Erlent

Milljónir fylgdust með flutningi lík­kistu drottningar

Ellen Geirsdóttir Håkansson skrifar
Kista Elísabetar kom til London í gær.
Kista Elísabetar kom til London í gær. Wiktor Szymanowicz/Anadolu Agency via Getty

Metfjöldi fylgdist með þegar líkkistu Elísabetar II Bretlandsdottningar heitinnar var flogið frá Edinborg og til London nú í gær.

Kistan var flutt með vél frá breska konunglega flughernum en CNN greinir frá því að 4,79 milljónir manna hafi fylgst með fluginu í gegnum vefsíðu og smáforrit FlightRadar24. Einnig Einnig hafi 296 þúsund manns fylgst með fluginu á YouTube.

Flugið frá Edinborg til London hafi tekið rétt rúman klukkutíma en búist var við að einhverjar raskanir yrðu á flugi frá Heathrow þar sem reynt var að tryggja þögn í lofthelgi London á meðan fluginu stóð.

Almenningur hefur notað FlightRadar24 til þess að fylgjast með flugum en áhorfsmetið féll í gær hélt flug Nancy Pelosi til Taívan metinu, 2,9 milljónir manna fylgdust þá með. Notkun almennings á FlightRadar24 er sögð hafa stóraukist 2010 þegar eldgos í Eyjafjallajökli hófst og flugsamgöngur röskuðust.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.