Innlent

Hlut­kesti skilaði Jóni Inga í sveitar­stjórn í Tálkna­firði

Atli Ísleifsson skrifar
Skrifstofa Tálknafjarðarhrepps.
Skrifstofa Tálknafjarðarhrepps. Vísir/Vilhelm

Óbundnar kosningar til sveitarstjórnar í Tálknafjarðarhreppi fóru fram á laugardaginn sem þýðir að allir íbúar voru í framboði. Jóhann Örn Hreiðarsson hlaut flest atkvæði, en hlutkesti réði ríkjum hver tók fimmta sætið í nýrri sveitarstjórn.

Á vef Tálknafjarðarhrepps segir að 189 hafi verið á kjörskrá og kjórsóknin 73 prósent.

„Atkvæði voru nokkuð dreifð og því tók talning nokkuð langan tíma. Varpa þurfi hlutkesti um fimmta sæti aðalmanns þar sem tveir einstaklingar fengu jafn mörg atkvæði sem fimmti aðalmaður.“

Úrslit eru eftirfarandi:

Aðalmenn:

  1. Jóhann Örn Hreiðarsson, 72 atkvæði.
  2. Lilja Magnúsdóttir, 67 atkvæði.
  3. Jenný Lára Magnadóttir, 57 atkvæði.
  4. Guðlaugur Jónsson, 44 atkvæði.
  5. Jón Ingi Jónsson, 43 atkvæði.

Varamenn:

  1. Marinó Bjarnason.
  2. Magnús Óskar Hálfdánsson.
  3. Jónas Snæbjörnsson.
  4. Fjölnir Freysson.
  5. Guðlaug A. Björgvinsdóttir.

Við óbundna kosningu eru allir kjósendur í sveitarfélaginu í kjöri með þeirri undantekningu að þeir sem setið hafa í sveitarstjórn eitt kjörtímabil eða lengur geta skorast undan kjöri, tilkynni þeir yfirkjörstjórn það fyrir lok framboðsfrests.

Tálknafjörður Sveitarstjórnarkosningar 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið