Atvinnulíf

Loft­lags­mótið 2022: Alls kyns sam­starfs­mögu­leikar geta fæðst

Rakel Sveinsdóttir skrifar
Katrín Jónsdóttir sérfræðingur hjá Rannís er spennt að sjá hvaða hugmyndir að samstarfsverkefnum fæðast á Loftlagsmótinu sem haldið verður þann 4. maí næstkomandi. Þar hittast fyrirtæki, stofnanir og aðilar í nýsköpun á stefnumótum sem standa yfir í korter en markmiðið er að leita lausna að umhverfisvænni rekstri. Mótið verður haldið á Grand hótel.
Katrín Jónsdóttir sérfræðingur hjá Rannís er spennt að sjá hvaða hugmyndir að samstarfsverkefnum fæðast á Loftlagsmótinu sem haldið verður þann 4. maí næstkomandi. Þar hittast fyrirtæki, stofnanir og aðilar í nýsköpun á stefnumótum sem standa yfir í korter en markmiðið er að leita lausna að umhverfisvænni rekstri. Mótið verður haldið á Grand hótel. Vísir/Vilhelm

Fyrirtæki, stofnanir og aðilar í nýsköpun hittast á stefnumóti til að ræða hugmyndir að umhverfisvænni rekstri.

„Ég er spennt að sjá hvaða spennandi samstarfsmöguleikar fæðast á þessu móti. Á slíkum mótum fer samtal af stað sem annars ætti sér ekki stað né stund. Það er alveg klárt að það er fullt af frábærum nýsköpunarlausnum sem geta hraðað og stutt fyrirtæki við umhverfisvænan rekstur,“ segir Katrín Jónsdóttir sérfræðingur hjá Rannís um Loftlagsmótið sem haldið verður á Grand hótel þann 4.maí.

Á Loftlagsmótinu fara aðilar á stefnumót þar sem markmiðið er að leita hugmynda og lausna að umhverfisvænni rekstri. Í ár er sérstaklega horft til nýsköpunar.

Í Atvinnulífinu í dag og á morgun er fjallað um Loftlagsmótið 2022. Loftlagsmótið er haldið af Grænvangi, RANNÍS, Festu og Umhverfis-, orku- og loftslagsráðuneytinu.

Margar nýjar hugmyndir um lausnir

Að sögn Katrínar er það sama upp á teningnum á Íslandi eins og annars staðar; áhersla nýsköpunaraðila beinist mikið að því að skoða loftlags- og umhverfismál.

Sem dæmi nefnir Katrín hraðalinn Hringiða á vegum Klak.

„Markmið hraðalsins er að draga fram, efla og styðja við nýsköpunarverkefni fyrirtækja og stofnanna og bjóða upp á metnaðarfullan vettvang til undirbúnings fyrir Evrópuumsóknir. Sprotaverkefnum er líka veittur aðgangur að breiðu tengslaneti leiðbeinenda úr atvinnulífinu og markvissri þjálfun.“

Þá segir Katrín áhugann á Loftlagsmótinu einnig segja sitt en í fyrra voru 100 fundir haldnir á mótinu með 90 stofnunum og fyrirtækjum. 

Fundirnir fara fram sem stutt stefnumót þar sem aðilar ræða við hvorn annan í korter í senn.

Fyrirtæki og stofnanir sem leita lausna, eru með lausnir eða vinna að vöruþróun eru hvött til að taka þátt.

„Nýsköpun, framþróun og umbreytingar byrja með samtali á milli hagaðila, það er það sem Loftslagsmótið snýst um, samtal um grænni framtíð,“ segir Katrín.

Katrín hvetur fyrirtæki og stofnanir til að taka þátt í Loftlagsmótinu en eins að aðilar kynni sér þá styrki sem hægt er að fá í ýmiss konar verkefni sem tengjast grænum lausnum. Þá hvetur Katrín aðila til að hafa samband við starfsfólk Rannís og fá leiðsögn um þá styrki sem eru í boði því stundum geti styrkjarumhverfið virkað svolítið eins og frumskógur.Vísir/Vilhelm

Hægt að fá leiðsögn um styrki

Katrín segir miklu skipta að meira fjármagni er nú veitt til málaflokksins en áður. Það eigi bæði við um fjármagn í íslenska sjóði og erlenda.

„Bæði Loftsslagsjóður og Tækniþróunarsjóður eru ríkissjóðir sem Rannís umsýslar. Í báðum styrkjaflokkum eru með skýrar áherslur á umhverfismál, hringrásarhagkerfið og kolefnishlutleysi.“

Sem dæmi um Evrópusjóði nefnir Katrín LIFE prógrammið sem felur í sér 5,4 milljarða króna áætlun.

„Markmiði að stuðla að sjálfbæru, hringlaga, orkusparandi og kolefnishlutlausu hagkerfi. Leitast eftir lausnum sem eru nálægt markaði. Helstu áherslur verða á umhverfisvernd, orkuskiptingu og hringrásarhagkerfið.“

Þá nefnir hún Digital Europe áætlunina sem leggur áherslu á stafrænar og grænar lausnir og Horizon Europe áætluninni. 

Í þeirri síðarnefndu eru 95 milljarðar Evra í sjóðum sem meðal annars er ætlað er að styrkja rannsóknir, þróun og innleiðingu nýskapandi grænna lausna. 

Áætlunin styrkir rannsóknir og nýsköpun í öllum geirun en ein af höfuðáherslunum eru grænar lausnir.

Til að greiða úr þessum styrkjafrumskógi, þá sérstaklega Evrópusjóðum má finna þjónustu hjá Rannís bæði hjá Enterprise Europe Network og landstengiliðir Evrópuáætlana. 

Tilbúnir að styðja við aðila með umhverfislausnir að skoða styrkjaumhverfið og aðstoða við að finna réttu styrkina og samstarfsaðila.“

Þá bendir hún á að á gagnatorgi Rannís sé einnig hægt að fá tilfinningu fyrir fjölda umsókna og úthlutuna úr sjóðum Rannís.

Ýmiss samstarfsverkefni þykja líka mjög eftirsóknarverð. Þar segir Katrín sprotafyrirtæki spila stórt hlutverk í samstarfi við háskóla og rannsóknarstofnanir.

„Við hvetjum fyrirtæki til að hafa samband við starfsfólk Rannís til að kanna frekari styrkjamöguleika og stuðning.“

Dagskrá Loftlagsmótsins má sjá HÉR.


Tengdar fréttir

19 ára með sitt eigið umhverfisvæna framleiðslufyrirtæki

Hulda Fanný Pálsdóttir er 19 ára gömul og búsett í Garðabæ. Þrátt fyrir ungan aldur, er hún búin að stofna fyrirtæki sem heitir AKA og selur töskur sem hún hannar og framleiðir sjálf. Það sem gerir AKA töskurnar sérstakar er að þær eru unnar úr sætisbeltum og leðursætum úr bílum.

Eftir tíu ára starf fær Ísland 5,5 í einkunn

„Niðurstaðan var sú, að í samanburði við lönd sem við gjarnan berum okkur saman við, fær Ísland 5,5 í einkunn. Við rétt náum,“ segir Hrund Gunnsteinsdóttir framkvæmdastjóri Festu um niðurstöður könnunar sem gerð var meðal allra formanna, varaformanna og framkvæmdastjóra Festu til dagsins í dag og fulltrúa þeirra sex fyrirtækja sem stofnuðu Festu árið 2011.

„Algjörlega galið“ að hvatarnir séu þveröfugir við markmiðin

„Kerfið er okkar helsta áskorun þar sem hvatar eru þveröfugir og hvetja enn til þess að plast og annað endurvinnanlegt efni er flutt óunnið úr landi eða urðað. Það er algjörlega galið þar sem það hefur verri áhrif á umhverfið til viðbótar við tækifærin, verðmætin og störfin sem skapast ef við byggjum virðiskeðjuna upp hér á Íslandi,“ segir Áslaug Hulda Jónsdóttir forstöðumaður viðskipta og þróunar hjá fyrirtækinu Pure North.

Finna ekki sama „ótta í hjartanu og við gerum“

Gunnhildur Fríða Hallgrímsdóttir talar beint til fyrirtækja um það hvernig hennar kynslóð metur þeirra starfsemi. Erindið er birt á Vísi og á Loftlagsfundi Festu og Reykjavíkurborgar sem haldinn er í dag í tilefni þess að nú eru fimm ár liðinn síðan Parísarsáttmálinn var undirritaður.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.