Körfubolti

Martin með og þeir Haukur, Hörður, Sigurður og Pavel koma allir aftur inn

Óskar Ófeigur Jónsson skrifar
Martin Hermannsson fékk leyfi frá  Valencia til að spila landsleikina í febrúar.
Martin Hermannsson fékk leyfi frá  Valencia til að spila landsleikina í febrúar. Getty/Mike Kireev

Craig Pedersen hefur valið fimmtán manna landsliðshóp fyrir tvo leiki karlalandsliðsins í körfubolta í undankeppni HM. Annar leikjanna er fyrstu heimaleikur íslenska liðsins í langan tíma.

Martin Hermannsson er með íslenska liðinu sem er mikið gleðiefni enda besti körfuboltamaður landsins í dag. Hann missti af landsleikjum í meira en tvö ár en kom til baka í sigri á Hollandi fyrir áramót. Þar sýndi hann mikilvægi sitt fyrir íslenska liðið.

Það eru líka öflugir leikmenn að koma til baka inn í landsliðið en þeir Haukur Helgi Briem Pálsson, Hörður Axel Vilhjálmsson, Pavel Ermolinskij og Sigurður Gunnar Þorsteinsson koma allir inn í liðið á nýjan leik.

Báðir leikirnir í þessum glugga verða á móti Ítölum. Fyrri leikur íslenska liðsins verður í Ólafssal að Ásvöllum 24. febrúar kl. 20:00 og svo heldur liðið út til Bologna á Ítalíu þar sem seinni leikurinn fer fram sunnudaginn 27. febrúar í PallaDozza-höllinni.

Craig og aðstoðarþjálfarar hans völdu 24 manna hóp fyrir nokkru sem var skráður leikmannahópur Íslands hjá FIBA og er löglegur til að leika í þessum glugga og nú hafa verið valdir og boðaðir til æfinga 15 leikmenn.

Kristófer Acox var einnig boðaður til æfinga með hópnum en gaf ekki kost á sér að þessu sinni.

  • Landsliðshópurinn á móti Ítalíu:
  • Elvar Már Friðriksson · Antwerp Giants, Belgíu (58 landsleikir)
  • Haukur Helgi Briem Pálsson · Njarðvík (68)
  • Hörður Axel Vilhjálmsson · Keflavík (86)
  • Jón Axel Guðmundsson · Hakro Merlins Crailsheim, Þýskalandi (15)
  • Kári Jónsson · Valur (24)
  • Kristinn Pálsson · Grindavík (25)
  • Martin Hermannsson · Valencia Basket, Spáni (71)
  • Ólafur Ólafsson · Grindavík (47)
  • Pavel Ermolinskij · Valur (74)
  • Ragnar Ágúst Nathanaelsson · Stjarnan (57)
  • Sigtryggur Arnar Björnsson · Tindastóll (12)
  • Sigurður Gunnar Þorsteinsson · Tindastóll (58)
  • Tryggvi Snær Hlinason · Basket Zaragoza, Spáni (49)
  • Þórir G. Þorbjarnarsson · Landstede Hammers Zvolle, Hollandi (16)
  • Ægir Þór Steinarsson · Gipuzkoa Basket, Spáni (66)
  • -
  • Aðrir leikmenn sem voru valdir og eru skráðir leikmenn til vara eru: Dagur Kár Jónsson, Stjarnan, Davíð Arnar Ágústsson, Þór Þorlákshöfn, Collin Pryor, ÍR, Gunnar Ólafsson, Stjarnan, Hjálmar Stefánsson, Valur, Hilmar Pétursson, Breiðablik, Hilmar Smári Henningsson, Stjarnan og Ragnar Örn Bragason, Þór Þorlákshöfn.



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.