Erlent

Hand­teknir fyrir að hafa skotið þýska lög­reglu­menn

Viktor Örn Ásgeirsson skrifar
Lögreglumennirnir voru skotnir við skyldustörf en sveitaveginum Kreisstrasse 22 milli Mayweilerhof og Ulmet í Þýskalandi var lokað á meðan unnið var að rannsókn málsins.
Lögreglumennirnir voru skotnir við skyldustörf en sveitaveginum Kreisstrasse 22 milli Mayweilerhof og Ulmet í Þýskalandi var lokað á meðan unnið var að rannsókn málsins. EPA-EFE/RONALD WITTEK

Tveir hafa verið handteknir grunaðir um að hafa skotið tvo lögreglumenn til bana í Þýskalandi í nótt.

Lögreglumennirnir voru skotnir þar sem þeir voru að sinna umferðareftirliti í vesturhluta Þýskalands skömmu eftir klukkan fjögur í nótt. Í frétt Breska ríkisútvarpsins segir að hin látnu hafi verið 29 ára karlmaður og 24 ára gömul kona.

Lögregla leitaði tilræðismannanna í dag og handtók þá á fimmta tímanum að staðartíma. Hinir handteknu eru menn á fertugsaldri, einn 38 ára gamall auk annars 32 ára en sá síðarnefndi var hnepptur í gæsluvarðhald til bráðabirgða.

Lögregla hefur litlar upplýsingar veitt um málið og enn er óljóst hvað nákvæmlega skeði í árásinni. Lögreglan varaði fólk meðal annars við að bjóða puttaferðalöngum far á þessum slóðum eftir árásina.

Þýskir fjölmiðlar greina frá því að lögreglumennirnir hafi tilkynnt stjórnstöð um grunsamlega bifreið og skömmu síðar hafi lögreglumennirnir látið vita að verið væri að skjóta á þá.

Þegar þeim barst liðsauki var einn lögreglumannanna látinn en hinn lést skömmu síðar á vettvangi.

Þýskaland

Tengdar fréttir

Tveir þýskir lög­reglu­menn skotnir til bana

Tveir lögreglumenn voru skotnir til bana þar sem þeir voru að sinna umferðareftirliti í vesturhluta Þýskalands í nótt. Enn hefur enginn verið handtekinn vegna málsins.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið