Innlent

Einar Freyr verður sveitar­stjóri Mýr­dals­hrepps eftir sigur B-lista

Atli Ísleifsson skrifar
B-listinn gaf það út fyrir kosningar að Einar Freyr Elínarson væri sveitarstjóraefni listans.
B-listinn gaf það út fyrir kosningar að Einar Freyr Elínarson væri sveitarstjóraefni listans. Vísir/Vilhelm/aðsend

B-listi Framsóknar og óháðra tryggði sér þrjá fulltrúa í sveitarstjórn Mýrdalshrepps í kosningunum á laugardag og hélt þar með meirihluta sínum. A-listi Allra náði inn tveimur mönnum.

Einar Freyr Elínarson, sem skipaði þriðja sætið á lista B-listans, verður nýr sveitarstjóri og mun taka við embættinu af Þorbjörgu Gísladóttur, en B-listinn gaf það út fyrir kosningar að Einar Freyr væri sveitarstjóraefni listans.

Alls voru 499 á kjörskrá og greiddu samtals 370 atkvæði - 302 á kjörstað og 68 utankjörfundar. Kjörsókn var því 74,15 prósent.

  • A-listinn fékk 169 atkvæði og tvo menn kjörna
  • B-listinn fékk 193 atkvæði og þrjá menn kjörna
  • Auð atkvæði voru sjö og eitt atkvæði ógilt.

Einar Freyr var oddviti T-listans í sveitarstjórnarkosningunum 2018 og náði listinn meirihluta í sveitarstjórn. B-listinn var svo myndaður fyrir þessar kosningar þar sem einn sveitarstjórnarfulltrúa L-lista gekk til liðs við B-lista. Á A-listanum nú var svo að finna nokkra fulltrúa sem áður voru á lista L-listans á síðasta kjörtímabili.

Fréttin hefur verið uppfærð. 

Mýrdalshreppur Sveitarstjórnarkosningar 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið