Erlent

Þriggja kílómetra löng röð eftir að sjá Bretadrottningu

Hallgerður Kolbrún E. Jónsdóttir skrifar
Fólk hefur þurft að bíða í marga klukkutíma til að komast inn í Westminster Hall.
Fólk hefur þurft að bíða í marga klukkutíma til að komast inn í Westminster Hall. AP Photo/Felipe Dana

Gríðarleg röð hefur myndast í Lundúnum af fólki sem bíður þess að geta séð kistu Elísabetar annarrar Bretadrottningar og vottað henni virðingu sína. Kista drottningarinnar var í gær flutt frá Buckingham höll yfir í Westminster Hall, þar sem hún mun liggja í fjóra daga. 

Fram kemur í frétt á vef breska ríkisútvarpsins að röðin liggi nú frá Westminster Hall og meðfram suðurbakka árinnar Thames nærri alla leið að Southwark Park. Margir hafa beðið í röðinni í alla nótt.

Mikill viðbúnaður er í Lundúnum vegna síðustu legu Elísabetar í Westminster Hall en vegna mannmergðarinnar hefur fólk verið varað við því að það gæti þurft að bíða í allt að tólf tíma í röðinni. 

Númerum verður þá deilt út þannig að fólk geti skroppið frá til að fara á salernið og sækja sér mat og drykk. Sjálfboðaliðar munu þá huga að velferð fólks í röðinni og fyrst hjálp verður nálæg. Yfirvöld munu auk þess veita upplýsingar um stöðu raðarinnar frá hverjum tíma, hvar tiltekin númer eru stödd á leiðinni inn í Westminster Hall. 

Kista Elísabetar verður í Westminster Hall þar til á mánudagsmorgun, þegar útför hennar fer fram. Hermenn, sem hafa þjónað fjölskyldu drottningarinnar, standa heiðursvörð um kistuna 

Elísabet II Bretadrottning Bretland England Andlát Elísabetar II Bretadrottningar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið