Lífið

„Þetta er fyrsta skiptið mitt á Íslandi“

Elísabet Hanna skrifar
Katy Perry lofsamaði Ísland í ræðunni sinni.
Katy Perry lofsamaði Ísland í ræðunni sinni. Getty/Tristan Fewings/Norwegian Cruise Line

Katy Perry var ekki að spara stóru orðin þegar hún talaði um Ísland í ræðu sinni við skírnarathöfn skemmtiferðaskipsins Norwegian Prima. „Ég er svo glöð að vera partur af þessari sjómannahefð hér á fallega Íslandi,“ sagði hún meðal annars.

„Þetta er fyrsta skiptið mitt á Íslandi, sem er einn myndrænasti staður í heiminum. Myndir sem ég hef bara séð sem skjáhvílur svo takk kærlega fyrir mig,“ sagði hún um þá náttúrufegurð sem landið býr yfir.

„Sá einhver norðurljósin í gær?“ Spurði hún einnig gestina.

Vill frekar vera svala frænkan en guðmóðir

„Ég veit að það er hefð að kalla þann sem skírir skipið guðmóður en ég vil frekar vera svala frænkan sem æsir börnin þín upp, skilar þeim heim klukkan tíu um kvöldið og lætur þig finna út úr málunum,“ sagði Katy í glensi.

Fyrr í vikunni birti hún myndband af sér að sinna mikilvægum hlutum sem guðmóðir skips gerir:

Má ekki gera þetta fyrir annað skip

„Ég hef aldrei gert þetta og þetta er svo spennandi,“ sagði hún um að nefna skipið. „Ég hef aldrei verið á svona almennilegu og dásamlegu skipi áður, það er gullfallegt og ég myndi aldrei gera þetta fyrir neinn annan,“ sagði hún. 

Frank Del Rio, sem er forseti og framkvæmdarstjóri Norwegian Cruise Line Holdings Ltd, var fljótur að skjóta inn í: 

„Þú mátt ekki gera þetta fyrir neinn annan.“

Klippa: Katy Perry hélt ræðu þar sem hún talaði um fegurð Íslands

Frank hrósaði Íslandi

Sjálfur virðist Frank vera hrifinn af landinu okkar og fannst það við hæfi að hafa athöfnina hér. 

„Okkur langaði að koma Norwegian Prima á markað á jafn sérstökum og einstökum stað og skipið sjálft er. Hið sláandi landslag í Reykjavík er fullkomin umgjörð fyrir slíkan viðburð,“ sagði hann samkvæmt Travel Daily Media.

Katy má ekki skíra önnur skip.Getty/Tristan Fewings/Norwegian Cruise Line

Katy kom með alla fjölskylduna

„Ég er svo glöð að vera hérna og ég gat komið með alla fjölskylduna mína og ég fékk að halda upp á tveggja ára afmæli dóttur minnar um borð,“ sagði Katy áður en Frank greip fram í fyrir henni.

Fyrrnefndur Frank fór þá að fovitnast um Orlando Bloom sem er unnusti hennar. Hann sagði að dömurnar í skipinu væru að leita að honum. Hún svarað þá að hann væri einhversstaðar á svæðinu áður en hún hélt áfram:

„Við áttum örugglega eitt besta fjölskyldu kvöld allra tíma. Við vorum að dansa um, hún var á mér eins og kúreki og ég var að fara í hringi í herberginu og við dönsuðum í þrjá tíma og fengum æðislegan mat í herbergið og ég varðveita þessa minningu um ókomna tíð.“

Steig á svið

Eftir að skírnarathöfnin kláraðist steig Katy Perry á svið og tók lög eins og California Gurls, Teenage Dream, Roar og Firework. Það var enginn annars en íslenski tónlistarmaðurinn Daði Freyr sem sá um að hita upp fyrir hana. 

Katy Perry skírði skiptið og steig svo á svið.Getty/Tristan Fewings/Norwegian Cruise Line

Fékk íslenska hönnun

Katy fékk hálsmen að gjöf sem Guðbjörg Ingvarsdóttir, skartgripahönnuður hjá Aurum, færði henni. Hálsmenið er gert úr silfri og er sett demönt­um og safír­um. Fyrr á árinu sérhannaði Guðbjörg armband fyrir söngkonuna sem hún fékk sent til Bandaríkjanna og bar á viðburði í apríl.

Í viðtali við Vísi sagði Guðbjörg að söngkonan væri „virkilega viðkunnanleg og þægileg.“


Tengdar fréttir

Daði Freyr hitaði upp fyrir Katy Perry

Daði Freyr steig á svið um borð í skemmtiferðaskiptinu Norwegian Prima á laugardeginum og hitaði upp fyrir popp prinsessuna Katy Perry. Skipið hlaut formlega nafngift í Hörpu og var blásið til veislu í tilefni þess en Katy hefur verið að ferðast um með skipinu. 

Hannaði silfur­men með safírum og demöntum fyrir Katy Perry

Guðbjörg Kristín Ingvarsdóttir, skartgripahönnuður og eigandi Aurum, hannaði stórt silfurhálsmen með safírum og demöntum fyrir Katy Perry sem tónlistarkonan bar á sérstakri skírnarathöfn skemmtiferðaskipsins Norwegian Prima við Skarfabakka í gær. 

Katy Perry kemur til Ís­lands í sumar

Bandaríska söngkonan Kary Perry mun koma til Íslands næsta sumar í tilefni af því að hún verður svokölluð „guðmóðir“ skemmtiferðaskipsins Norwegian Prima sem mun fá formlega nafngift við Skarfabakka í Reykjavík í ágúst næstkomandi.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.