Gísli Gunnar hlaut flest atkvæði í Grýtubakkahreppi

Atli Ísleifsson skrifar 17. maí 2022 08:50

Frá Grenivík sem er stærsti þéttbýlisstaðurinn í Grýtubakkahreppi. Grenivík

Gísli Gunnar Oddgeirsson hlaut flest atkvæði til sveitarstjórnar í Grýtubakkahreppi í kosningum laugardagsins. Kosningin var óhlutbundin þar sem engir framboðslistar bárust.

Gísli Gunnar, sem er framkvæmdastjóri Íþróttafélagsins Magna á Grenivík, segir í samtali við fréttastofu að hann sé ánægður með það umboð sem fólkið sem valdist til setu í sveitarstjórn hafi fengið. Ný sveitarstjórn muni svo koma saman 30. maí, en Grenivík er stærsti þéttbýlisstaður Grýtubakkahrepps.

Þröstur Friðfinnsson hefur gegnt stöðu sveitarstjóra síðustu ár og segist Gísli Gunnar hafa verið ánægður með störf Þrastar. Fundað verði um framhaldið á næstu dögum.

Á vef hreppsins segir að á kjörskrá hafi verið 274 og hafi 201 greitt atkvæði sem gerir rúmlega 73 prósenta kjörsókn. Auðir seðlar voru þrír, en enginn seðill var ógildur.

Eftirtaldir hlutu kjör sem aðalmenn í sveitarstjórn Grýtubakkahrepps 2022 til 2026:

Gísli Gunnar Oddgeirsson, 156 atkvæði
Þorgeir Rúnar Finnsson, 152 atkvæði
Fjóla Valborg Stefánsdóttir, 149 atkvæði
Gunnar Björgvin Pálsson, 125 atkvæði
Inga María Sigurbjörnsdóttir, 116 atkvæði.

Varamenn voru kjörnir:

Sigrún Björnsdóttir, 78 atkv. til 1. varam. og ofar
Svala Fanney Snædal Njálsdóttir, 77 atkv. til 2. varam. og ofar
Bjarni Arason, 81 atkv. til 3. varam. og ofar
Margrét Ösp Stefánsdóttir, 19 atkv. til 4. varam. og ofar
Heimir Ásgeirsson. 17 atkv. til 5. varam. og ofar.

Sveitarstjórnarkosningar 2022 Grýtubakkahreppur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.