Viðskipti erlent

Greiðir tveggja milljarða dala sekt í peninga­þvættis­máli

Atli Ísleifsson skrifar
Talið er að um 200 milljarðar evra frá Rússlandi ogfyrrverandi Sovétlýðveldum hafi verið þvættaðar í útibúi Danske bank í Tallinn frá 2007 til 2015.
Talið er að um 200 milljarðar evra frá Rússlandi ogfyrrverandi Sovétlýðveldum hafi verið þvættaðar í útibúi Danske bank í Tallinn frá 2007 til 2015. EPA

Danske Bank hefur samþykkt að greiða tveggja milljarða Bandaríkjadala sekt í tengslum við rannsókn á peningaþvætti í einu af útibúum bankans. Sektin er liður í sátt bankans við bandarísk, eistnesk og dönsk yfirvöld.

Greint var frá þessu í tilkynningu frá bankanum í gær. Upphæðin samsvarar tæplega 300 milljarða íslenskra króna á gengi dagsins í dag.

Rannsókn hefur lengi staðið yfir á starfsemi Danske Bank í útibúi bankans í Eistlandi. Í tilkynningunni frá bankanum segir að bankinn viðurkenni niðurstöðu rannsóknarinnar og biðst jafnframt afsökunar á málinu.

Bankinn hafi lært af málinu og gripið til aðgerða til að tryggja að slíkt endurtaki sig ekki.

Talið er að um 200 milljarðar evra frá Rússlandi og fyrrverandi Sovétlýðveldum hafi verið þvættaðar í útibúi Danske Bank í Tallinn frá 2007 til 2015.

Forstjóri og stjórnarformaður Danske Bank sögðu af sér vegna hneykslisins árið 2018. Fjölmargir starfsmenn bankans voru handteknir í tengslum við rannsókn málsins.

Peningaþvætti norrænna banka Danmörk Eistland

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið