Unnendur pönnupizzu þurfi ekki að örvænta

Greint er frá þessu í Morgunblaðinu í dag þar sem Magnús Hafliðason, forstjóri Domino‘s á Íslandi, segir að tafirnar hafi uppgötvast of seint og orsakað nokkra daga bið. 

Innihaldsefnið sé þó loksins komið aftur til landsins og gerir Magnús ráð fyrir að aðdáendur skyndibitakeðjunnar geti pantað pönnupizzurnar aftur á mánudag eða þriðjudag. Hann segir að starfsfólk Domino's hafi ekki farið varhluta af því að þeirra hafi verið sárt saknað. 

Fréttin hefur verið uppfærð. Upphaflega var haft eftir Morgunblaðinu að tafir á deigsendingum erlendis frá orsakaði vandann. Hið rétta er að það skortir innihaldsefni sem notað er við framleiðslu deigsins hér á landi.