Ytri að­stæður haft á­hrif á af­komu Össurar

Hagnaðurinn á fyrri helmingi ársins 2022 nam 24 milljónum bandaríkjadala eða 3,1 milljarði íslenskra króna, að því er segir í fréttatilkynningu frá Össuri.

Heildarsala nam 181 milljón dala eða 23,6 milljörðum króna. Innri vöxtur var neikvæður um eitt prósent á bæði stoðtækjum og á spelkum og stuðningsvörum. Á fyrri helmingi árs er innri vöxtur tvö prósent.

Í fréttatilkynningu segir að styrking bandaríkjadals gagnvart evru og öðrum lykilmyntum í ársfjórðungnum hafi haft neikvæð áhrif á tekjur félagsins í bandaríkjadölum að fjárhæð 12 milljónum bandaríkjadala, 1,6 milljörðum íslenskra króna, miðað við sama tímabil í fyrra.

Rekstrarhagnaður fyrir afskriftir (EBITDA) hafi numið 33 milljónum bandaríkjadala, 4,3 milljörðum íslenskra króna, eða 18 prósent af veltu á öðrum ársfjórðungi 2022.

Handbært fé frá rekstri hafi numið 17 milljónum bandaríkjadala, 2,2 milljörðum íslenskra króna, eða tíu prósent af veltu á öðrum ársfjórðungi og numi

Skuldsetningarhlutfall hafi verið 2.7x í lok ársfjórðungsins, innan bilsins 2.0x til 3.0x sem skilgreint er í stefnu félagsins um fjármagnsskipan og arðgreiðslur.

Fjárhagsáætlunin fyrir árið geri nú ráð fyrir um fjögur til sex prósent innri vexti, áður sex til níu prósent og um átján til tuttugu prósent EBITDA framlegð að teknu tilliti til einskiptisliða, áður 20 til 21 prósent. þrjú til fjögur prósent fjárfestingarhlutfalli og virku skatthlutfalli á bilinu 23-24 prósent. Eins og stendur, geri stjórnendur ráð fyrir að innri vöxtur verði í kringum miðju bilsins og sömuleiðis fyrir EBITDA framlegð að teknu tilliti til einskiptisliða.

„Ytri aðstæður hafa haft áhrif á sölu og verðhækkanir ásamt öðrum áskorunum í aðfangakeðjunni hafa einnig haft áhrif á reksturinn. Við sjáum hins vegar áframhaldandi söluvöxt á mörkuðum í Evrópu og Asíu, fyrir utan Kína vegna COVID-19. Við erum mjög ánægð með móttökurnar sem hið nýja Power Knee hefur fengið og erum bjartsýn yfir framtíðarmöguleikum þessarar tækni. Markmið Össurar er áfram að hjálpa fleiri einstaklingum að fá framúrskarandi vörur og lausnir með nýsköpun að leiðarljósi,“ er haft eftir Sveini Sölvasyni, forstjóra Össurar, í tilkynningunni.

Fjárfestakynningu Össurar má sjá hér að neðan í tengdum skjölum.

• 2022_Q2_-_Össur_Investor_PresentationPDF1.9MB
  Sækja skjal