Móðir Auðar segir síðasta ár það erfiðasta lífs síns Jakob Bjarnar skrifar 13. apríl 2022 14:14 Ingibjörg segir að síðasta ár hafi verið það erfiðasta hingað til. Hún segir það hafa brotið hjarta sitt að horfa upp á það þegar Twitter logaði af lygasögum um son hennar. aðsend Ingibjörg Ragnarsdóttir, móðir Auðuns Lútherssonar, segist afar stolt af því að sonur hennar hafi stigið fram og greint frá sinni hlið en hann hefur mátt sæta ásökunum um kynferðisofbeldi. Í áhrifaríku viðtali við Sunnu Karen Sigurþórsdóttur fréttamann sem birtist á Stöð 2 í gær og á Vísi gengst Auðunn, sem þekktur er sem tónlistarmaðurinn Auður, við því að hafa farið yfir mörk kvenna en segir hins vegar að sumar ásakana sem hann hefur mátt sitja undir séu algerlega úr lausu lofti gripnar. Hann sé reiðubúinn að gangast við ábyrgð á því sem hann hefur sannarlega gert og takast á við það. En það sé ekki hægt að sitja undir ósönnum og ógeðslegum ásökunum um eitthvað það sem hann hefur ekki gert. Lygasögurnar særðu mæðginin djúpu hjartasári Ingibjörg segir að í því andrúmi sem hefur ríkt að undanförnu þurfi heljarinnar hugrekki að stíga fram. Hún er búsett ásamt eiginmanni sínum Lúther Sigurðssyni lækni í Madison, Wisconsin í Bandaríkjunum. Í samtali við Vísi segir hún undanfarið ár hafa verið afar erfitt svo ekki sé fastar að orði kveðið. „Þetta hefur verið erfiðasta ár lífs míns. Ég verð að vera hreinskilin. Allt frá því að lygasagan um þöggunarsamninga fór af stað. Ég held að fólk með góðan ásetning hafi farið að deila þessu – án þess að hafa neitt fyrir sér í því. Og það særði mig og son minn og okkur, djúpt hjartasár. Þetta hefur breytt því hvernig ég sé heiminn.“ Ingibjörg og Auðunn. Samband þeirra hefur alltaf verið náið. Ásakanirnar hafa haft veruleg áhrif á fjölskylduna.aðsend Ingibjörg birti færslu á Facebook-síðu sinni þar sem hún segist alla tíð hafa verið stolt af syni sínum, allt frá því hann fæddist. „Alla tíð hef ég haft manngildi og góðmennsku í fyrirrúmi í uppeldinu og það hefur þú tileinkað þér. Ég fylgdist stolt með þér byggja upp feril þinn sem listamaður og veit að tónlistin er ekki bara þín atvinna heldur allt þitt líf og yndi. Þú hefur notið þess að starfa með hæfileikaríku fólki.“ Twitter logaði af ósönnum lygasögum Ingibjörg segir að það hafi beinlínis brotið móðurhjartað að horfa upp á vanlíðan sonar síns og vanmátt gegn ósönnum ásökunum. „Að horfa á drenginn minn mölbrotinn í fósturstellingu af vanlíðan, í engu ástandi að svara fyrir sig.“ En að sama skapi hefur Ingibjörg fyllst stolti yfir því hvernig Auðunn hafi tekið á málunum. Fylgst með honum byggja sjálfan sig upp af mikilli auðmýkt og heiðarleika. Ingibjörg gengst fúslega við því að hún hafi stundum fyllst mikilli reiði þegar mest gekk á. „Twitter logaði af ósönnum lygasögum. Lygasögum dreift ekki af þolendum heldur óhörðnuðum unglingum,“ segir Ingibjörg. En þá hafi þau Auðunn átt í löngum samræðum og sonur hennar bent henni á að fólk sem færi mikinn á netinu væri allskonar og á misgóðum stað í lífinu. Ingibjörg segist ánægð með það að Auðunn hafi brugðist við ásökununum af stillingu, tekið ábyrgð en viljað leiðrétta það sem rangt var með farið. Og skoðað það sem betur mátti fara. Ingibjörg og Lúther eiga tvö börn: Auðun og Hrafnhildi sem er þekkt fyrir að hafa verið ein helsta sunddrottning landsins; slegið fjölda Íslandsmeta og verið í landsliðinu.aðsend „Auðunn hefur fengið yfir sig netárásir og morðhótanir og ég er svo stolt að hann nýtti þessa þrekraun til þess að verða ennþá betri og umburðarlyndari maður.Í samtölum okkar hefur þú hjálpað mér að skilja hvað það að fara yfir mörk þýðir. Fólk á mismunandi baksögu og mismunandi mörk.“ Hefur nýtt hræðilegt áfall til að stækka sig Ingibjörg segist vart þurfa að taka það fram að alltaf skuli virða mörk annarra. En það erfiðara í þessu er að ekki standi alltaf utan á fólki hvar þau mörk liggja. Upplifun geti verið ólík út frá baksögu fólks og fyrri áföllum, svo dæmi séu nefnd. Ingibjörg og Lúther hafa verið búsett í Bandaríkjunum undanfarin ár og una þar hag sínum vel. Undanfarið ár hefur hins vegar reynst þeim afar erfitt.aðsend „Ég sem gamall hjúkrunafræðingur hef tileinkað mér orðatiltækið: „Aðgát skal höfð í nærveru sálar”. Spurð hvort hún telji að viðtalið, sem vakið hefur gríðarmikla athygli, geri orðið til þess að nú létti til yfir fjölskyldunni, þá segist hún ekki gera sér fyllilega grein fyrir því. „Ég er stolt af syni mínum. Hann hefur nýtt þetta hræðilega áfall í að stækka sig - ég er sjálf ennþá að vinna úr því. Hann hefur sagt frá sinni hlið og restin er ekki í okkar höndum.“ MeToo Samfélagsmiðlar Mál Auðuns Lútherssonar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira
Í áhrifaríku viðtali við Sunnu Karen Sigurþórsdóttur fréttamann sem birtist á Stöð 2 í gær og á Vísi gengst Auðunn, sem þekktur er sem tónlistarmaðurinn Auður, við því að hafa farið yfir mörk kvenna en segir hins vegar að sumar ásakana sem hann hefur mátt sitja undir séu algerlega úr lausu lofti gripnar. Hann sé reiðubúinn að gangast við ábyrgð á því sem hann hefur sannarlega gert og takast á við það. En það sé ekki hægt að sitja undir ósönnum og ógeðslegum ásökunum um eitthvað það sem hann hefur ekki gert. Lygasögurnar særðu mæðginin djúpu hjartasári Ingibjörg segir að í því andrúmi sem hefur ríkt að undanförnu þurfi heljarinnar hugrekki að stíga fram. Hún er búsett ásamt eiginmanni sínum Lúther Sigurðssyni lækni í Madison, Wisconsin í Bandaríkjunum. Í samtali við Vísi segir hún undanfarið ár hafa verið afar erfitt svo ekki sé fastar að orði kveðið. „Þetta hefur verið erfiðasta ár lífs míns. Ég verð að vera hreinskilin. Allt frá því að lygasagan um þöggunarsamninga fór af stað. Ég held að fólk með góðan ásetning hafi farið að deila þessu – án þess að hafa neitt fyrir sér í því. Og það særði mig og son minn og okkur, djúpt hjartasár. Þetta hefur breytt því hvernig ég sé heiminn.“ Ingibjörg og Auðunn. Samband þeirra hefur alltaf verið náið. Ásakanirnar hafa haft veruleg áhrif á fjölskylduna.aðsend Ingibjörg birti færslu á Facebook-síðu sinni þar sem hún segist alla tíð hafa verið stolt af syni sínum, allt frá því hann fæddist. „Alla tíð hef ég haft manngildi og góðmennsku í fyrirrúmi í uppeldinu og það hefur þú tileinkað þér. Ég fylgdist stolt með þér byggja upp feril þinn sem listamaður og veit að tónlistin er ekki bara þín atvinna heldur allt þitt líf og yndi. Þú hefur notið þess að starfa með hæfileikaríku fólki.“ Twitter logaði af ósönnum lygasögum Ingibjörg segir að það hafi beinlínis brotið móðurhjartað að horfa upp á vanlíðan sonar síns og vanmátt gegn ósönnum ásökunum. „Að horfa á drenginn minn mölbrotinn í fósturstellingu af vanlíðan, í engu ástandi að svara fyrir sig.“ En að sama skapi hefur Ingibjörg fyllst stolti yfir því hvernig Auðunn hafi tekið á málunum. Fylgst með honum byggja sjálfan sig upp af mikilli auðmýkt og heiðarleika. Ingibjörg gengst fúslega við því að hún hafi stundum fyllst mikilli reiði þegar mest gekk á. „Twitter logaði af ósönnum lygasögum. Lygasögum dreift ekki af þolendum heldur óhörðnuðum unglingum,“ segir Ingibjörg. En þá hafi þau Auðunn átt í löngum samræðum og sonur hennar bent henni á að fólk sem færi mikinn á netinu væri allskonar og á misgóðum stað í lífinu. Ingibjörg segist ánægð með það að Auðunn hafi brugðist við ásökununum af stillingu, tekið ábyrgð en viljað leiðrétta það sem rangt var með farið. Og skoðað það sem betur mátti fara. Ingibjörg og Lúther eiga tvö börn: Auðun og Hrafnhildi sem er þekkt fyrir að hafa verið ein helsta sunddrottning landsins; slegið fjölda Íslandsmeta og verið í landsliðinu.aðsend „Auðunn hefur fengið yfir sig netárásir og morðhótanir og ég er svo stolt að hann nýtti þessa þrekraun til þess að verða ennþá betri og umburðarlyndari maður.Í samtölum okkar hefur þú hjálpað mér að skilja hvað það að fara yfir mörk þýðir. Fólk á mismunandi baksögu og mismunandi mörk.“ Hefur nýtt hræðilegt áfall til að stækka sig Ingibjörg segist vart þurfa að taka það fram að alltaf skuli virða mörk annarra. En það erfiðara í þessu er að ekki standi alltaf utan á fólki hvar þau mörk liggja. Upplifun geti verið ólík út frá baksögu fólks og fyrri áföllum, svo dæmi séu nefnd. Ingibjörg og Lúther hafa verið búsett í Bandaríkjunum undanfarin ár og una þar hag sínum vel. Undanfarið ár hefur hins vegar reynst þeim afar erfitt.aðsend „Ég sem gamall hjúkrunafræðingur hef tileinkað mér orðatiltækið: „Aðgát skal höfð í nærveru sálar”. Spurð hvort hún telji að viðtalið, sem vakið hefur gríðarmikla athygli, geri orðið til þess að nú létti til yfir fjölskyldunni, þá segist hún ekki gera sér fyllilega grein fyrir því. „Ég er stolt af syni mínum. Hann hefur nýtt þetta hræðilega áfall í að stækka sig - ég er sjálf ennþá að vinna úr því. Hann hefur sagt frá sinni hlið og restin er ekki í okkar höndum.“
MeToo Samfélagsmiðlar Mál Auðuns Lútherssonar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira