Íþróttafólkið sem keppir um atkvæði á laugardaginn Sindri Sverrisson skrifar 11. maí 2022 08:02 Sverre Jakobsson, Axel Kárason, Hlynur Bæringsson, Eiður Aron SIgurbjörnsson, Þórey Edda Elísdóttir og Katrín Tanja Davíðsdóttir eru öll á framboðslistum. EPA/Bára/Hulda Margrét/Getty/CrossFit.com Heimsmeistari, ólympíufarar og margfaldir Íslandsmeistarar eru á framboðslistum fyrir sveitarstjórnarkosningarnar á laugardaginn. Þar keppa líka samherjar um atkvæði kjósenda. Vísir renndi fyrir framboðslista um allt land og þar er að finna mörg þekkt nöfn úr íþróttaheiminum. Margir eru á fullri ferð í sinni íþrótt, jafnvel að keppa um kosningahelgina, á meðan að aðrir geta mögulega nýtt reynslu sína af íþróttasviðinu í keppninni um atkvæði. Stærsta alþjóðlega íþróttastjarnan í framboði er vafalaust Katrín Tanja Davíðsdóttir, heimsmeistari í CrossFit árin 2015 og 2016, sem er í 16. sæti Sjálfstæðisflokksins í Reykjavík. Hún hefur þó „hlíft“ sínum 1.800 þúsund fylgjendum á Instagram við kosningaáróðri hingað til. Með henni á lista er Helgi Áss Grétarsson, stórmeistari í skák, en því verður reyndar ekki svarað hér hvort skák sé íþrótt. Það er nóg um að vera á heimili Heimis Arnar Árnasonar þessa dagana. Hann er oddviti Sjálfstæðismanna og Martha Hermannsdóttir, kona hans, er í úrslitakeppni handboltans með KA/Þór. Heimir og Sverre Jakobsson, sem er á lista Framsóknar, eru báðir í þjálfarateymi karlaliðs KA.samsett/vilhelm Það er stundum sagt að mikilvægt sé fyrir þjálfara að „vera með klefann með sér“. Silfurdrengurinn Sverre Jakobsson og Heimir Örn Árnason eru báðir aðstoðarþjálfarar karlaliðs KA í handbolta en bítast um atkvæði lærisveina sinna og annarra Akureyringa. Litlu munaði að KA væri á fullu í úrslitakeppni þessa dagana en afar naumt tap gegn Haukum gaf þjálfurunum svigrúm til að einbeita sér að kosningabaráttunni. Heimir leiðir lista Sjálfstæðismanna en Sverre, sem er reyndar sonur fyrrverandi bæjarstjórans Jakobs Björnssonar, er í 4. sæti hjá Framsókn. Axel Kárason dreymir eflaust um að færa kjósendum Íslandsmeistaratitil í næstu viku.vísir/bára Þekktasti dýralæknir landsins, EM-farinn Axel Kárason, stendur í ströngu við að reyna að tryggja körfuboltaliði Tindastóls fyrsta Íslandsmeistaratitil sinn frá upphafi en er á sama tíma í 9. sæti á lista Framsóknar fyrir kosningarnar í Skagafirði og Akrahreppi. Frjálsíþróttamaðurinn Ísak Óli Traustason er í 14. sæti á sama lista. Körfuboltamaðurinn og EM-farinn Hlynur Bæringsson úr Stjörnunni er nær því að komast í sveitarstjórn en hann er í 2. sæti á lista Framsóknar í Garðabæ. Í Garðabæ er nokkuð um íþróttafólk ofarlega á listum. Markadrottningin Harpa Þorsteinsdóttir er í 3. sæti Garðabæjarlistans og Guðjón Pétur Lýðsson, sem leikur knattspyrnu með ÍBV, er í 4. sætinu. Oddviti Miðflokksins í Garðabæ er Lárus Guðmundsson, fyrrverandi landsliðsmaður í fótbolta og atvinnumaður í Þýskalandi, og handboltamaðurinn Hrannar Bragi Eyjólfsson úr Stjörnunni er í 5. sæti Sjálfstæðismanna í Garðabæ. Sævar Birgisson keppti á Vetrarólympíuleikunum í Sotsjí í Rússlandi 2014. Hann er í framboði í Mosfellsbæ.Getty/Paul Gilham Samherjar bítast um atkvæði Að minnsta kosti þrír ríkjandi Íslandsmeistarar í körfubolta eru í framboði, þar af tveir samherjar úr Þór Þorlákshöfn sem bítast um atkvæði. Davíð Arnar Ágústsson er í 7. sæti Sjálfstæðisflokks í Ölfusi en Emil Karel Einarsson í 7. sæti B-lista Framfarasinna í sama sveitarfélagi. Þuríður Birna Björnsdóttir Debes úr nýkrýndu Íslandsmeistaraliði Njarðvíkur er svo í 8. sæti Beinnar leiðar í Reykjanesbæ. Stangarstökkvari og körfuboltakona sameina krafta sína Auk fyrrnefnd Sverre eru fleiri ólympíufarar á listanum. Stangastökkvarinn Þórey Edda Elísdóttir er í 5. sæti Nýs afls í Húnaþingi vestra og á sama lista er reyndar einnig Guðrún Gróa Þorsteinsdóttir sem á sínum tíma var besti varnarmaður landsins í körfubolta. Annar ólympíufari er svo skíðagöngumaðurinn Sævar Birgisson sem er í 3. sæti Framsóknar í Mosfellsbæ. Körfuboltasérfræðingurinn Ólöf Helga Pálsdóttir er á lista Samfylkingar í Grindavík.vísir/bára Mun fleiri mætti nefna enda ólíklegt að þessi upptalning verði tæmandi. Nefna má að fyrrnefndur Guðjón Pétur er ekki eini pólitíkusinn í fótboltaliði ÍBV því Eiður Aron Sigurbjörnsson er í 16. sæti H-lista Fyrir Heimaey. Gauti Gunnarsson úr handboltaliði ÍBV er í 13. sæti Eyjalistans. Sindri Kristinn Ólafsson, markvörður Keflavíkur, er í 9. sæti Samfylkingar í Reykjanesbæ og í Grindavík eru Alexander Veigar Þórarinsson, titlaður knattspyrnuhetja, og körfuboltaþjálfarinn Ólöf Helga Pálsdóttir sömuleiðis á lista Samfylkingar, í 5. og 10. sæti. Á Akranesi eru tveir fyrrverandi landsliðsmenn og fulltrúar ÍA í fótbolta, þeir Þórður Guðjónsson og Ólafur G. Adolfsson, á lista Sjálfstæðismanna. Þórður er í 5. sæti en Ólafur í 17. sæti. Einar Þorvarðarson, fyrrverandi framkvæmdastjóri HSÍ, hughreystir Guðjón Val Sigurðsson eftir tapleik. Hann sótti fjölda stórmóta með íslenska landsliðinu en er nú í bæjarpólitíkinni í Kópavogi.vísir/valli Markvörðurinn Bryndís Lára Hrafnkelsdóttir, sem varð til að mynda Íslandsmeistari með Þór/KA 2017, er í 7. sæti D-lista Sjálfstæðismanna og annarra lýðræðissinna, í Rangárþingi Eystra. Frjálsíþróttakappinn Sigurbjörn Árni Arngrímsson, sem í seinni tíð er þekktastur fyrir lýsingar sínar í sjónvarpi, er í 17. sæti K-lista í Skútustaðahreppi og Þingeyjarsveit. Í Kópavogi er Einar Þorvarðarson, fyrrverandi landsliðsmarkvörður í handbolta sem síðar varð framkvæmdastjóri HSÍ, í 2. sæti á lista Viðreisnar. Leó Snær Pétursson, handboltamaður úr Stjörnunni, er í 6. sæti Viðreisnar og Willum Þór Þórsson í 20. sæti Framsóknar. Lista Framsóknar leiðir Orri Hlöðversson sem hætti sem formaður Íslensks toppfótbolta á síðasta ári. Á Akureyri eru ekki bara Sverre og Heimir að bítast um atkvæði því Birna Baldursdóttir, fyrrverandi Íslandsmeistari í blaki, strandblaki og íshokkí, er í 7. sæti L-listans og liðsfélagi hennar úr blaklandsliðinu á sínum tíma, Hulda Elma Eysteinsdóttir, er í 2. sæti. Í Hafnarfirði er markvörðurinn Daði Lárusson, fyrrverandi Íslandsmeistari með FH í fótbolta, í 19. sæti Viðreisnar og Guðbjörg Norðfjörð, fyrrverandi landsliðskona í körfubolta og nú varaformaður KKÍ, í 16. sæti Samfylkingar. Þá er Sigurður P. Sigmundsson, fyrrverandi Íslandsmethafi í maraþoni, oddviti Bæjarlistans í Hafnarfirði. Vert er að ítreka að listinn er ekki tæmandi en ljóst er að nóg er af kappsömu íþróttafólki sem vonast eftir atkvæðum kjósenda þegar gengið verður til kosninga á laugardaginn. Sveitarstjórnarkosningar 2022 Handbolti Körfubolti Fótbolti Frjálsar íþróttir Blak Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Southampton leikur um laust sæti í ensku úrvalsdeildinni Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Tíunda tapið í röð hjá Íslendingaliði Balingen Handbolti Fleiri fréttir Dagskráin í dag: Formúlan, NBA, ítalski og PGA-meistaramótið Schauffele heldur forystunni en Tiger langt frá niðurskurðinum Klopp myndi kjósa með afnámi VAR Rekinn tveimur dögum eftir bikarmeistaratitilinn Jóhann: Brotnuðum auðveldlega Valsmenn síðastir inn í átta liða úrslit Kristinn: Varnarleikur, varnarleikur og varnarleikur Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Tíunda tapið í röð hjá Íslendingaliði Balingen Valsmenn endurheimta Kára á besta tíma Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Kristín Dís lék allan leikinn er Brøndby komst í úrslit Martin og félagar hófu úrslitakeppnina á stórsigri Zlatan sendi Fury kveðju: „Njóttu bardagans og vertu viss um að vinna hann“ Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ 92 prósent sigurvegara leiks eitt frá árinu 2011 hafa orðið Íslandsmeistarar „Það helltust yfir mann bara alls konar tilfinningar“ Gríðarmikill fögnuður þegar Scheffler mætti á völlinn Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Efsti kylfingur á heimslista á yfir höfði sér fjórar ákærur Svona var blaðamannafundur Þorsteins fyrir mikilvæga leiki Jafnaði met mömmu sinnar 29 árum síðar Stjarnan handtekin á leiðinni á völlinn: „Hann er á leið í fangelsi“ Sjá meira
Vísir renndi fyrir framboðslista um allt land og þar er að finna mörg þekkt nöfn úr íþróttaheiminum. Margir eru á fullri ferð í sinni íþrótt, jafnvel að keppa um kosningahelgina, á meðan að aðrir geta mögulega nýtt reynslu sína af íþróttasviðinu í keppninni um atkvæði. Stærsta alþjóðlega íþróttastjarnan í framboði er vafalaust Katrín Tanja Davíðsdóttir, heimsmeistari í CrossFit árin 2015 og 2016, sem er í 16. sæti Sjálfstæðisflokksins í Reykjavík. Hún hefur þó „hlíft“ sínum 1.800 þúsund fylgjendum á Instagram við kosningaáróðri hingað til. Með henni á lista er Helgi Áss Grétarsson, stórmeistari í skák, en því verður reyndar ekki svarað hér hvort skák sé íþrótt. Það er nóg um að vera á heimili Heimis Arnar Árnasonar þessa dagana. Hann er oddviti Sjálfstæðismanna og Martha Hermannsdóttir, kona hans, er í úrslitakeppni handboltans með KA/Þór. Heimir og Sverre Jakobsson, sem er á lista Framsóknar, eru báðir í þjálfarateymi karlaliðs KA.samsett/vilhelm Það er stundum sagt að mikilvægt sé fyrir þjálfara að „vera með klefann með sér“. Silfurdrengurinn Sverre Jakobsson og Heimir Örn Árnason eru báðir aðstoðarþjálfarar karlaliðs KA í handbolta en bítast um atkvæði lærisveina sinna og annarra Akureyringa. Litlu munaði að KA væri á fullu í úrslitakeppni þessa dagana en afar naumt tap gegn Haukum gaf þjálfurunum svigrúm til að einbeita sér að kosningabaráttunni. Heimir leiðir lista Sjálfstæðismanna en Sverre, sem er reyndar sonur fyrrverandi bæjarstjórans Jakobs Björnssonar, er í 4. sæti hjá Framsókn. Axel Kárason dreymir eflaust um að færa kjósendum Íslandsmeistaratitil í næstu viku.vísir/bára Þekktasti dýralæknir landsins, EM-farinn Axel Kárason, stendur í ströngu við að reyna að tryggja körfuboltaliði Tindastóls fyrsta Íslandsmeistaratitil sinn frá upphafi en er á sama tíma í 9. sæti á lista Framsóknar fyrir kosningarnar í Skagafirði og Akrahreppi. Frjálsíþróttamaðurinn Ísak Óli Traustason er í 14. sæti á sama lista. Körfuboltamaðurinn og EM-farinn Hlynur Bæringsson úr Stjörnunni er nær því að komast í sveitarstjórn en hann er í 2. sæti á lista Framsóknar í Garðabæ. Í Garðabæ er nokkuð um íþróttafólk ofarlega á listum. Markadrottningin Harpa Þorsteinsdóttir er í 3. sæti Garðabæjarlistans og Guðjón Pétur Lýðsson, sem leikur knattspyrnu með ÍBV, er í 4. sætinu. Oddviti Miðflokksins í Garðabæ er Lárus Guðmundsson, fyrrverandi landsliðsmaður í fótbolta og atvinnumaður í Þýskalandi, og handboltamaðurinn Hrannar Bragi Eyjólfsson úr Stjörnunni er í 5. sæti Sjálfstæðismanna í Garðabæ. Sævar Birgisson keppti á Vetrarólympíuleikunum í Sotsjí í Rússlandi 2014. Hann er í framboði í Mosfellsbæ.Getty/Paul Gilham Samherjar bítast um atkvæði Að minnsta kosti þrír ríkjandi Íslandsmeistarar í körfubolta eru í framboði, þar af tveir samherjar úr Þór Þorlákshöfn sem bítast um atkvæði. Davíð Arnar Ágústsson er í 7. sæti Sjálfstæðisflokks í Ölfusi en Emil Karel Einarsson í 7. sæti B-lista Framfarasinna í sama sveitarfélagi. Þuríður Birna Björnsdóttir Debes úr nýkrýndu Íslandsmeistaraliði Njarðvíkur er svo í 8. sæti Beinnar leiðar í Reykjanesbæ. Stangarstökkvari og körfuboltakona sameina krafta sína Auk fyrrnefnd Sverre eru fleiri ólympíufarar á listanum. Stangastökkvarinn Þórey Edda Elísdóttir er í 5. sæti Nýs afls í Húnaþingi vestra og á sama lista er reyndar einnig Guðrún Gróa Þorsteinsdóttir sem á sínum tíma var besti varnarmaður landsins í körfubolta. Annar ólympíufari er svo skíðagöngumaðurinn Sævar Birgisson sem er í 3. sæti Framsóknar í Mosfellsbæ. Körfuboltasérfræðingurinn Ólöf Helga Pálsdóttir er á lista Samfylkingar í Grindavík.vísir/bára Mun fleiri mætti nefna enda ólíklegt að þessi upptalning verði tæmandi. Nefna má að fyrrnefndur Guðjón Pétur er ekki eini pólitíkusinn í fótboltaliði ÍBV því Eiður Aron Sigurbjörnsson er í 16. sæti H-lista Fyrir Heimaey. Gauti Gunnarsson úr handboltaliði ÍBV er í 13. sæti Eyjalistans. Sindri Kristinn Ólafsson, markvörður Keflavíkur, er í 9. sæti Samfylkingar í Reykjanesbæ og í Grindavík eru Alexander Veigar Þórarinsson, titlaður knattspyrnuhetja, og körfuboltaþjálfarinn Ólöf Helga Pálsdóttir sömuleiðis á lista Samfylkingar, í 5. og 10. sæti. Á Akranesi eru tveir fyrrverandi landsliðsmenn og fulltrúar ÍA í fótbolta, þeir Þórður Guðjónsson og Ólafur G. Adolfsson, á lista Sjálfstæðismanna. Þórður er í 5. sæti en Ólafur í 17. sæti. Einar Þorvarðarson, fyrrverandi framkvæmdastjóri HSÍ, hughreystir Guðjón Val Sigurðsson eftir tapleik. Hann sótti fjölda stórmóta með íslenska landsliðinu en er nú í bæjarpólitíkinni í Kópavogi.vísir/valli Markvörðurinn Bryndís Lára Hrafnkelsdóttir, sem varð til að mynda Íslandsmeistari með Þór/KA 2017, er í 7. sæti D-lista Sjálfstæðismanna og annarra lýðræðissinna, í Rangárþingi Eystra. Frjálsíþróttakappinn Sigurbjörn Árni Arngrímsson, sem í seinni tíð er þekktastur fyrir lýsingar sínar í sjónvarpi, er í 17. sæti K-lista í Skútustaðahreppi og Þingeyjarsveit. Í Kópavogi er Einar Þorvarðarson, fyrrverandi landsliðsmarkvörður í handbolta sem síðar varð framkvæmdastjóri HSÍ, í 2. sæti á lista Viðreisnar. Leó Snær Pétursson, handboltamaður úr Stjörnunni, er í 6. sæti Viðreisnar og Willum Þór Þórsson í 20. sæti Framsóknar. Lista Framsóknar leiðir Orri Hlöðversson sem hætti sem formaður Íslensks toppfótbolta á síðasta ári. Á Akureyri eru ekki bara Sverre og Heimir að bítast um atkvæði því Birna Baldursdóttir, fyrrverandi Íslandsmeistari í blaki, strandblaki og íshokkí, er í 7. sæti L-listans og liðsfélagi hennar úr blaklandsliðinu á sínum tíma, Hulda Elma Eysteinsdóttir, er í 2. sæti. Í Hafnarfirði er markvörðurinn Daði Lárusson, fyrrverandi Íslandsmeistari með FH í fótbolta, í 19. sæti Viðreisnar og Guðbjörg Norðfjörð, fyrrverandi landsliðskona í körfubolta og nú varaformaður KKÍ, í 16. sæti Samfylkingar. Þá er Sigurður P. Sigmundsson, fyrrverandi Íslandsmethafi í maraþoni, oddviti Bæjarlistans í Hafnarfirði. Vert er að ítreka að listinn er ekki tæmandi en ljóst er að nóg er af kappsömu íþróttafólki sem vonast eftir atkvæðum kjósenda þegar gengið verður til kosninga á laugardaginn.
Sveitarstjórnarkosningar 2022 Handbolti Körfubolti Fótbolti Frjálsar íþróttir Blak Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Southampton leikur um laust sæti í ensku úrvalsdeildinni Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Tíunda tapið í röð hjá Íslendingaliði Balingen Handbolti Fleiri fréttir Dagskráin í dag: Formúlan, NBA, ítalski og PGA-meistaramótið Schauffele heldur forystunni en Tiger langt frá niðurskurðinum Klopp myndi kjósa með afnámi VAR Rekinn tveimur dögum eftir bikarmeistaratitilinn Jóhann: Brotnuðum auðveldlega Valsmenn síðastir inn í átta liða úrslit Kristinn: Varnarleikur, varnarleikur og varnarleikur Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Tíunda tapið í röð hjá Íslendingaliði Balingen Valsmenn endurheimta Kára á besta tíma Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Kristín Dís lék allan leikinn er Brøndby komst í úrslit Martin og félagar hófu úrslitakeppnina á stórsigri Zlatan sendi Fury kveðju: „Njóttu bardagans og vertu viss um að vinna hann“ Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ 92 prósent sigurvegara leiks eitt frá árinu 2011 hafa orðið Íslandsmeistarar „Það helltust yfir mann bara alls konar tilfinningar“ Gríðarmikill fögnuður þegar Scheffler mætti á völlinn Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Efsti kylfingur á heimslista á yfir höfði sér fjórar ákærur Svona var blaðamannafundur Þorsteins fyrir mikilvæga leiki Jafnaði met mömmu sinnar 29 árum síðar Stjarnan handtekin á leiðinni á völlinn: „Hann er á leið í fangelsi“ Sjá meira
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn