Hausverkir og hljóðfælni eftir alvarlegt högg á öðrum degi í Harvard Sindri Sverrisson skrifar 15. febrúar 2022 08:00 Áslaug Munda Gunnlaugsdóttir fagnar marki íslenska landsliðsins gegn Írlandi síðasta sumar. VÍSIR/HULDA MARGRÉT Lífið brosti við Áslaugu Mundu Gunnlaugsdóttur, landsliðskonu í fótbolta, þegar hún var að hefja nám í hinum virta Harvard-háskóla í Bandaríkjunum síðasta haust. Alvarlegt höfuðhögg setti hins vegar allt úr skorðum og hún glímir enn við afleiðingar höggsins. Fyrir flesta væri væntanlega alveg nógu krefjandi að fóta sig á fyrsta ári í raunvísindanámi við Harvard. Þegar við bætast miklir höfuðverkir, svimi og ljósfælni, og vonbrigði yfir að geta ekki spilað íþróttina sem maður elskar, er óhætt að ætla að heimadæmin og lífið allt verði mikið erfiðara. „Höggið var í leik. Ég var að hoppa upp í skallabolta á móti markmanni sem var að kýla boltann í burtu og kýldi mig í leiðinni,“ segir Áslaug Munda um höfuðhöggið sem hún hlaut, strax á öðrum skóladegi í nýju landi, í byrjun september. Áslaug Munda Gunnlaugsdóttir í leik með Harvard-liðinu en hún missti af öllu keppnistímabilinu í vetur vegna meiðsla.gocrimson.com Þessi tvítuga Húsavíkurmær, sem gert hefur það gott með liði Breiðabliks og vonast til að spila með Blikum í sumar, gerir sér fulla grein fyrir því hve alvarleg höfuðmeiðsli geta verið, enda dæmi um það að íþróttafólk eigi ekki afturkvæmt í keppni. Enn höfuðverkir af og til og svimi við áreynslu Það er hins vegar stutt í brosið og nokkuð létt yfir henni, þegar Áslaug Munda finnur stund milli stríða í skólanum til að ræða við blaðamann. Í síðustu viku varð þó ljóst að hún myndi enn missa af landsliðsverkefni þegar íslenska landsliðið spilar á móti í Bandaríkjunum síðar í þessum mánuði, en bakvörðurinn öflugi er á batavegi og segir hlutina þokast í rétta átt. „Einkennin eru skárri í dag en þetta gengur samt leiðinlega hægt. Ég er með höfuðverki af og til, en ekki eins staðbundna, og fæ svima og þreytu við ákveðna áreynslu. Ég er alveg að æfa en má bara ekki vera í „contact“ (í snertingu við liðsfélaga og eiga á hættu að fá högg). Ég er því mikið búin að vera að hlaupa og lyfta, og halda mér í fínu líkamlegu standi. Ég myndi segja að ég sé mun betri en ég var fyrir áramót,“ segir Áslaug Munda. En er hún ekkert hrædd við tilhugsunina um að snúa aftur til keppni í fótbolta? „Svarið er líklega bæði já og nei. Ég er búin að skoða mjög vel rannsóknir um höfuðhögg og áhrif þeirra, þannig að ég er með á bakvið eyrað hvernig staðan gæti orðið, en að sama skapi fór ég í gegnum 19 ár án þess að fá högg á höfuðið,“ segir Áslaug Munda. Áslaug Munda Gunnlaugsdóttir vonast til að spila með Breiðabliki í sumar og er væntanleg til landsins í byrjun maí.VÍSIR/HULDA MARGRÉT Hún segir það vissulega hafa verið erfitt að fóta sig í Harvard á sama tíma og hún glími við afleiðingar höfuðhöggsins: Erfitt að fylgja eftir dæmareikningi með höfuðverki og ljósfælni „Ég kem hingað út og fyrsti skóladagurinn er 1. september. Ég fæ svo höfuðhöggið 2. september. Þá byrja strax höfuðverkir og önnur einkenni, sem aukast bara og ég dett alveg út úr fótboltanum. Ég var því ekkert með á tímabilinu. Það var erfitt að sækja tíma og þurfa að skila hinu og þessu verkefninu, þurfa að halda sér alltaf við efnið, þrátt fyrir að vera ekki alveg nógu hraust Ég var með mikla höfuðverki, svima og almenna þreytu, ljósfælin og hljóðfælin, og þá var erfitt að vera í tíma. Það var kannski verið að reikna dæmi á töflunni og ég alltaf að líta upp og niður, og líðandi svona þá var það ekki þannig sem maður vildi hafa þetta. Það hjálpaði til að ég dró mig úr einum áfanga, svo ég hafði meiri tíma til að hvíla mig,“ segir Áslaug Munda. „Þetta eru einmitt svona meiðsli sem maður getur ekki gert neitt í. Það er ekki hægt að nudda vöðva til að þetta verði betra, eða gera einhverjar fyrirbyggjandi æfingar. Þessu fylgir bara óvissa og maður veit ekki neitt, en heldur í vonina um að þetta jafni sig sem fyrst eða að minnsta kosti einhvern tímann, og maður verður tilbúinn þegar það gerist. Það hefur alltaf verið markmiðið að ná langt í fótboltanum og það er ekkert horfið. Ég ætla að gera hvað sem ég get til að vera í sem bestu standi þegar ég jafna mig.“ Áslaug Munda Gunnlaugsdóttir á ferðinni í einum af fimm A-landsleikjum sínum til þessa.VÍSIR/HULDA MARGRÉT Draumurinn að komast á EM í sumar Þannig stefnir Áslaug Munda ótrauð á að spila með Breiðabliki í sumar, að minnsta kosti þar til í ágúst þegar ný önn fer að hefjast í Harvard. Og draumurinn er að fara með Íslandi á EM í Englandi í sumar því ef ekki væri fyrir höfuðhöggið ætti Áslaug Munda alveg örugglega sæti í hópnum hjá Þorsteini Halldórssyni landsliðsþjálfara: „Ég er í mjög góðu sambandi við Steina og hann er duglegur að kanna stöðuna á mér. Ég hef líka fengið mjög mikla hjálp frá heilbrigðiskerfinu á Íslandi, sem og hérna úti. Markmiðið var alltaf að vera tilbúin í þetta verkefni núna í febrúar, ef ég fengi tækifæri, en núna er ég með það markmið að vera tilbúin í mars. Það hefur alltaf verið draumurinn að komast á Evrópumótið og ég held alltaf í vonina um að ég verði tilbúin.“ Fótbolti EM 2021 í Englandi Mest lesið „Ég væri dáinn ef hún væri ekki hér“ Enski boltinn Leysti frá skjóðunni um hvað gerðist í þriðja hring Sport Synir Emile Heskey spiluðu saman í fyrsta sinn fyrir City Enski boltinn Stjörnustjarfur þegar hann sá Zola á Ryder bikarnum Golf Velskur slagur og meistarar mætast í sextán liða úrslitum Enski boltinn Stífla Álvarez brast í dramatískum sigri Atlético Fótbolti Ásdís átti stórleik í stórsigri Vals Handbolti Dagskráin: Íslendingaslagur í Evrópu, spennan magnast í Bestu og hitað upp fyrir Ryder bikarinn Sport Mættur heim í Hauka eftir erfið ár í Frakklandi Handbolti Tvenna Jesus dugði ekki er Antony sótti stigið Fótbolti Fleiri fréttir Slæm byrjun Chelsea skilaði Bayern sigri Hvergi nærri hætt: „Markmiðið var alltaf að sýna gömlu góðu Berglindi“ „Ég væri dáinn ef hún væri ekki hér“ Synir Emile Heskey spiluðu saman í fyrsta sinn fyrir City Velskur slagur og meistarar mætast í sextán liða úrslitum Stífla Álvarez brast í dramatískum sigri Atlético Tvenna Jesus dugði ekki er Antony sótti stigið Eze með fyrsta markið fyrir Arsenal Hjólhestur hjá Palhinha og markaveisla hjá Skjórunum Elías hélt marki Midtjylland hreinu í Evrópudeildinni Sandra María komin á blað í Þýskalandi Sveinn skoraði í tíu marka leik gegn liði úr C-deild Botnslagurinn færður Segir að Wirtz væri betur borgið hjá Bayern en Liverpool Óheppnin eltir Gavi Ragnar er fyrir ofan bankastjórann í Fantasy-deild Kaupþings Ömurlegar fréttir fyrir unga Liverpool-nýliðann Sérfræðingar SÞ biðla til FIFA að banna Ísrael Gullboltinn í Bestu deildinni: „Þristurinn minn gæti orðið umdeildur“ Sjáðu fyrsta mark Isak og ruglað rautt spjald Ekitike Utan vallar: Fjórða sætið, í alvöru? Sagði konu sinni og börnum að lesa ekki kommentin Wirtz alveg kominn með nóg af einni ráðleggingu Funduðu um 64 liða HM í Trump-turninum Baðst afsökunar eftir algjöra „heimsku“ Ferðaðist nærri 9000 km og borgaði fúlgur fjár fyrir ógildan miða Lítur á McGinn sem vin eftir magnaða stund saman á Villa Park Sunnudagsmessan: Hver hefur komið mest á óvart? Mbappé með tvennu í sjöunda sigri Real í röð Ekitike tryggði sigurinn og fór beint í sturtu Sjá meira
Fyrir flesta væri væntanlega alveg nógu krefjandi að fóta sig á fyrsta ári í raunvísindanámi við Harvard. Þegar við bætast miklir höfuðverkir, svimi og ljósfælni, og vonbrigði yfir að geta ekki spilað íþróttina sem maður elskar, er óhætt að ætla að heimadæmin og lífið allt verði mikið erfiðara. „Höggið var í leik. Ég var að hoppa upp í skallabolta á móti markmanni sem var að kýla boltann í burtu og kýldi mig í leiðinni,“ segir Áslaug Munda um höfuðhöggið sem hún hlaut, strax á öðrum skóladegi í nýju landi, í byrjun september. Áslaug Munda Gunnlaugsdóttir í leik með Harvard-liðinu en hún missti af öllu keppnistímabilinu í vetur vegna meiðsla.gocrimson.com Þessi tvítuga Húsavíkurmær, sem gert hefur það gott með liði Breiðabliks og vonast til að spila með Blikum í sumar, gerir sér fulla grein fyrir því hve alvarleg höfuðmeiðsli geta verið, enda dæmi um það að íþróttafólk eigi ekki afturkvæmt í keppni. Enn höfuðverkir af og til og svimi við áreynslu Það er hins vegar stutt í brosið og nokkuð létt yfir henni, þegar Áslaug Munda finnur stund milli stríða í skólanum til að ræða við blaðamann. Í síðustu viku varð þó ljóst að hún myndi enn missa af landsliðsverkefni þegar íslenska landsliðið spilar á móti í Bandaríkjunum síðar í þessum mánuði, en bakvörðurinn öflugi er á batavegi og segir hlutina þokast í rétta átt. „Einkennin eru skárri í dag en þetta gengur samt leiðinlega hægt. Ég er með höfuðverki af og til, en ekki eins staðbundna, og fæ svima og þreytu við ákveðna áreynslu. Ég er alveg að æfa en má bara ekki vera í „contact“ (í snertingu við liðsfélaga og eiga á hættu að fá högg). Ég er því mikið búin að vera að hlaupa og lyfta, og halda mér í fínu líkamlegu standi. Ég myndi segja að ég sé mun betri en ég var fyrir áramót,“ segir Áslaug Munda. En er hún ekkert hrædd við tilhugsunina um að snúa aftur til keppni í fótbolta? „Svarið er líklega bæði já og nei. Ég er búin að skoða mjög vel rannsóknir um höfuðhögg og áhrif þeirra, þannig að ég er með á bakvið eyrað hvernig staðan gæti orðið, en að sama skapi fór ég í gegnum 19 ár án þess að fá högg á höfuðið,“ segir Áslaug Munda. Áslaug Munda Gunnlaugsdóttir vonast til að spila með Breiðabliki í sumar og er væntanleg til landsins í byrjun maí.VÍSIR/HULDA MARGRÉT Hún segir það vissulega hafa verið erfitt að fóta sig í Harvard á sama tíma og hún glími við afleiðingar höfuðhöggsins: Erfitt að fylgja eftir dæmareikningi með höfuðverki og ljósfælni „Ég kem hingað út og fyrsti skóladagurinn er 1. september. Ég fæ svo höfuðhöggið 2. september. Þá byrja strax höfuðverkir og önnur einkenni, sem aukast bara og ég dett alveg út úr fótboltanum. Ég var því ekkert með á tímabilinu. Það var erfitt að sækja tíma og þurfa að skila hinu og þessu verkefninu, þurfa að halda sér alltaf við efnið, þrátt fyrir að vera ekki alveg nógu hraust Ég var með mikla höfuðverki, svima og almenna þreytu, ljósfælin og hljóðfælin, og þá var erfitt að vera í tíma. Það var kannski verið að reikna dæmi á töflunni og ég alltaf að líta upp og niður, og líðandi svona þá var það ekki þannig sem maður vildi hafa þetta. Það hjálpaði til að ég dró mig úr einum áfanga, svo ég hafði meiri tíma til að hvíla mig,“ segir Áslaug Munda. „Þetta eru einmitt svona meiðsli sem maður getur ekki gert neitt í. Það er ekki hægt að nudda vöðva til að þetta verði betra, eða gera einhverjar fyrirbyggjandi æfingar. Þessu fylgir bara óvissa og maður veit ekki neitt, en heldur í vonina um að þetta jafni sig sem fyrst eða að minnsta kosti einhvern tímann, og maður verður tilbúinn þegar það gerist. Það hefur alltaf verið markmiðið að ná langt í fótboltanum og það er ekkert horfið. Ég ætla að gera hvað sem ég get til að vera í sem bestu standi þegar ég jafna mig.“ Áslaug Munda Gunnlaugsdóttir á ferðinni í einum af fimm A-landsleikjum sínum til þessa.VÍSIR/HULDA MARGRÉT Draumurinn að komast á EM í sumar Þannig stefnir Áslaug Munda ótrauð á að spila með Breiðabliki í sumar, að minnsta kosti þar til í ágúst þegar ný önn fer að hefjast í Harvard. Og draumurinn er að fara með Íslandi á EM í Englandi í sumar því ef ekki væri fyrir höfuðhöggið ætti Áslaug Munda alveg örugglega sæti í hópnum hjá Þorsteini Halldórssyni landsliðsþjálfara: „Ég er í mjög góðu sambandi við Steina og hann er duglegur að kanna stöðuna á mér. Ég hef líka fengið mjög mikla hjálp frá heilbrigðiskerfinu á Íslandi, sem og hérna úti. Markmiðið var alltaf að vera tilbúin í þetta verkefni núna í febrúar, ef ég fengi tækifæri, en núna er ég með það markmið að vera tilbúin í mars. Það hefur alltaf verið draumurinn að komast á Evrópumótið og ég held alltaf í vonina um að ég verði tilbúin.“
Fótbolti EM 2021 í Englandi Mest lesið „Ég væri dáinn ef hún væri ekki hér“ Enski boltinn Leysti frá skjóðunni um hvað gerðist í þriðja hring Sport Synir Emile Heskey spiluðu saman í fyrsta sinn fyrir City Enski boltinn Stjörnustjarfur þegar hann sá Zola á Ryder bikarnum Golf Velskur slagur og meistarar mætast í sextán liða úrslitum Enski boltinn Stífla Álvarez brast í dramatískum sigri Atlético Fótbolti Ásdís átti stórleik í stórsigri Vals Handbolti Dagskráin: Íslendingaslagur í Evrópu, spennan magnast í Bestu og hitað upp fyrir Ryder bikarinn Sport Mættur heim í Hauka eftir erfið ár í Frakklandi Handbolti Tvenna Jesus dugði ekki er Antony sótti stigið Fótbolti Fleiri fréttir Slæm byrjun Chelsea skilaði Bayern sigri Hvergi nærri hætt: „Markmiðið var alltaf að sýna gömlu góðu Berglindi“ „Ég væri dáinn ef hún væri ekki hér“ Synir Emile Heskey spiluðu saman í fyrsta sinn fyrir City Velskur slagur og meistarar mætast í sextán liða úrslitum Stífla Álvarez brast í dramatískum sigri Atlético Tvenna Jesus dugði ekki er Antony sótti stigið Eze með fyrsta markið fyrir Arsenal Hjólhestur hjá Palhinha og markaveisla hjá Skjórunum Elías hélt marki Midtjylland hreinu í Evrópudeildinni Sandra María komin á blað í Þýskalandi Sveinn skoraði í tíu marka leik gegn liði úr C-deild Botnslagurinn færður Segir að Wirtz væri betur borgið hjá Bayern en Liverpool Óheppnin eltir Gavi Ragnar er fyrir ofan bankastjórann í Fantasy-deild Kaupþings Ömurlegar fréttir fyrir unga Liverpool-nýliðann Sérfræðingar SÞ biðla til FIFA að banna Ísrael Gullboltinn í Bestu deildinni: „Þristurinn minn gæti orðið umdeildur“ Sjáðu fyrsta mark Isak og ruglað rautt spjald Ekitike Utan vallar: Fjórða sætið, í alvöru? Sagði konu sinni og börnum að lesa ekki kommentin Wirtz alveg kominn með nóg af einni ráðleggingu Funduðu um 64 liða HM í Trump-turninum Baðst afsökunar eftir algjöra „heimsku“ Ferðaðist nærri 9000 km og borgaði fúlgur fjár fyrir ógildan miða Lítur á McGinn sem vin eftir magnaða stund saman á Villa Park Sunnudagsmessan: Hver hefur komið mest á óvart? Mbappé með tvennu í sjöunda sigri Real í röð Ekitike tryggði sigurinn og fór beint í sturtu Sjá meira
Dagskráin: Íslendingaslagur í Evrópu, spennan magnast í Bestu og hitað upp fyrir Ryder bikarinn Sport
Dagskráin: Íslendingaslagur í Evrópu, spennan magnast í Bestu og hitað upp fyrir Ryder bikarinn Sport