Lífið

Blökastið heldur vetrarbingó með veg­legum vinningum

Tinni Sveinsson skrifar
Sverrir Bergmann, Jóhanna Guðrún og Halldór Gunnar eru gestir vetrarbingósins.
Sverrir Bergmann, Jóhanna Guðrún og Halldór Gunnar eru gestir vetrarbingósins. Vísir

Vetrarbingó Blökastsins verður laugardaginn 5. nóvember klukkan 20. Auddi og Steindi lofa mikilli skemmtun og frábærum vinningum. Bingóið verður sýnt í opinni dagskrá á Vísi og á sjónvarpsstöðinni Stöð 2 Vísi.

Sérstakir gestir BLÖ-drengjanna verða Sverrir Bergmann, Jóhanna Guðrún og Halldór Gunnar. Auddi og Steindi verða bingóstjórar og er aldrei að vita hverju þeir finna upp á. Auglýsingu fyrir vetrarbingóið má sjá í spilaranum hér fyrir neðan.

Klippa: Vetrar­bingó Blökastsins haldið 5. nóvember

Svakalegir vinningar

Fjöldi veglegra vinninga eru í boði fyrir þá sem eru svo heppnir að fá bingó. Þá helstu má sjá hér fyrir neðan.

  • Playstation 5 tölva
  • 100 þúsund krónur hjá Icelandair
  • Samsung Galaxy FLIP 4 sími
  • Pizzaofn
  • Rig 800 heyrnartól

Svona virkar þetta

Áskrifendur Blökastsins fá aðgang að hlekk með bingóinu og getur hver fjölskyldumeðlimur sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Hægt er að gerast áskrifandi og sjá nánari upplýsingar á vef Tals hér á Vísi.


Blökastið er áskriftarhlaðvarp með Audda, Steinda og Agli úr útvarpsþættinum FM95BLÖ. Nýir þættir koma út á hverjum þriðjudegi, ásamt skemmtilegu aukaefni eins og reglulegum sjónvarpsþáttum. Nánar á FM95BLO.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.