Leikararnir Júlí Heiðar og Þórdís Björk eru trúlofuð. Þau greindu frá því í sameiginlegri færslu á Instagram og bað hann hennar í uppáhalds byggingunni þeirra, Samkomuhúsinu á Akureyri.
Parið var saman í bekk á leikarabraut Listaháskóla Íslands og höfðu lengi verið vinir áður en ástin tók völd. Júlí og Þórdís léku þau saman í leikritinu Vorið vaknar árið 2020 hjá Leikfélagi Akureyrar sem tengist staðsetningunni þar sem bónorðið var borið upp.
Seinnihluta síðasta árs flutti fjölskyldan í Vesturbæinn þar sem þau hafa komið sér vel fyrir. Þórdís og Júlí eiga bæði drengi úr fyrri samböndum.
Íþróttafréttakonan Kristjana Arnarsdóttir og golfarinn Haraldur Franklín Magnús eru trúlofuð.
Ástin virðist hafa sigrað en dansarinn Sólbjört Sigurðardóttir og Einar Stefánsson sem er trommarinn í Hatara og gítarleikari Vök voru að trúlofa sig. Spurningin var borin upp á sjálfan Valentínusardaginn svo rómantíkin hefur verið allsráðandi hjá þeim á deginum.
Samfélagsmiðlastjarnan og vélaverkfræðingurinn Katrín Edda Þorsteinsdóttir er trúlofuð. Kærasti hennar, Markus Wasserbaech, fór á skeljarnar þegar þau voru í fríi á Mallorca.
