Erlent

Þrjú börn látin eftir að hafa farið í gegnum ísinn

Atli Ísleifsson skrifar
Leitaraðgerðir standa enn yfir í Babbs Mill almenningsgarðinum.
Leitaraðgerðir standa enn yfir í Babbs Mill almenningsgarðinum. Getty

Þrír drengir – átta, tíu og ellefu ára – eru látnir eftir að þeir fóru í gegnum ísinn á ísilagðri tjörn í úthverfi Birmingham í Englandi í gær.

Fjórði drengurinn sem féll í tjörnina er á sjúkrahúsi og er ástand hans sagt vera alvarlegt. Hann er sex ára að aldri.

Þetta kemur fram í frétt BBC. Þar segir að drengirnir hafi verið að leik á ísnum í Babbs Mill almenningsgarðinum, austur af Birmingham.

Drengirnir voru fluttir á sjúkrahús eftir að þeim bjargað úr tjörninni. Þrír þeirra voru síðar úrskurðaðir látnir.

Getty

Leit stendur enn yfir við tjörnina þar sem lögregla vinnur að því að komast að því nákvæmlega gerðist og hvort að einhver annar hafi mögulega farið í tjörnina.

Tilkynning um slysið kom inn á borð lögreglu síðdegis í gær.

England Bretland

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið