Sport

Dagskráin í dag: Stórleikur í Kópavoginum

Hjörvar Ólafsson skrifar
Breiðablik fær Víking í heimsókn í kvöld. 
Breiðablik fær Víking í heimsókn í kvöld.  Vísir/Hulda Margrét

Tvö efstu lið Bestu deildar karla í fótbotla, Breiðablik og Víkingur, mætast í 17. umferð deildarinnar í dag. Leikurinn, sem hefst klukkan 19.15 er að sjálfsögðu í beinni útsendingu á Stöð 2 Sport.  

Byrjað verður að hita upp fyrir leikinn klukkan 18.30 en hálftíma áður fer af stað leikur Keflavíkur og KR en hann verður sýndur á Bestudeildarrásinni. 

Sýnt verður svo frá leik Fram og Leiknis á hliðarrás Bestu deildarinnar númer 2 en sá leikur verður flautaður á 19.15. 

Þessum leikjum verður svo gerð ítarleg skil í Stúkunni á Stöð 2 Sport klukkan 21.15.

Boltinn heldur áfram að rúlla á Ítalíu í dag en leikir Hellas Verona og Napoli og Juventus og Sassuolo verða í beinni útsendingu á Stöð 2 Sport 2. Leikurinn í Verona er á dagskrá klukkan 16.20 og í Tórínó klukkan 18.35. 

Gametívi er svo á dagskrá á Stöð 2 ESPORT klukkan 20.00.  




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.