 724 Leikir í úrslitakeppni: 59 Mörk í úrslitakeppni: 129 Freyr Brynjarsson er orðabókarskilgreiningin á traustum liðsmanni og sennilega besti handboltamaðurinn sem hefur komið frá Suðurnesjum. Eftir tvö silfur með Val gekk Freyr í raðir Hauka um mitt tímabil 2004-05 sem reyndist heillaskref fyrir alla. Hann varð Íslandsmeistari með Haukum 2005, síðan komu tvö titlalaus tímabil áður en Aron Kristjánsson sneri aftur heim og tók við liðinu 2007. Undir hans stjórn urðu Haukar Íslandsmeistarar þrjú ár í röð og einu sinni bikarmeistari og tvisvar sinnum deildarmeistarar að auki. Freyr Brynjarsson vann heilan helling af titlum á flottum ferli.vísir/vilhelm Freyr var í lykilhlutverki í þessu Haukaliði; góður í sókn og enn betri í vörn. Hann lék oft fyrir framan í harðskeyttri 3-2-1 vörn Hauka í úrslitakeppninni 2010, meðal annars í oddaleiknum gegn Val í úrslitaeinvíginu. Freyr vann alls ellefu stóra titla með Haukum og lék tæplega 350 leiki í deild og úrslitakeppni á tímabilinu sem er undir í þessari umfjöllun. Hápunkturinn á ferli Freys kom samt á síðustu öld, þegar hann skoraði jöfnunarmarkið fræga í kærubikarúrslitaleik Vals og Fram. En sú saga á skilið heila heimildarmynd. 38. Einar Örn Jónsson Lið: Haukar (2000-02, 2008-11) Staða: Hægra horn Fæðingarár: 1976 Íslandsmeistari: 2001, 2009, 2010 Bikarmeistari: 2001, 2002, 2010 Deildarmeistari: 2002, 2009, 2010 Leikir í deild: 105 Mörk í deild: 281 Leikir í úrslitakepni: 28 Mörk í úrslitakeppni: 81 Talandi um leikmann sem tók þátt í kærubikarúrslitaleiknum og fór svo frá Val til Hauka. Og líkt og hjá Frey reyndust skiptin frábær fyrir Einar Örn Jónsson og Hauka. Einar var í lykilhlutverki hjá Haukum tímabilin 2000-01 og 2001-02 þar sem liðið vann fjóra af þeim sex stóru titlum sem í boði voru. Haukar komust einnig langt í Evrópukeppni 2000-01 og á leiðinni þangað skoraði Einar frægt sigurmark gegn Sporting á Ásvöllum. Einar Örn Jónsson átti sín bestu ár í Haukum.fréttablaðið Frammistaðan hjá Haukum skilaði Einari landsliðssæti og farseðli í atvinnumennskuna. Þegar hann sneri heim úr henni fór hann aftur í Hauka og tók upp þráðinn við að vinna titla, meðal annars þrennuna 2009-10. Einar nýtti færin sín afburðavel úr hægra horninu, var áræðinn og yfirvegaður í öllum sínum aðgerðum og bjó sér til gríðarlega flottan feril. 37. Gunnar Berg Viktorsson Lið: Fram (2000-01), Haukar (2007-2010) Staða: Vinstri skytta Fæðingarár: 1976 Íslandsmeistari: 2008, 2009, 2010 Bikarmeistari: 2010 Deildarmeistari: 2009, 2010 Valdimarsbikar: 2008 Besti varnarmaður: 2010 Leikir í deild: 86 Mörk í deild: 231 Leikir í úrslitakeppni: 15 Mörk í úrslitakeppni: 45 Ef þú óðst inn í Haukavörnina á árunum 2007-10 gerðirðu það á eigin ábyrgð. Þar buðu nefnilega Eyjamennirnir Gunnar Berg Viktorsson og Arnar Pétursson þig velkominn í veröld sársaukans eins og Walter í The Big Lebowski talaði svo oft um. Ef svo ólíklega vildi til að þú skoraðir fékkstu allavega marblett. Það var með öðrum orðum ekki að ástæðulausu að Rúnar Kárason, þáverandi leikmaður Fram, líkti Haukum við Bad Boys lið Detroit Pistons. Haukar tóku þessari samlíkingu fagnandi og spiluðu Bad Boys lagið fyrir leiki í úrslitakeppninni 2009. Gunnar Berg Viktorsson lauk ferlinum með Haukum og varð meðal annars Íslandsmeistari þrjú ár í röð með liðinu.fréttablaðið Gunnar Berg og Arnar voru ekki bara harðir í horn að taka heldur einnig frábærir í vörn og grunnurinn sem Haukar byggðu á til að koma sér aftur á sigurbraut eftir tvö titlalaus ár (2006-07). Á árunum 2008-10 unnu Haukar sex af þeim átta stóru titlum sem í boði voru, þar á meðal þrefalt 2010. Auk þess að vera í risahlutverki í vörn Hauka lét Gunnar Berg einnig til sín taka í sókninni. Þar var hann oft í því óeigingjarna hlutverki að spila hægra megin fyrir utan þrátt fyrir að vera rétthentur en leysti það með sóma. 36. Magnús Óli Magnússon Lið: FH (2011-15), Valur (2017-) Staða: Vinstri skytta/leikstjórnandi Fæðingarár: 1992 Íslandsmeistari: 2021, 2022 Bikarmeistari: 2021, 2022 Deild: 2020, 2022 Silfur: 2012 Valdimarsbikar: 2022 Leikir í deild: 183 Mörk í deild: 739 Leikir í úrslitakeppni: 31 Mörk í úrslitakeppni: 149 Líklega væri hægt að nýta kraftinn í líkama Magnúsar Óla Magnússonar sem orkugjafa fyrir bíla eða hita upp hús. Enda einn allra, allra kraftmesti leikmaður sem hefur spilað í deildinni hér heim og einn besti gegnumbrotsmaður hennar frá upphafi. Magnús Óli átti fín ár með FH en náði fyrst almennilegu flugi þegar hann kom í Val 2017. Liðinu vegnaði hins vegar ekkert sérstaklega fyrst eftir að hann kom á Hlíðarenda en það breyttist síðan svo um munaði. Magnús Óli Magnússon í kunnuglegri stöðu, að skilja óheppinn varnarmann eftir í reyk.vísir/hulda margrét Undanfarin tvö ár hefur Valur verið með langbesta lið landsins og unnið allt sem hægt er að vinna. Leikjum Magnúsar Óla hefur hins vegar fækkað talsvert enda mikið meiddur. Valsliðið er samt alltaf betra með hann innanborðs og stigin í riðlakeppni Evrópudeildarinnar væru eflaust fleiri ef hann hefði getað beitt sér að fullu. Hæfileikar hans koma nefnilega bersýnilega í ljós þegar hann spilar gegn betri leikmönnum sem hann stenst fyllilega snúning. Olís-deild karla 50 bestu Tengdar fréttir Fimmtíu bestu: 45.-41. sæti Hér er farið yfir þá leikmenn sem enduðu í 45.-41. sæti í valinu á bestu leikmönnum í efstu deild karla í handbolta á þessari öld. 31. janúar 2023 10:00 Fimmtíu bestu: 50.-46. sæti Hér er farið yfir þá leikmenn sem enduðu í 50.-46. sæti í valinu á bestu leikmönnum í efstu deild karla í handbolta á þessari öld. 30. janúar 2023 10:01 Mest lesið „Eins og að spila við landslið Þýskalands nasismans“ Sport Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Jóhann Berg fer frá Burnley í sumar Enski boltinn De Zerbi hættir hjá Brighton Enski boltinn Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Fury í ham og ýtti Usyk í vigtuninni Sport Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira
40. Sigurður Eggertsson Lið: Valur (2001-10), Fram (2011-13) Staða: Leikstjórnandi Fæðingarár: 1982 Íslandsmeistari: 2007, 2013 Bikarmeistari: 2008, 2009 Silfur: 2002, 2004, 2009, 2010 Leikir í deild: 194 Mörk í deild: 507 Leikir í úrslitakeppni: 41 Mörk í úrslitakeppni: 92 Sigurður Eggertsson er ekki bara gleðigjafinn og sonur Agga Pó heldur einnig dúndur handboltamaður; eldsnöggur og skarpur sóknarmaður. Þótt flestir tengi Sigurð eflaust við Val, enda lék hann þar fyrstu níu árin á ferlinum og vann þrjá stóra titla, átti hann sitt besta tímabil með Fram. Sigurður gekk í raðir Fram 2011. Á fyrsta tímabili sínu hjá liðinu komst það í bikarúrslit en ekki í úrslitakeppnina. En tímabilið 2012-13 var draumi líkast í Safamýrinni. Sigurður Eggertsson fagnar eftir að Fram varð Íslandsmeistari 2013.ljósmynd jgk Fram toppaði þar á hárréttum tíma og varð Íslandsmeistari eftir að hafa unnið mjög svo sigurstranglega Hauka í úrslitaeinvígi, 3-1. Fram-liðið var vel samsett af yngri og eldri leikmönnum sem unnu vel saman. Sigurður var í seinni hópnum og átti stóran þátt í því að leiða Fram til fyrirheitna landsins á síðasta tímabili sínu í efstu deild. 39. Freyr Brynjarsson Lið: Valur (2000-05), Haukar (2005-13) Staða: Vinstra horn Fæðingarár: 1977 Íslandsmeistari: 2005, 2008, 2009, 2010 Bikarmeistari: 2010, 2012 Deildarmeistari: 2005, 2009, 2010, 2012, 2013 Silfur: 2001, 2004, 2013 Leikir í efstu deild: 289 Mörk í efstu deild: 724 Leikir í úrslitakeppni: 59 Mörk í úrslitakeppni: 129 Freyr Brynjarsson er orðabókarskilgreiningin á traustum liðsmanni og sennilega besti handboltamaðurinn sem hefur komið frá Suðurnesjum. Eftir tvö silfur með Val gekk Freyr í raðir Hauka um mitt tímabil 2004-05 sem reyndist heillaskref fyrir alla. Hann varð Íslandsmeistari með Haukum 2005, síðan komu tvö titlalaus tímabil áður en Aron Kristjánsson sneri aftur heim og tók við liðinu 2007. Undir hans stjórn urðu Haukar Íslandsmeistarar þrjú ár í röð og einu sinni bikarmeistari og tvisvar sinnum deildarmeistarar að auki. Freyr Brynjarsson vann heilan helling af titlum á flottum ferli.vísir/vilhelm Freyr var í lykilhlutverki í þessu Haukaliði; góður í sókn og enn betri í vörn. Hann lék oft fyrir framan í harðskeyttri 3-2-1 vörn Hauka í úrslitakeppninni 2010, meðal annars í oddaleiknum gegn Val í úrslitaeinvíginu. Freyr vann alls ellefu stóra titla með Haukum og lék tæplega 350 leiki í deild og úrslitakeppni á tímabilinu sem er undir í þessari umfjöllun. Hápunkturinn á ferli Freys kom samt á síðustu öld, þegar hann skoraði jöfnunarmarkið fræga í kærubikarúrslitaleik Vals og Fram. En sú saga á skilið heila heimildarmynd. 38. Einar Örn Jónsson Lið: Haukar (2000-02, 2008-11) Staða: Hægra horn Fæðingarár: 1976 Íslandsmeistari: 2001, 2009, 2010 Bikarmeistari: 2001, 2002, 2010 Deildarmeistari: 2002, 2009, 2010 Leikir í deild: 105 Mörk í deild: 281 Leikir í úrslitakepni: 28 Mörk í úrslitakeppni: 81 Talandi um leikmann sem tók þátt í kærubikarúrslitaleiknum og fór svo frá Val til Hauka. Og líkt og hjá Frey reyndust skiptin frábær fyrir Einar Örn Jónsson og Hauka. Einar var í lykilhlutverki hjá Haukum tímabilin 2000-01 og 2001-02 þar sem liðið vann fjóra af þeim sex stóru titlum sem í boði voru. Haukar komust einnig langt í Evrópukeppni 2000-01 og á leiðinni þangað skoraði Einar frægt sigurmark gegn Sporting á Ásvöllum. Einar Örn Jónsson átti sín bestu ár í Haukum.fréttablaðið Frammistaðan hjá Haukum skilaði Einari landsliðssæti og farseðli í atvinnumennskuna. Þegar hann sneri heim úr henni fór hann aftur í Hauka og tók upp þráðinn við að vinna titla, meðal annars þrennuna 2009-10. Einar nýtti færin sín afburðavel úr hægra horninu, var áræðinn og yfirvegaður í öllum sínum aðgerðum og bjó sér til gríðarlega flottan feril. 37. Gunnar Berg Viktorsson Lið: Fram (2000-01), Haukar (2007-2010) Staða: Vinstri skytta Fæðingarár: 1976 Íslandsmeistari: 2008, 2009, 2010 Bikarmeistari: 2010 Deildarmeistari: 2009, 2010 Valdimarsbikar: 2008 Besti varnarmaður: 2010 Leikir í deild: 86 Mörk í deild: 231 Leikir í úrslitakeppni: 15 Mörk í úrslitakeppni: 45 Ef þú óðst inn í Haukavörnina á árunum 2007-10 gerðirðu það á eigin ábyrgð. Þar buðu nefnilega Eyjamennirnir Gunnar Berg Viktorsson og Arnar Pétursson þig velkominn í veröld sársaukans eins og Walter í The Big Lebowski talaði svo oft um. Ef svo ólíklega vildi til að þú skoraðir fékkstu allavega marblett. Það var með öðrum orðum ekki að ástæðulausu að Rúnar Kárason, þáverandi leikmaður Fram, líkti Haukum við Bad Boys lið Detroit Pistons. Haukar tóku þessari samlíkingu fagnandi og spiluðu Bad Boys lagið fyrir leiki í úrslitakeppninni 2009. Gunnar Berg Viktorsson lauk ferlinum með Haukum og varð meðal annars Íslandsmeistari þrjú ár í röð með liðinu.fréttablaðið Gunnar Berg og Arnar voru ekki bara harðir í horn að taka heldur einnig frábærir í vörn og grunnurinn sem Haukar byggðu á til að koma sér aftur á sigurbraut eftir tvö titlalaus ár (2006-07). Á árunum 2008-10 unnu Haukar sex af þeim átta stóru titlum sem í boði voru, þar á meðal þrefalt 2010. Auk þess að vera í risahlutverki í vörn Hauka lét Gunnar Berg einnig til sín taka í sókninni. Þar var hann oft í því óeigingjarna hlutverki að spila hægra megin fyrir utan þrátt fyrir að vera rétthentur en leysti það með sóma. 36. Magnús Óli Magnússon Lið: FH (2011-15), Valur (2017-) Staða: Vinstri skytta/leikstjórnandi Fæðingarár: 1992 Íslandsmeistari: 2021, 2022 Bikarmeistari: 2021, 2022 Deild: 2020, 2022 Silfur: 2012 Valdimarsbikar: 2022 Leikir í deild: 183 Mörk í deild: 739 Leikir í úrslitakeppni: 31 Mörk í úrslitakeppni: 149 Líklega væri hægt að nýta kraftinn í líkama Magnúsar Óla Magnússonar sem orkugjafa fyrir bíla eða hita upp hús. Enda einn allra, allra kraftmesti leikmaður sem hefur spilað í deildinni hér heim og einn besti gegnumbrotsmaður hennar frá upphafi. Magnús Óli átti fín ár með FH en náði fyrst almennilegu flugi þegar hann kom í Val 2017. Liðinu vegnaði hins vegar ekkert sérstaklega fyrst eftir að hann kom á Hlíðarenda en það breyttist síðan svo um munaði. Magnús Óli Magnússon í kunnuglegri stöðu, að skilja óheppinn varnarmann eftir í reyk.vísir/hulda margrét Undanfarin tvö ár hefur Valur verið með langbesta lið landsins og unnið allt sem hægt er að vinna. Leikjum Magnúsar Óla hefur hins vegar fækkað talsvert enda mikið meiddur. Valsliðið er samt alltaf betra með hann innanborðs og stigin í riðlakeppni Evrópudeildarinnar væru eflaust fleiri ef hann hefði getað beitt sér að fullu. Hæfileikar hans koma nefnilega bersýnilega í ljós þegar hann spilar gegn betri leikmönnum sem hann stenst fyllilega snúning.
Lið: Valur (2001-10), Fram (2011-13) Staða: Leikstjórnandi Fæðingarár: 1982 Íslandsmeistari: 2007, 2013 Bikarmeistari: 2008, 2009 Silfur: 2002, 2004, 2009, 2010 Leikir í deild: 194 Mörk í deild: 507 Leikir í úrslitakeppni: 41 Mörk í úrslitakeppni: 92
Lið: Valur (2000-05), Haukar (2005-13) Staða: Vinstra horn Fæðingarár: 1977 Íslandsmeistari: 2005, 2008, 2009, 2010 Bikarmeistari: 2010, 2012 Deildarmeistari: 2005, 2009, 2010, 2012, 2013 Silfur: 2001, 2004, 2013 Leikir í efstu deild: 289 Mörk í efstu deild: 724 Leikir í úrslitakeppni: 59 Mörk í úrslitakeppni: 129
Lið: Haukar (2000-02, 2008-11) Staða: Hægra horn Fæðingarár: 1976 Íslandsmeistari: 2001, 2009, 2010 Bikarmeistari: 2001, 2002, 2010 Deildarmeistari: 2002, 2009, 2010 Leikir í deild: 105 Mörk í deild: 281 Leikir í úrslitakepni: 28 Mörk í úrslitakeppni: 81
Lið: Fram (2000-01), Haukar (2007-2010) Staða: Vinstri skytta Fæðingarár: 1976 Íslandsmeistari: 2008, 2009, 2010 Bikarmeistari: 2010 Deildarmeistari: 2009, 2010 Valdimarsbikar: 2008 Besti varnarmaður: 2010 Leikir í deild: 86 Mörk í deild: 231 Leikir í úrslitakeppni: 15 Mörk í úrslitakeppni: 45
Lið: FH (2011-15), Valur (2017-) Staða: Vinstri skytta/leikstjórnandi Fæðingarár: 1992 Íslandsmeistari: 2021, 2022 Bikarmeistari: 2021, 2022 Deild: 2020, 2022 Silfur: 2012 Valdimarsbikar: 2022 Leikir í deild: 183 Mörk í deild: 739 Leikir í úrslitakeppni: 31 Mörk í úrslitakeppni: 149
Olís-deild karla 50 bestu Tengdar fréttir Fimmtíu bestu: 45.-41. sæti Hér er farið yfir þá leikmenn sem enduðu í 45.-41. sæti í valinu á bestu leikmönnum í efstu deild karla í handbolta á þessari öld. 31. janúar 2023 10:00 Fimmtíu bestu: 50.-46. sæti Hér er farið yfir þá leikmenn sem enduðu í 50.-46. sæti í valinu á bestu leikmönnum í efstu deild karla í handbolta á þessari öld. 30. janúar 2023 10:01 Mest lesið „Eins og að spila við landslið Þýskalands nasismans“ Sport Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Jóhann Berg fer frá Burnley í sumar Enski boltinn De Zerbi hættir hjá Brighton Enski boltinn Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Fury í ham og ýtti Usyk í vigtuninni Sport Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira
Fimmtíu bestu: 45.-41. sæti Hér er farið yfir þá leikmenn sem enduðu í 45.-41. sæti í valinu á bestu leikmönnum í efstu deild karla í handbolta á þessari öld. 31. janúar 2023 10:00
Fimmtíu bestu: 50.-46. sæti Hér er farið yfir þá leikmenn sem enduðu í 50.-46. sæti í valinu á bestu leikmönnum í efstu deild karla í handbolta á þessari öld. 30. janúar 2023 10:01