Miss Universe Iceland: „Er svo mikill klaufi að það er erfitt að gera mig vandræðalega“

Miss Universe Iceland keppnin verður haldin í sjöunda sinn þann 24. ágúst í Gamla bíó. Keppendur í ár eru sautján talsins og ætla lesendur Vísis að fá að kynnast stúlkunum sem keppast um titilinn betur.

Hvað var það sem vakti áhuga þinn á keppninni?

Mér fannst alltaf svo gaman að fylgjast með öllum stelpunum sem voru að taka þátt í þessari keppni og í fyrra fékk ég að upplifa þetta ferli sjálf. 

Mér fannst ég læra svo mikið í ferlinu og hópurinn var svo ótrúlega skemmtilegur í fyrra að ég ákvað að taka þátt aftur.

Hvað ert þú búin að læra í ferlinu?

Fyrir utan það að labba á hælum þá varð ég miklu öruggari með sjálfa mig og núna er ég ekki lengur hrædd við að tala fyrir framan mikið af fólki.

Hvað borðar þú í morgunmat?

Fæ mér vanalega morgunkorn með próteindufti og möndlumjólk og epli.

Hver er uppáhalds maturinn þinn?

Rækjupasta hefur verið í miklu uppáhaldi hjá mér upp á síðkastið.

Hvað ertu að hlusta á?

Ég hlusta vanalega á hvað sem er. Svo lengi sem ég kann textann við lagið þá er ég góð.

Hver er uppáhalds bókin þín?

The tattooist of Auschwitz.

Hver er þín fyrirmynd í lífinu?

Mamma og pabbi.

Hver er frægasta persóna sem þú hefur hitt?

Myndi segja að það sé hann Rainn Wilson.

Neyðarlegasta atvik sem þú hefur lent í?

Ég er svo mikill klaufi að það er erfitt að gera mig vandræðalega. En það nýlegasta er að ég var upp í vinnu á flugvellinum og ég ætlaði að setjast niður í stólinn en einhvern veginn þá hitti ég ekki á hann og datt niður fyrir framan fullt af farþegum. 

Það var mikið hlegið að þessu en svona er það bara.

Hverju ertu stoltust af?

Það er nú ansi góð spurning.

Hver er þinn helsti ótti?

Sjórinn.

Hvar sérðu þig eftir fimm ár?

Ég hefði alls ekkert á móti því að búa úti á Spáni og vinna sem einkaþjálfari.

Hvaða lag tekur þú í karókí?

Dancing Queen með ABBA.