Erlent

Lögðu hald á stærstu snekkju heims

Viktor Örn Ásgeirsson skrifar
Snekkjan liggur við höfn í Hamborg í Þýskalandi.
Snekkjan liggur við höfn í Hamborg í Þýskalandi. AP/Jonas Walzberg

Lögreglan í Þýskalandi hefur lagt hald á stærstu snekkju heims eftir að umfangsmikil rannsókn leiddi í ljós að hún væri í eigu systur ólígarkans Alisher Usmanov. Snekkjan, sem ber heitið Dilbar, er metin á 600 milljónir dollara.

Þýska lögreglan lagðist í umfangsmikla rannsókn á eignarhaldi snekkjunnar sem leiddi hið sanna eignarhald í ljós. Skipinu er siglt undir fána Cayman-eyja og skráð í eigu eignarhaldsfélags á Möltu. Eyjarnar eru þekkt skattaskjól, samkvæmt umfjöllun Guardian.

Usmanov er vellauðugur en Bretar lögðu á hann harðar viðskiptaþvinganir í síðasta mánuði. Milljarðarmæringurinn átti stóran hlut í Arsenal, sem hann seldi árið 2018, og þá hafa fyrirtæki í hans eigu auglýst mikið hjá Everton á síðustu árum. Fótboltaliðið sleit samningum við Usmanov í síðasta mánuði vegna innrásarinnar.

Bretar hafa einnig lagt viðskiptaþvinganir á Gulbakhor Ismailovu, systur Usmanovs, en ríkisstjórnin telur að Usmanov hafi framselt eignir sínar til hennar í kjölfar innrásarinnar. Þar á meðal er snekkjan Dilbar.

Innrás Rússa í Úkraínu Þýskaland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið