Draumaferðin er handan við hornið með Icelandair! Anna Gunndís Guðmundsdóttir skrifar 9. júlí 2022 13:31 Nú er ég að fara að fljúga til Danmerkur með börnin mín tvö í lok mánaðar að heimsækja systur mína sem er að fara að halda upp á stórafmælið sitt. Ég hef oft mætt bæði seint og illa í stórafmæli fjölskyldumeðlima en hef lofað því hér eftir að mæta í öll stórafmæli, því maður veit aldrei.... Ég er svona kona sem plana aldrei neitt fram í tímann, tek skyndiákvarðanir út í eitt og panta sjaldnast flug með neinum fyrirvara. Af þessum sökum þarf ég oft að borga svimandi hátt verð en bít í það súra. Það var alltaf þannig að maður pantaði sér flugmiða og fékk úthlutað sæti. Nú fær maður að velja sér sæti í vélinni og ef maður vill aukapláss fyrir fætur þá er hægt að kaupa slíkt á spottprís, en ég er bara þannig kona að ég vil ekki aukapláss fyrir fætur því ég er frekar lág til hnésins og mínir fætur passa bara mjög vel í venjuleg flugvélasæti. Fullkomin lengd til að stinga tánum upp á armana á sætinu fyrir framan og þannig sit ég skólaus allt flugið. Eins fíla ég ekki lúxusbíósæti, þau eru bara alltof stór og köld og óþægileg fyrir mína parta. Annars var mín ályktun sú að þegar ég kaupi mér flugmiða þá er inni í því verði sæti því mér skilst að það sé ekki leyfilegt að standa, nú nema maður komi kannski með sitt eigið belti? Nei, hvað veit ég. Ég allavega bóka fyrir okkur flug, mig og krakkana. Þarf ekki nema eina tösku en í sömu bókun þurfa allir að bóka eins flug, flugmiðinn Economy Standard inniheldur:Baggage: 1 bag included per passengerSeat: Standard legroom Þannig að ég bóka þetta, því það er ekki hægt að bóka bara börnin á annarri bókun án töskunnar þannig ég bara bomba mér á þetta Economy Standard, svakalega spennt fyrir sólinni í Köben og stórafmælinu og öllu eðlilega fólkinu sem er að fara að mæta í afmælið. Það getur allt gerst, enda mitt fólk. Svo kemur að því að velja okkur sæti í bókunarferlinu nema hvað að þegar ég er að fara að velja sæti sé ég að það eru bara laus ókeypis sæti á stangli í vélinni, nema þarna fremst en það eru sæti sem þarf að borga 2.800 kall á sætið því það er svo fínt að sitja þarna fremst. Nei, ekki Saga Class - heldur bara Pöpuls Class, bara þarna fremst. Þannig að núna er komin enn skýrari stéttaskipting í flugvélum: Upper Class er þarna á Saga og allt mjög næs þar. Ekki misskilja mig, væri bara alveg til í að vera alltaf þar. En það er enginn reginmunur á Pöpuls Class og þessum sætum þarna fremst. Það var aldrei þannig. Það var bara Saga og Pöpuls en núna eru þeir búnir að smyrja ofan á sætin fyrir aftan Saga Class í vélinni, af því að það er svo helvíti fínt að sitja þar. Þannig að ef maður vill fá sæti sem eru innifalin í uppgefna verðinu þá verður maður að sitja aftast í vélinni, þarna fyrir aftan held ég sætaröð 10 sirkabút, þá með pöpulnum. En sætin þar fyrir framan, þau eru ægilega fín og kosta. Eru samt alveg eins og hin. Alveg eins. Þau þykja bara svo fín. Þú færð ekki tausérvéttur og hnífapör og ekki betri skjá. 2.800 kall til að finna sósuilminn af Saga Class. Þannig að ofan á ISK 173.305 fyrir 3 Economy Standard flugmiða með okkar yndislegu Flugleiðum bauðst mér að sitja með börnunum tveimur og borga fyrir það 8.400 krónur aukalega. Mér fannst það andskoti brútal þannig að ég bóka flugið án þess að velja sæti og ákvað að hringja í þjónustuverið og athuga hvort þeir gætu ekki græjað þetta þannig að börnin þyrftu ekki að þvælast þarna ein um vélina í sínum sætum fjarri móður sinni. Af því að ég hélt að þeir myndu bara græja þetta þar sem ég hélt ég hefði kannski ekki beint val þar sem ég var að fljúga með börn sem eru tveggja og fimm. Ég hringi og bíð á línunni í klukkustund og 13 mínútur og þar er mér svo sagt að þetta sé bara staðan, 2.800 kall á sæti ef ég vil sitja með börnunum. Vil ég sitja með börnunum? Já, já - en ekki fyrir 8.400 kall! Þessi sæti bara kosta, ég sem var búin að panta mér sæti fyrir tæplega sextíu þúsund kall - TIL KÖBEN! Ég hélt ég væri búin að kaupa mér sæti! Ég segi að þetta sé nú helvíti hart og ég hafi ekkert val þar sem ég er að ferðast með börn, þetta var þarna á meðan ég stóð yfir Vilko-vöfflunum í bústaðnum. Drengurinn á línunni sagði að þetta væri staðan, talaði við yfirmann sem staðfesti svo þetta. Ég bað um að fá að tala við yfirmanninn, en hann sagðist hafa verið að tala við hann, ég spurði þá hvað yfirmaðurinn héti og hann sagðist ekki mega segja mér það, en þá spurði ég hann hvað hann héti og hann greyjð gubbaði því út úr sér. Ég kvaddi svo og sagðist ætla að skoða þetta. Ég fór svo inn á bókunina og dreifði krökkunum um vélina í þau ókeypis sæti sem voru laus og svo ætla ég bara að koma mér fyrir í mínu sæti með mitt hvítvínsglas. Aumingja þeir sem lenda við hliðina á þessum tveggja ára, hann á eftir að vera öskrandi á mat allt flugið og vera með dólg. Þau eiga bara eftir að þurfa að teipa hann eins og þeir gerðu við manninn þarna um árið. Þessi fimm ára á eftir að tala stanslaust allt flugið og ég finn svolítið til með manneskjunni sem á eftir að lenda við hliðina á henni. Það verður enginn friður til að catch up á íslensku bíómyndunum í vélinni. Hún á eftir að þurfa að pissa nokkrum sinnum og vilja éta eitthvað og fá mjólk og biðja þann sem situr við hliðina á sér að leiða sig og halda við headfónin og hækka og lækka og svo á hún bara eftir að tala meira. Svo ef þau panta sér eitthvað, hver á þá á borga? Fluffurnar verða bara að setja þetta í reikning eða láta einhvern annan borga. Krakkarnir eiga eftir að hamast á bjöllunni, það verður ægilega gaman fyrir fluffurnar. Djöfull verður næs hjá mér með hvítvínið og íslensku bíómyndirnar í mínu sæti, fjarri börnunum. Ég á eftir að ná alveg tveimur myndum í fullkominni ró. Takk Icelandair - draumaferðin bíður mín! Höfundur er leikkona, handritshöfundur og leikstjóri. Viltu birta grein á Vísi? Sendu okkur póst. Senda grein Icelandair Ferðalög Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svona getum komið í veg fyrir að Katrín vinni Björn B. Björnsson Skoðun Ég vil óumdeildan forseta Guðrún Jónsdóttir Skoðun Þess vegna er Halla Hrund efst Gunnhildur Fríða Hallgrímsdóttir Skoðun Hver á að vera minn forseti? Auður Aþena Einarsdóttir Skoðun Orkan hjá Höllu Hrund Sara Oskarsson Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Vopnið gegn hatri Kristín Sigrún Áss Sigurðardóttir Skoðun Forseti Íslands – Katrín Jakobsdóttir Guðjón Þórir Sigfússon Skoðun Þjóðhöfðinginn Katrín Sigríður Gísladóttir Skoðun Mér finnst á mig hlustað Tinna Martinsdóttir Skoðun Skoðun Skoðun Ísrael verður að hætta að drepa saklausa borgara á Gaza Guðmundur Ingi Guðbrandsson skrifar Skoðun Að kjósa með hjartanu! Ásdís Guðmundsdóttir skrifar Skoðun Heilt kjörtímabil án árangurs í loftslagsmálum Andrés Ingi Jónsson skrifar Skoðun „Nema í alveg sérstökum tilvikum“ Sigurður Örn Hilmarsson skrifar Skoðun Forseti Íslands – Katrín Jakobsdóttir Guðjón Þórir Sigfússon skrifar Skoðun Baldur er leiðtogi og mannasættir Karl Ágúst Ipsen skrifar Skoðun Fyrir börnin okkar Gunnar Ingi Valgeirsson skrifar Skoðun Stjórnvöld eru stefnulaus í barna- og fjölskyldumálum Lúðvík Júlíusson skrifar Skoðun Halla Hrund fyrir framtíðina Þóra Árnadóttir skrifar Skoðun Halla Tómasdóttir og Sólskinsdrengurinn Margrét Dagmar Ericsdóttir skrifar Skoðun Ferðamálastefna til framtíðar Halla Signý Kristjánsdóttir skrifar Skoðun Fótbolti og forseti Tómas Ingi Tómasson skrifar Skoðun Taktík. - Fyrir fegurðina og lýðræðið Gunnlaugur Ólafsson skrifar Skoðun Kjósum Baldur fyrir öryggi okkar allra Ragnheiður Hergeirsdóttir skrifar Skoðun Svona getum komið í veg fyrir að Katrín vinni Björn B. Björnsson skrifar Skoðun Þess vegna er Halla Hrund efst Gunnhildur Fríða Hallgrímsdóttir skrifar Skoðun Forsetakosning, auðlindir í þágu almennings Gunnar Hrafn Birgisson skrifar Skoðun Halla Tómasdóttir lætur verkin tala Sigurborg Arnarsdóttir skrifar Skoðun Forsetakosningar: Menningarlegt forræði fjórða valdsins Meyvant Þórólfsson skrifar Skoðun Hver á að vera minn forseti? Auður Aþena Einarsdóttir skrifar Skoðun Halla Hrund – með víðtæka þekkingu á áskorunum samtímans Kristín Vala Ragnarsdóttir skrifar Skoðun Einstakt tækifæri til listnáms í Myndlistaskólanum í Reykjavík fyrir einstaklinga með þroskaskerðingu Björg Jóna Birgisdóttir skrifar Skoðun Vélakaup valdaelítunnar skal að vettugi hafa Ívar Hauksson skrifar Skoðun Báðar eru þær góður kostur, Katrín og Halla Hrund. Reynir Böðvarsson skrifar Skoðun Orkan hjá Höllu Hrund Sara Oskarsson skrifar Skoðun Kjósum Baldur fyrir unga fólkið Brynja Kristín Guðmundsdóttir skrifar Skoðun Náttúrubarnið Katrín Jakobsdóttir Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar Skoðun Mér finnst á mig hlustað Tinna Martinsdóttir skrifar Skoðun Vopnið gegn hatri Kristín Sigrún Áss Sigurðardóttir skrifar Skoðun Þjóðhöfðinginn Katrín Sigríður Gísladóttir skrifar Sjá meira
Nú er ég að fara að fljúga til Danmerkur með börnin mín tvö í lok mánaðar að heimsækja systur mína sem er að fara að halda upp á stórafmælið sitt. Ég hef oft mætt bæði seint og illa í stórafmæli fjölskyldumeðlima en hef lofað því hér eftir að mæta í öll stórafmæli, því maður veit aldrei.... Ég er svona kona sem plana aldrei neitt fram í tímann, tek skyndiákvarðanir út í eitt og panta sjaldnast flug með neinum fyrirvara. Af þessum sökum þarf ég oft að borga svimandi hátt verð en bít í það súra. Það var alltaf þannig að maður pantaði sér flugmiða og fékk úthlutað sæti. Nú fær maður að velja sér sæti í vélinni og ef maður vill aukapláss fyrir fætur þá er hægt að kaupa slíkt á spottprís, en ég er bara þannig kona að ég vil ekki aukapláss fyrir fætur því ég er frekar lág til hnésins og mínir fætur passa bara mjög vel í venjuleg flugvélasæti. Fullkomin lengd til að stinga tánum upp á armana á sætinu fyrir framan og þannig sit ég skólaus allt flugið. Eins fíla ég ekki lúxusbíósæti, þau eru bara alltof stór og köld og óþægileg fyrir mína parta. Annars var mín ályktun sú að þegar ég kaupi mér flugmiða þá er inni í því verði sæti því mér skilst að það sé ekki leyfilegt að standa, nú nema maður komi kannski með sitt eigið belti? Nei, hvað veit ég. Ég allavega bóka fyrir okkur flug, mig og krakkana. Þarf ekki nema eina tösku en í sömu bókun þurfa allir að bóka eins flug, flugmiðinn Economy Standard inniheldur:Baggage: 1 bag included per passengerSeat: Standard legroom Þannig að ég bóka þetta, því það er ekki hægt að bóka bara börnin á annarri bókun án töskunnar þannig ég bara bomba mér á þetta Economy Standard, svakalega spennt fyrir sólinni í Köben og stórafmælinu og öllu eðlilega fólkinu sem er að fara að mæta í afmælið. Það getur allt gerst, enda mitt fólk. Svo kemur að því að velja okkur sæti í bókunarferlinu nema hvað að þegar ég er að fara að velja sæti sé ég að það eru bara laus ókeypis sæti á stangli í vélinni, nema þarna fremst en það eru sæti sem þarf að borga 2.800 kall á sætið því það er svo fínt að sitja þarna fremst. Nei, ekki Saga Class - heldur bara Pöpuls Class, bara þarna fremst. Þannig að núna er komin enn skýrari stéttaskipting í flugvélum: Upper Class er þarna á Saga og allt mjög næs þar. Ekki misskilja mig, væri bara alveg til í að vera alltaf þar. En það er enginn reginmunur á Pöpuls Class og þessum sætum þarna fremst. Það var aldrei þannig. Það var bara Saga og Pöpuls en núna eru þeir búnir að smyrja ofan á sætin fyrir aftan Saga Class í vélinni, af því að það er svo helvíti fínt að sitja þar. Þannig að ef maður vill fá sæti sem eru innifalin í uppgefna verðinu þá verður maður að sitja aftast í vélinni, þarna fyrir aftan held ég sætaröð 10 sirkabút, þá með pöpulnum. En sætin þar fyrir framan, þau eru ægilega fín og kosta. Eru samt alveg eins og hin. Alveg eins. Þau þykja bara svo fín. Þú færð ekki tausérvéttur og hnífapör og ekki betri skjá. 2.800 kall til að finna sósuilminn af Saga Class. Þannig að ofan á ISK 173.305 fyrir 3 Economy Standard flugmiða með okkar yndislegu Flugleiðum bauðst mér að sitja með börnunum tveimur og borga fyrir það 8.400 krónur aukalega. Mér fannst það andskoti brútal þannig að ég bóka flugið án þess að velja sæti og ákvað að hringja í þjónustuverið og athuga hvort þeir gætu ekki græjað þetta þannig að börnin þyrftu ekki að þvælast þarna ein um vélina í sínum sætum fjarri móður sinni. Af því að ég hélt að þeir myndu bara græja þetta þar sem ég hélt ég hefði kannski ekki beint val þar sem ég var að fljúga með börn sem eru tveggja og fimm. Ég hringi og bíð á línunni í klukkustund og 13 mínútur og þar er mér svo sagt að þetta sé bara staðan, 2.800 kall á sæti ef ég vil sitja með börnunum. Vil ég sitja með börnunum? Já, já - en ekki fyrir 8.400 kall! Þessi sæti bara kosta, ég sem var búin að panta mér sæti fyrir tæplega sextíu þúsund kall - TIL KÖBEN! Ég hélt ég væri búin að kaupa mér sæti! Ég segi að þetta sé nú helvíti hart og ég hafi ekkert val þar sem ég er að ferðast með börn, þetta var þarna á meðan ég stóð yfir Vilko-vöfflunum í bústaðnum. Drengurinn á línunni sagði að þetta væri staðan, talaði við yfirmann sem staðfesti svo þetta. Ég bað um að fá að tala við yfirmanninn, en hann sagðist hafa verið að tala við hann, ég spurði þá hvað yfirmaðurinn héti og hann sagðist ekki mega segja mér það, en þá spurði ég hann hvað hann héti og hann greyjð gubbaði því út úr sér. Ég kvaddi svo og sagðist ætla að skoða þetta. Ég fór svo inn á bókunina og dreifði krökkunum um vélina í þau ókeypis sæti sem voru laus og svo ætla ég bara að koma mér fyrir í mínu sæti með mitt hvítvínsglas. Aumingja þeir sem lenda við hliðina á þessum tveggja ára, hann á eftir að vera öskrandi á mat allt flugið og vera með dólg. Þau eiga bara eftir að þurfa að teipa hann eins og þeir gerðu við manninn þarna um árið. Þessi fimm ára á eftir að tala stanslaust allt flugið og ég finn svolítið til með manneskjunni sem á eftir að lenda við hliðina á henni. Það verður enginn friður til að catch up á íslensku bíómyndunum í vélinni. Hún á eftir að þurfa að pissa nokkrum sinnum og vilja éta eitthvað og fá mjólk og biðja þann sem situr við hliðina á sér að leiða sig og halda við headfónin og hækka og lækka og svo á hún bara eftir að tala meira. Svo ef þau panta sér eitthvað, hver á þá á borga? Fluffurnar verða bara að setja þetta í reikning eða láta einhvern annan borga. Krakkarnir eiga eftir að hamast á bjöllunni, það verður ægilega gaman fyrir fluffurnar. Djöfull verður næs hjá mér með hvítvínið og íslensku bíómyndirnar í mínu sæti, fjarri börnunum. Ég á eftir að ná alveg tveimur myndum í fullkominni ró. Takk Icelandair - draumaferðin bíður mín! Höfundur er leikkona, handritshöfundur og leikstjóri.
Skoðun Halla Hrund – með víðtæka þekkingu á áskorunum samtímans Kristín Vala Ragnarsdóttir skrifar
Skoðun Einstakt tækifæri til listnáms í Myndlistaskólanum í Reykjavík fyrir einstaklinga með þroskaskerðingu Björg Jóna Birgisdóttir skrifar
Skoðun Náttúrubarnið Katrín Jakobsdóttir Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar