Lífið

Kokkur ársins: „Að fylgjast með árangri annarra ýtir mér áfram í að vilja ná árangri sjálfur“

Dóra Júlía Agnarsdóttir skrifar
Rúnar Pierre hreppti titilinn Kokkur Ársins síðastliðna helgi og er viðmælandi í Innblæstrinum.
Rúnar Pierre hreppti titilinn Kokkur Ársins síðastliðna helgi og er viðmælandi í Innblæstrinum. Aðsend

Rúnar Pierre Heriveaux er yfirkokkur á veitingastaðnum Óx á Laugavegi 28 en þessi einstaki staður hefur meðal annars hlotið meðmæli frá Michelin. Rúnar, sem hefur mikla ástríðu fyrir matargerð, hlaut titilinn kokkur ársins síðastliðna helgi og hefur það verið markmið hans frá því hann byrjaði í kokkinum. Rúnar Pierre Heriveaux er viðmælandi vikunnar í Innblæstrinum.

Innblásturinn er fastur liður hjá Lífinu á Vísi þar sem rætt er við ólíkt fólk um hvað veitir því innblástur í tilverunni og hvaða ráðum þau luma á varðandi andlega heilsu.

Hver ert þú í þínum eigin orðum?

Er yfirkokkur á Óx þar sem ég eyði mestmegnis af mínum tíma, er að vestan frá Súðavík en líka með ættir að rekja til Haiti. 

Ég er metnaðarfullur með stóra drauma og með því að vinna hægt og rólega næ ég sem flestum af þeim. 

Að verða kokkur ársins var fyrsta markmiðið mitt eftir að ég byrjaði í kokkinum.

Hvað veitir þér innblástur?

Að fylgjast með árangri annarra, sem ýtir mér áfram í að vilja ná árangri sjálfur. 

Líka að ferðast og smakka nýja hluti og svo teymið mitt á Óx.

Hvað er þitt besta ráð til að næra andlega heilsu?

Fara í sveitina, slökkva á símanum og njóta einföldu hlutanna.

Hvernig er hefðbundinn dagur í þínu lífi?

Ég vakna og hreyfi mig, fer heim og slaka aðeins á áður en ég fer upp í vinnu að undirbúa fyrir kvöldið til að taka á móti 11 gestum á Óxinu. 

Svo fer ég beint heim í kúrið með kærustunni.

Uppáhalds lag og af hverju?

All time fave er No One með Aliciu Keys. 

Ég hef elskað að syngja það síðan ég var krakki en er ennþá að bíða eftir að einhver elski að hlusta á mig syngja það

Uppáhalds matur og af hverju?

Bjúgur, kartöflur og uppstúf - allt kramið saman. Mömmu maturinn hittir „the right feels“.

Besta ráð sem þú hefur fengið?

Að dagurinn mun á endanum klárast. Hef oft þurft að hugsa til þess á rainy dögum í vinnunni, haha.

Hvað er það skemmtilegasta við lífið?

wine and dine með einhverjum sem maður elskar.


Tengdar fréttir

„Mætti hlúa töluvert betur að minni andlegu heilsu“

Aníta Briem hefur verið viðriðin leiklistina frá því hún var níu ára gömul. Hún á að baki sér fjölmörg verkefni bæði hér heima og erlendis. Á undanförnum árum hefur hún verið að gera það virkilega gott á Íslandi og fór meðal annars með hlutverk í sjónvarpsseríunni Ráðherrann árið 2020, kvikmyndinni Skjálfta sem kom út fyrr á árinu og hinni ný frumsýndu Berdreymi. Nú vinnur hún að sjónvarpsseríu sem hún skrifaði. Þessi hæfileikaríka listakona elskar bækur og tónlist og segir engan dag í sínu lífi eins. Aníta Briem er viðmælandi vikunnar hjá Innblæstrinum.

„Maður myndi ekki kunna að meta það ef allt gengi upp“

Árni Páll Árnason er listamaður og rappari, þekktur undir listamannsnafninu Herra Hnetusmjör, og á að baki sér ótal marga smelli á borð við „Upp Til Hópa“ og „Já ég veit“. Árni er mikill fjölskyldumaður, tveggja barna faðir og nýtur lífsins edrú, eins og kemur gjarnan fram í textum hans. Árni Páll er viðmælandi vikunnar í Innblæstrinum.

Besta ráðið kom frá laginu „Geðveikt Fínn Gaur“

Guðrúnu Ýr Eyfjörð, GDRN, er margt til listanna lagt en ásamt því að vera ein ástsælasta söngkona landsins er hún einnig leikkona sem fór með aðal hlutverk í Netflix seríunni Katla. Guðrún, sem er ófrísk af sínu fyrsta barni, hlakkar mikið til framtíðarinnar en passar að vera hamingjusöm í nú-inu. GDRN er viðmælandi vikunnar í Innblæstrinum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.