Innlent

Biðjast af­sökunar á ó­við­eig­andi orði í orða­rugli

Bjarki Sigurðsson skrifar
Morgunblaðið er til húsa við Hádegismóa í Reykjavík.
Morgunblaðið er til húsa við Hádegismóa í Reykjavík. Vísir/Egill

Ritstjórn Morgunblaðsins hefur beðist velvirðingar á því að fyrir slysni hafi orðið „hópnauðgun“ verið hluti af orðarugli blaðsins í gær. Orðið hafi átt að vera fjarlægt fyrir birtingu. 

Það brá mörgum þegar þeir leystu orðarugl Morgunblaðsins í gær þegar orðið „hópnauðgun“ var eitt af orðunum sem átti að finna í stafasúpunni. Vakin var athygli á þessu á samfélagsmiðlinum Twitter. 

Í Morgunblaðinu í dag birtist athugasemd þar sem beðist var afsökunar á því að orðið hafi verið hluti af orðaruglinu. Þar var útskýrt að orðin séu valin af tölvu og fyrir mistök hafi það ekki verið fjarlægt fyrir birtingu. 

„Í gær urðu þau mis­tök í gát­unni Orðarugli að óviðeig­andi orð var meðal lausn­ar­orða. Orðin eru val­in af handa­hófi af tölvu og fyr­ir mis­tök var þetta ekki fjar­lægt áður en gát­an birt­ist. Nú hef­ur þetta orð og önn­ur sam­bæri­leg verið fjar­lægð úr orðasafn­inu. Beðist er vel­v­irðing­ar á mis­tök­un­um,“ segir í athugasemdinni. 

Athugasemdin sem birt var í Morgunblaðinu.
Fjölmiðlar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið