Handbolti

Þor­gils Jón hættir við að elta ástina og verður á­fram hjá Ís­lands­meisturum Vals

Runólfur Trausti Þórhallsson skrifar
Jón Þorgils undirbýr skot með vonleysið skín úr augum leikmanna Hauka.
Jón Þorgils undirbýr skot með vonleysið skín úr augum leikmanna Hauka. Vísir/Hulda Margrét

Þorgils Jón Svölu Baldursson hefur ákveðið að elta ekki ástina til Danmerkur og leika með Íslandsmeisturum Vals á komandi leiktíð. Frá þessu greindi félagið fyrr í dag.

Eftir að Íslandsmeistaratitillinn var í höfn í vor tilkynnti Þorgils Jón, eða Oggi eins og hann er nær alltaf kallaður, að hann ætlaði að reyna fyrir sér í Danmörku. Hann ætlaði að elta ástina þar sem kærasta hans, Lovísa Thompson, mun leika með Ringkøbing Håndbold á næstu leiktíð.

Jón Þorgils hefur nú ákveðið að vera út næsta tímabil á Hlíðarenda en einkar spennandi tímabil er framundan hjá Valsmönnum. 

Ásamt því að eiga titil að verja, og vera í bikarkeppni hér á landi þá er Valur komið í riðlakeppni Evrópudeildarinnar sem þýðir að liðið mun spila að lágmarki tíu leiki heima og að heiman frá október og fram í febrúar.

„Þorgils Jón lék 21 leik á síðasta tímabili í deildinni og skoraði í þeim 40 mörk ásamt því að spila lykilhlutverk í varnarleik liðsins“ segir í tilkynningu félagsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.