Hjálmar Bogi leiðir lista Framsóknar og félagshyggju í Norðurþingi

Árni Sæberg skrifar 12. mars 2022 14:49

Efstu sex á lista Framsóknar og félagshyggju í Norðurþingi. Frá vinstri, Hanna Jóna, Bylgja, Hjálmar Bogi, Soffía, Eysteinn Heiðar og Eiður Aðsend

Tillaga uppstillingarnefndar um framboðslista Framsóknar & félagshyggju í Norðurþingi fyrir komandi sveitarstjórnarkosningar var samþykktur samhljóða á fjölmennum félagsfundi hjá Framsóknarfélagi Þingeyinga í dag. Hjálmar Bogi Hafliðason er þar efstur á blaði.

Oddviti listans er Hjálmar Bogi Hafliðason, deildarstjóri og kennari á Húsavík, sem hefur setið níu ár í sveitarstjórn auk þess að vera varafulltrúi um tíma og sinnt þingstörfum.

Soffía Gísladóttir skipar annað sætið og er búsett í Lindarbrekku í Kelduhverfi. Hún kemur ný inn á listann en hún þekkir svæðið vel sem forstöðumaður Vinnumálastofnunar á Norðurlandi Eystra og Austurlandi og hefur einnig sinnt þingstörfum.

Eiður Pétursson, vélstjóri á Húsavík og starfar fyrir Landsvirkjun, skipar þriðja sætið. Hann er varafulltrúi framboðsins í dag og hefur setið í fjölskylduráði sveitarfélagsins á kjörtímabilinu.

Þar á eftir koma Bylgja Steingrímsdóttir, Eysteinn Heiðar Kristjánsson og Hanna Jóna Stefánsdóttir.

Listi Framsóknar og félagshyggju í Norðurþingi

1. Hjálmar Bogi Hafliðason, Húsavík
2. Soffía Gísladóttir, Kelduhverfi,
3. Eiður Pétursson, Húsavík
4. Bylgja Steingrímsdóttir, Húsavík
5. Eysteinn Heiðar Kristjánsson, Húsavík
6. Hanna Jóna Stefánsdóttir, Húsavík
7. Stefán Haukur Grímsson, Kópaskeri
8. Heiðar Hrafn Halldórsson, Húsavík
9. Brynja Rún Benediktsdóttir, Húsavík
10. Unnsteinn Ingi Júlíusson, Húsavík
11. Birna Björnsdóttir, Raufarhöfn
12. Aðalgeir Bjarnason, Húsavík
13. Guðlaug Anna Ívarsdóttir, Öxarfirði
14. Bergur Elías Ágústsson, Húsavík
15. Aðalheiður Þorgrímsdóttir, Reykjahverfi
16. Óskar Ásgeirsson, Húsavík
17. Unnur Erlingsdóttir, Húsavík
18. Kristján Kárason, Húsavík

Norðurþing Framsóknarflokkurinn Sveitarstjórnarkosningar 2022

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir