Erlent

„Þau hafa gott af þessu“

Bjarki Sigurðsson skrifar
Drottningin svipti börn Jóakims titlum sínum fyrr í dag.
Drottningin svipti börn Jóakims titlum sínum fyrr í dag. EPA/Bo Amstrup

Margrét Danadrottning segir að barnabörn hennar sem svipt voru titlum sínum fyrr í dag hafi gott af því. Börn Jóakims Prins munu í framtíðinni ekki bera titlana prinsar og prinsessur en fá enn að vera greifar og greifynjur af Monpezat.

Í dag var greint frá því að drottningin hafi tekið þessa ákvörðun en breytingin tekur gildi þann 1. janúar á næsta ári. Breytingin nær bæði til barnanna sem Jóakim, sonur drottningarinnar, á með Alexöndru greifynju, fyrrverandi eiginkonu sinni, og Marie prinsessu, núverandi eiginkonu.

Í samtali við BT fyrr í dag sagðist Alexandra ekkert skilja í ákvörðun fyrrverandi tengdamóður sinnar. Hún væri í sorgmædd og í áfalli. Að hennar sögn upplifi börnin sig vera útskúfuð.

Margrét sjálf tjáði sig um málið í kvöld þegar hún var gestur á samkomu á Þjóðminjasafninu í Kaupmannahöfn. Hún segist telja ákvörðunina munu hafa góð áhrif á börnin í framtíðinni.

„Ég hafði íhugað þetta í langan tíma. Þau hafa gott af þessu,“ sagði drottningin. Nú munu börnin geta lifað lífi sínu án þess að þurfa að hafa áhyggjur af konunglegum skildum sínum.

Danmörk Kóngafólk Margrét Þórhildur II Danadrottning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið