Navalní enn og aftur fyrir dómara

Samúel Karl Ólason skrifar 15. febrúar 2022 11:09

Hér má sjá Navalní í dómsal í fangelsi í morgun. EPA/YURI KOCHETKOV

Fangelsisvist Alexeis Navalní, eins helsta stjórnarandstæðings Rússlands, verður mögulega lengd um meira en tíu ár vegna nýrra réttarhalda sem hófust í dag. Hann er meðal annars sakaður um að hafa dregið sér fé úr samtökum sem hann stofnaði á árum áður en voru í fyrra skilgreind sem öfgasamtök af yfirvöldum í Rússlandi.

Samtökin, Sjóður gegn spillingu, hefur í gegnum tíðina varpað ljósi á meinta spillingu Vladímírs Pútín forseta og ríkisstjórnar hans.

Navalní, sem er 45 ára gamall, var fangelsaður í fyrra þegar hann sneri aftur til Rússlands frá Þýskalandi. Hann hafði verið fluttur til Þýskalands árið 2020 eftir að eitrað var fyrir honum með taugaeitrinu Novichock, sama eitri og notað var til að reyna að myrða fyrrverandi njósnarann Sergei Skirpal í Bretlandi árið 2018.

Navalní var dæmdur fyrir að rjúfa skilorð með því að vera fluttur í dái til Þýskalands.

Sjá einnig: Meintur útsendari FSB ræddi við Navalní um eitrun hans

Undir lok 2020 skipuðu fangelsismálayfirvöld Rússlands Navalní að snúa aftur til Rússlands þar sem hann væri á skilorði vegna dóms frá 2014, sem Mannréttindadómstóll Evrópu hefur sagt gerræðislegan. Var honum gert að mæta á fund í Rússlandi þann 29. desember, og sagt að annars ætti hann á hættu að vera gert að afplána dóm sinn næst þegar hann færi til Rússlands.

Skilorðsdómur Navalní féll úr gildi þann 30. desember.

Hann sneri þó aftur til Rússlands um leið og hann gat, að eigin sögn, og var handtekinn við komuna til landsins. Skömmu síður var hann svo dæmdur til tveggja og hálfs árs fangelsis.

Sjá einnig: Navalní fær stöðu hryðjuverkamanns

Síðan þá hefur fleiri ákærum verið bætt á Navalní.

Nú er verið að rétta yfir honum í dómsal í fangelsinu þar sem hann afplánar dóm sinni. Í frétt Times segir að fjölskyldu hans, blaðamönnum og öðrum gestum hafi verið meinaður aðgangur að réttarhöldunum.

Lögmaður Navalnís segist ekki hafa fengið að taka síma eða tölvu með sér í fangelsið þar sem réttarhöldin fara fram.

Moscow Times segir þó að Yúlía, eiginkona Navalnís, sé með honum í dómsalnum.

Ekki liggur fyrir hvenær dómur verður kveðinn upp en það gæti verið seinna í vikunni. Eins og greint er frá í frétt Times eru litlar líkur á öðru en að Navalní verði sakfelldur og þá sérstaklega með tilliti til þess að í Rússlandi enda einungis tæplega 0,4 prósent glæpamála með sýknudómi.

Einn bandamanna Navalnís birti meðfylgjandi myndband í morgun.

pic.twitter.com/CUlN57OPet
— Ivan Zhdanov (@ioannZH) February 15, 2022

Rússland Eitrað fyrir Alexei Navalní

Tengdar fréttir

Öðrum mannréttindasamtökum gert að hætta í Rússlandi

Mannréttindasamtökunum Memorial Human Rights Center hefur verið gert að loka dyrum sínum í Rússlandi. Dómari hefur samþykkt kröfu saksóknarar um að rekstur samtakanna, sem barist hafa fyrir pólitíska fanga, verði stöðvaður.

29. desember 2021 11:48

Eftirlýstur eftir að hafa birt myndbönd af pyntingum í rússneskum fangelsum

Stofnandi rússneskra mannréttindasamtaka sem vakta og opinbera ofbeldi í rússneskum fangelsum, er eftirlýstur í Rússlandi. Vladimir Osechkin og samtök hans Gulagu.net birtu nýverið myndbönd sem sýndu pyntingar á föngum í rússneskum fangelsum.

12. nóvember 2021 23:54

Navalní hlýtur Sakharov-verðlaunin

Rússneski andófsmaðurinn Aleksei Navalní hlaut í dag hin árlegu Sakharov-verðlaun Evrópuþingsins fyrir framlag sitt til umbóta í rússneskum stjórnmálum.

20. október 2021 15:21

Skerða frelsi læknis sem aðstoði Navalní

Rússneskur dómstóll skerti verulega ferðafrelsi læknis sem annaðist Alexei Navalní eftir að sterkum efnum var skvett í augað á honum árið 2017 og hefur stutt við bakið á honum. Anastasia Vasilyeva var dæmd fyrir að brjóta gegn sóttvarnarreglum með því að hvetja fólk til að taka þátt í mótmælum gegn fangelsun Navalnís fyrr á þessu ári.

14. október 2021 14:45

Tileinkar friðarverðlaunin sex blaðamönnum hans sem voru myrtir

Dmitry Muratov, blaðamaður og fyrrverandi ritstjóri rússneska miðilsins Novaya Gazeta tileinkaði friðarverðlaun Nóbels sem hann hlaut í morgun þeim sex blaðamönnum sem hafa verið myrtir á meðan þau störfuðu fyrir hann í Rússlandi.

8. október 2021 16:58

Rússneskur ritstjóri sem flúði land eftirlýstur

Yfirvöld í Rússlandi hafa lýst eftir þekktum rússneskum rannsóknarblaðamanni sem hefur tekið þátt í umfangsmiklum rannsóknum sem beinast gegn ríkisstjórn Vladimírs Pútín, forseta Rússlands. Roman Dobrokhotov, stofnandi og ritstjóri Insider, er eftirlýstur fyrir að hafa laumað sér yfir landamæri Rússlands og Úkraínu.

30. september 2021 17:01

Enn fleiri sjálfstæðum fjölmiðlum lokað í Rússlandi

Tveimur rússneskum fjölmiðlum hefur verið lokað af yfirvöldum landsins. Þar er um að ræða fréttavefina Otrkytye Media og MBKh Media, auk þess sem hjálparsamtökunum Otkrytki hefur einnig verið lokað.

5. ágúst 2021 10:36

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.