Erlent

Fyrr­verandi konditor Hvíta hússins er látinn

Bjarki Sigurðsson skrifar
Mesnier ásamt Hillary Clinton við piparkökuhús Hvíta hússins árið 2000.
Mesnier ásamt Hillary Clinton við piparkökuhús Hvíta hússins árið 2000. Getty/Alex Wong

Roland Mesnier, fyrrverandi konditor Hvítahússins, lést á föstudaginn eftir skammvinn veikindi, 78 ára að aldri. Mesnier matreiddi ljúffengt góðgæti ofan í fimm Bandaríkjaforseta á ævi sinni.

Mesnier var fyrst ráðinn til Hvíta hússins árið 1979 og starfaði þar allt til ársins 2004. Hann bakaði fyrir Jimmy Carter, Ronald Reagan, George Bush eldri, Bill Clinton og George Bush yngri.

Hann var þekktur fyrir það að hann gerði aldrei sama rétt tvisvar sinnum, sama hvort um væri að ræða nýjan forseta eða ekki.

Mesnier starfaði á veitingastöðum um allan heim áður en hann var ráðinn til Hvíta hússins, meðal annars í Frakklandi, Þýskalandi, Bretlandi og á Bermúda.

Hillary Clinton, eiginkona Bill Clinton og fyrrverandi forsetaframbjóðandi, var ein þeirra sem minntist Mesnier á samfélagsmiðlum eftir að greint var frá dauða hans.

Andlát Bandaríkin Joe Biden
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið