Handbolti

Ómar Ingi búinn að koma að yfir þrjú hundruð mörkum í þýsku deildinni í vetur

Óskar Ófeigur Jónsson skrifar
Ómar Ingi Magnusson sést hér í leik með liði SC Magdeburg.
Ómar Ingi Magnusson sést hér í leik með liði SC Magdeburg. Getty/Martin Rose

Ómar Ingi Magnússon og félagar í Magdeburg eru áfram í góðum málum á toppi þýsku deildarinnar eftir 33-26 sigur á Melsungen í gær.

Ómar Ingi skoraði sex mörk í leiknum og þurfti aðeins sjö skot til þess. Hann var markahæstur á vellinum í leiknum. Fyrir vikið hefur Magdeburg unnið 27 af 29 deildarleikjum sínum í vetur.

Eftir leikinn þá er Ómar Ingi líka kominn með 192 mörk og 111 stoðsendingar sem þýðir að hann hefur komið með beinum hætti að 303 mörkum í 28 leikjum sínum á tímabilinu.

Ómar er eins og er sá eini sem hefur náð þessu en Simon Jeppsson hjá Erlangen hefur átt þátt í 283 mörkum með því að skorað 158 mörk og gefa 125 stoðsendingar.

Jeppsson er annar í stoðsendingum á eftir Svíanum Jim Gottfridsson hjá Flensburg sem hefur átt 143 stoðsendingar auk þess að skora 109 mörk sjálfur. Gottfridsson er í þriðja sæti yfir þátt í flestum mörkum en hann hefur komið með beinum hætti að 252 mörkum.

Ómar Ingi er þvi með 51 marks forskot á þriðja sætið og til að sýna afrek hans að komas yfir 300 mörk með besta liðinu í deildinni þá hafa aðeins átta aðrir leikmenn í allri deildinni náð að eiga þátt í tvö hundruð mörkum.

Einn af þeim er íslenski hornamaðurinn Bjarki Már Elísson sem er eins og er með eins marks forskot á Hans Lindberg á listanum yfir markahæstu leikmen. Bjarki hefur skorað 204 mörk, Lindberg er með 203 mörk og Ómar Ingi hefur svo skorað 192 mörk.

Ómar er þriðji í stoðsendingum og er því á topp þrjú bæði í að skora sjálfur og leggja upp fyrir félaga sína.

  • Leikmenn sem haga átt þátt í tvö hundruð mörkum í vetur:
  • (Mörk + Stoðsendingar)
  • 1. Ómar Ingi Magnússon 303 (192+111)
  • 2. Simon Jeppsson, 283 (158+125)
  • 3. Jim Gottfridsson 252 (109+143)
  • 4. Kai Häfner 214 (120+94)
  • 5. Vladan Lipovina 213 (158+55)
  • 6. Jonathan Carlsbogard 212 (109+103)
  • 6. Hans Lindberg 212 (203+9)
  • 8. Bjarki Már Elísson 206 (204+2)
  • 9. Mads Mensah Larsen 201 (98+103)



Fleiri fréttir

Sjá meira


×