Körfubolti

Elvar Már og fé­lagar aftur á sigur­braut | Tryggvi Snær enn án sigurs

Hjörtur Leó Guðjónsson skrifar
Elvar Már átti góðan leik í kvöld.
Elvar Már átti góðan leik í kvöld. Vísir/Hulda Margrét

Elvar Már Friðriksson og félagar hans í Vilnius Rytas unnu nauman tveggja stiga sigur er liðið heimsótti BC Wolves í litháísku úrvalsdeildinni í körfubolta í dag, 89-91. Liðið hafði tapað þremur deildarleikjum í röð og sigurinn var því langþráður. Á Spáni hefur Zaragoza tapað öllum fimm leikjum sínum til þessa.

Elvar og félagar byrjuðu leikinn betur og leiddu með átta stigum að loknum fyrsta leikhluta. Rytas hafði svo mikla yfirburði í öðrum leikhluta þar sem liðið skoraði 27 stig gegn aðeins 15 stigum heimamanna og staðan var því 33-53 þegar gengið var til búningsherbergja.

Í síðari hálfleik snérist dæmið þó við og það voru heimamenn sem voru sterkari. Úlfarnir söxuðu jafnt og þétt á forskot Elvars og félaga og náðu loks að komast yfir um miðjan fjórða leikhluta. Það voru þó gestirnir í Rytas sem reyndust sterkari á lokamínútunum og þeir unnu að lokum nauman tveggja stiga sigur, 89-91.

Elvar skoraði sjö stig fyrir Rytas í dag, ásamt því að taka tvö fráköst og gefa átta stoðsendingar. Liðið situr nú í fimmta sæti deildarinnar með fjóra sigra í fyrstu sjö leikjum tímabilsins, en BC Wolves situr í þriðja sæti með fimm sigra.

Á Spáni gengur hvorki né rekur hjá Tryggva Snæ Hlinasyni. Hann spilaði tæplega sextán mínútur þegar Zaragoza tapaði fimmta leiknum sínum í röð. Að þessu sinni eftir framlengingu gegn Joventut, lokatölur 89-84. Tryggvi Snær skoraði tvö stig, tók tvö fráköst og gaf tvær stoðsendingar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.