Innlent

Herjólfur kominn til Eyja en morgunferðir falla niður

Gunnar Reynir Valþórsson skrifar
Viðgerð verður fram haldið í Vestmannaeyjum í dag.
Viðgerð verður fram haldið í Vestmannaeyjum í dag. Vísir/Vilhelm

Ferðir Vestmannaeyjaferjunnar Herjólfs riðluðust í gær þegar upp kom bilun í stefnishurð skipsins þar sem það var statt í Þorlákshöfn.

Margra tíma töf varð því á brottför og sigldi skipið ekki úr höfn fyrr en klukkan var kortér gengin í þrjú í nótt. Skipið kom svo til Vestmannaeyja um fimmleytið í morgun og þar á að halda áfram viðgerð á hurðinni, að því er segir í færslu á Facebook.

Því falla allar ferðir niður fyrrihluta dags en upplýsingar um síðdegisferðir ferjunnar koma klukkan þrjú. 

Herjólfur hefur undanfarið siglt til Þorlákshafnar sökum þess að slæmt veður hefur komið í veg fyrir að hægt sé að sigla til Landeyjarhafnar.

Herjólfur Vestmannaeyjar Samgöngur

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið