Rúmlega fimm hundruð manns látist í skyndiflóðum í Pakistan

Bjarki Sigurðsson skrifar 6. ágúst 2022 14:21

Á síðasta mánuði hafa 549 manns látið lífið í skyndiflóðum. EPA/Amiruddin Mughal

Alls hafa 549 manns látið lífið í Pakistan síðasta mánuðinn vegna skyndiflóða. Yfir 42 þúsund heimili eru eyðilögð vegna þeirra.

Mikil rigning hefur verið í Pakistan upp á síðkastið en þrátt fyrir að nú sé monsún-tímabil þar í landi telst rigningin vera ansi mikil.

Byggðir í dreifbýli hafa komið verst út úr þessari miklu rigningu, þá sérstaklega í héraðinu Balochistan sem er í suðvesturhluta landsins.

„Við erum að gera okkar besta til að veita fórnarlömbum flóðanna aðstoð,“ hefur CNN eftir Shehbaz Sharif, forsætisráðherra Pakistan.

Skyndiflóðin takmarka sig ekki einungis við Pakistan en nágrannalöndin Indland, Íran og Afganistan hafa einnig lent í þeim.

Pakistan Náttúruhamfarir

Tengdar fréttir

Rúmlega tuttugu létust í skyndiflóðum í Íran

Alls létu 21 manns lífið í dag í skyndiflóðum í Fars-héraði í Íran. Í dag var mikil rigning á svæðinu og flæddi áin Roudbal yfir bakka sína.

23. júlí 2022 18:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.