Innlent

Erill vegna mikillar ölvunar

Samúel Karl Ólason skrifar
Lögreglujónar höfðu nóg að gera í nótt.
Lögreglujónar höfðu nóg að gera í nótt. Vísir/Kolbeinn Tumi

Lögreglan hafði í nógu að snúast í nótt og var sérstaklega mikið af ölvunartengdum málum á borði hennar. Í dagbók lögreglu segir að óvenju margar tilkynningar um ofurölvi fólk og vandræði vegna ölvunar hafi borist í nótt.

Einn var handtekinn fyrir að ráðast á dyraverði í miðbænum og streittist hann á móti við handtöku. Sá var vistaður í fangaklefa. Annar var handtekinn grunaður um hótanir en hann hafði einnig ítrekað komið við sögu lögreglunnar um kvöldið.

Þá barst tilkynning um að ekið hefði verið utan í bíl og stungið af. Sá sem ók á bílinn gaf hvorki upp upplýsingar um sig né tilkynnti tjónið.

Tveir menn voru handteknir á þriðja tímanum í nótt eftir að hafa brotist inn í húsbíl og halda til þar. Mennirnir eru sagðir hafa unnið umtalsverðar skemmdir á húsbílnum.

Þá var nokkuð um ökumenn sem eru grunaðir um akstur undir áhrifum áfengis og/eða fíkniefna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.