Innlent

Komu í veg fyrir tjón á Djúpa­vogi

Bjarki Sigurðsson skrifar
Vonskuveður var á Djúpavogi í gær.
Vonskuveður var á Djúpavogi í gær. Vísir/Vilhelm

Lögreglan á Austurlandi og björgunarsveitir fóru í útkall á Djúpavogi í gær þar sem stefndi í skemmdir á íbúðarhúsnæði sökum foks. Málið var afgreitt hratt og vel og náðist að koma í veg fyrir tjón.

Þetta kemur fram í tilkynningu frá lögreglunni á Austurlandi um veðurtengd verkefni gærdagsins.

Enn er ekkert ferðaveður á Austurlandi og flestar vegalokanir frá því í gær enn í gildi. Enn er appelsínugul viðvörun á Austfjörðum en hún rennur út á næstu mínútum.

Björgunarsveitir sinntu útköllum skammt sunnan við Sænautasel og á Hellisheiði eystri. Í báðum útköllum höfðu ferðamenn fest ökutæki sitt og komu björgunarsveitir þeim til bjargar. Þá aðstoðuðu björgunarsveitir sjúkrabíl sem þurfti að flytja sjúkling milli Neskaupstaðar og Egilsstaða.

Lögreglumál Veður Múlaþing Björgunarsveitir

Mest lesið


Fleiri fréttir

Sjá meira


×

Mest lesið