Hundruð þúsunda Kínverja flýja heimili sín vegna flóða

Gunnar Reynir Valþórsson skrifar 22. júní 2022 07:05

Flóðin hafa víða sett daglegt líf úr skorðum. AP/Chinatopix

Hundruð þúsunda hafa flúið heimili sín í nokkrum héruðum í Kína, í suður- og austurhluta landsins. Gríðarlegar rigningar hafa verið á svæðinu sem hafa orsakað flóð og aurskriður.

Víða hafa met fallið í vatnshæð en sérfræðingar segja að ekki hafi rignt svo mikið á svæðinu síðan 1961.

Einna verst er ástandið í borginni Shaoguan í Guangdong héraði og þar hafa flóðin sett allt úr skorðum; framleiðslu í verksmiðjum, flutninga og samgöngur almennings. Þá er óttast að vatnsveðrið eigi aðeins eftir að halda áfram næstu daga.

Yfirleitt rignir á þessum tíma í Kína en sérfræðingar óttast að loftslagsbreytingar séu nú að ýkja áhrif rigninganna. Á sama tíma er óvenju hátt hitastig í norðurhluta landsins og von er á rigningartímabili þar á næstunni.

Kína Loftslagsmál Náttúruhamfarir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.