Innlent

Lögðu hald á tugi kílóa af fíkni­efnum

Bjarki Sigurðsson skrifar
Sendingin kom hingað til lands í gámi.
Sendingin kom hingað til lands í gámi. Vísir/Vilhelm

Lögreglan lagði hald á tugi kílóa af fíkniefnum í aðgerðum sínum sem greint var frá á föstudaginn í síðustu viku. Fjórir hafa verið úrskurðaðir í gæsluvarðhald vegna málsins.

Fréttastofa hefur heyrt að um sé að ræða sendingu af allt að sjötíu kílóum af kókaíni en sendingin á að hafa komið hingað til lands í gámi. Ekki hefur tekist að fá þetta staðfest. 

Í tilkynningu frá lögreglu segir að rannsókn málsins miði vel en fjórmenningarnir voru handteknir eftir nokkurra mánaða rannsókn. Þeir voru úrskurðaðir í gæsluvarðhald til 17. ágúst í þágu rannsóknarinnar.

Lögregla segist ekki geta veitt frekari upplýsingar að svo stöddu en lögreglumenn frá höfuðborgarsvæðinu, Suðurnesjum og ríkislögreglustjóra koma að málinu.

Lögreglumál Fíkniefnabrot Stóra kókaínmálið 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið