Innlent

Sjálf­stæðis­menn á­fram í meiri­hluta í Snæ­fells­bæ

Atli Ísleifsson skrifar
Frambjóðendur Sjálfstæðismanna í Snæfellsbæ fagna eftir að úrslit lágu fyrir.
Frambjóðendur Sjálfstæðismanna í Snæfellsbæ fagna eftir að úrslit lágu fyrir. XD-Snæfellsbær

D-listi Sjálfstæðisflokks hélt meirihluta sínum í sveitarstjórn Snæfellsbæjar í sveitarstjórnarkosningunum í gær.

Flokkurinn náði inn fjórum mönnum í sveitarstjórn, en J-listi bæjarmálasamtaka Snæfellsbæjar þremur.

Á vef Skessuhorns kemur fram að litlu hafi munað á framboðinu, en D-listinn hlaut 48 atkvæðum fleiri en J-listinn. Hlaut D-listi 446 atkvæði en J-listi 398. Auðir seðlar og ógildir voru 39. Á kjörskrá voru 1.206 og greiddu 883 atkvæði.

Kristinn Jónasson mun því áfram gegna embætti bæjarstjóri en fyrir kosningar var tilkynnt að hann yrði bæjarstjóraefni Sjálfstæðismanna.

Í Snæfellsbæ er meðal annars að finna Ólafsvík, Hellissand og Rif.

Sveitarstjórnarkosningar 2022 Snæfellsbær Sjálfstæðisflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið