Erlent

Tæplega þrjú hundruð í björgunarbátum eftir að kviknaði í ferju á Miðjarðarhafi

Hallgerður Kolbrún E. Jónsdóttir skrifar
Ferjan stóð í ljósum logum í morgun.
Ferjan stóð í ljósum logum í morgun. Skjáskot

288 voru um borð í ferju, sem kviknaði í á leiðinni frá Grikklandi til Ítalíu í morgun. Gríska landhelgisgæslan segir að allir farþegar séu öryggir um borð í björgunarbátum.

Ítalska ferjan Euroferry Olympia var á leið til Brindisi frá grísku borginni Igoumenitsa í morgun þegar eldur kiknaði um borð nærri eyjunni Corfu. Gríska landhelgisgæslan segir í tilkynningu að 237 farþegar og 51 skipverji hafi verið um borð. 

Allir ferþegarnir séu öryggir um borð í björgunarbátum. Nú sé verið að flytja farþega og skipverja til Corfu og veður milt, svo björgunaraðgerðir hafi gengið ágætlega. 

Ekkert manntjón varð, samkvæmt fyrstu fréttum, en þrír dráttarbátar og þrír eftirlitsbátar landhelgisgæslu voru sendir til aðstoðar þeim um borð. 

Eldurinn kviknaði klukkan 4:30 að staðartíma, norðaustur af Corfu á milli Grikklands og Albaníu. Upptök eldsins eru enn ókunn og rannsókn er þegar hafin. 

Í myndbandi sem náðist í morgun sést ferjan í ljósum logum úti á hafi. 

Grikkland Ítalía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið