Meirihluti í Dalabyggð vill hefja sameiningarviðræður

304 tóku þátt í könnun um sameiningarkosti Dalabyggðar sem fór fram samhliða sveitarstjórnarkosningum á laugardag. 240 svöruðu játandi hvort Dalabyggð ætti að hefja sameiningarviðræður, 22 sögðu nei. 26 sögðust ekki hafa skoðun, 15 seðlar voru auðir og einn ógildur. 

Fram kemur á vef Dalabyggðar að svör við spurningunni um hvaða sameiningarkostur væri æskilegastur hafi verið: 

• Húnaþing vestra 71
• Sameinað sveitarfélag Helgafellssveitar og Stykkishólms 88
• Annað 94

Af þeim sem merktu við annað var skiptingin: 

• 25 Reykhólahreppur og/eða sveitarfélög á Ströndum.
• 23 Húnaþing vestra ásamt Reykhólahrepp og/eða sveitarfélögum á Ströndum.
• 19 Borgarbyggð.
• 12 Stykkishólmur og Helgafellssveit ásamt Reykhólahrepp og/eða sveitarfélögum á Snæfellsnesi.
• Annað (færri en fimm á hvert) voru 15.
• Auðir seðlar voru 50 og einn ógildur.

Þá fóru fram sveitarstjórnarkosningar en listar voru ekki boðnir fram og fór því fram persónukjör. Atkvæði skiptust svo: 

• Ingibjörg Þóranna Steinudóttir 199 atkvæði
• Eyjólfur Ingvi Bjarnason 195 atkvæði
• Garðar Freyr Vilhjálmsson 191 atkvæði
• Guðlaug Kristinsdóttir 185 atkvæði
• Einar Jón Geirsson 168 atkvæði
• Þuríður Jóney Sigurðardóttir 132 atkvæði
• Skúli Hreinn Guðbjörnsson 132 atkvæði

Varamenn

1. Sindri Geir Sigurðarson 97 atkvæði
2. Alexandra Rut Jónsdóttir 129 atkvæði
3. Jón Egill Jónsson 88 atkvæði
4. Ragnheiður Pálsdóttir 81 atkvæði
5. Anna Berglind Halldórsdóttir 67 atkvæði
6. Guðrún Erna Magnúsdóttir 68 atkvæði
7. Bjarnheiður Jóhannsdóttir 96 atkvæði