Lífið

Gekk á reipi við eldgosið

Bjarki Sigurðsson skrifar
Í myndbandinu má sjá gíginn í Meradölum.
Í myndbandinu má sjá gíginn í Meradölum.

Ævintýramaðurinn og áhrifavaldurinn Jay Alvarez var staddur hér á landi í vikunni og heimsótti gosstöðvarnar í Meradölum. Hann setti reipi upp við bíl sinn, gekk yfir það og náði mögnuðu myndbandi af því.

Alvarez er með 7,7 milljónir fylgjenda á Instagram-síðu sinni og meira en milljón áskrifendur á YouTube. Hann er þekktur fyrir að stunda jaðaríþróttir, til að mynda fallhlífarstökk, brimbretti og klettaklifur.

Hann heimsótti Ísland í vikunni og keyrði í átt að gosstöðvunum í Meradölum. Þar setti hann upp reipi og gekk yfir það. Í myndbandi sem hann tók af því má sjá eldgosið í allri sinni dýrð í bakgrunninum.

Jay birti myndbandið á Instagram fyrir rúmum klukkutíma og er kominn með yfir fjörutíu þúsund „likes“. Þá hafa tæplega fimm hundruð þúsund horft á það.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.