Menning

Hallgrímur tók þrennuna

Tryggvi Páll Tryggvason skrifar
Kampakátur Hallgrímur Helgason.
Kampakátur Hallgrímur Helgason. Vísir/Vilhelm

Hallgrímur Helgason hlaut Íslensku bókmenntaverðlaunin í þriðja sinn nú í kvöld. Þórunn Rakel Gylfadóttir og Sigrún Helgadóttir hlutu einnig verðlaunin.

Verðlaunin voru veitt við hátíðlega athöfn á Bessastöðum í kvöld. Hallgrímur hlaut verðlaunin í flokki fagurbókmennta fyrir skáldsöguna Sextíu kíló af kjaftshöggum. Hann sagðist vera næstum orðlaus þegar hann tók við verðlaununum í þriðja sinn, en sýnt var frá athöfninni í beinni útsendingu á RÚV.

Hallgrímur hafði áður hlotið verðlaunin fyrir Höfund Íslands árið 2001 og Sextíu kíló af sólskini árið 2018.

Verðlaunin voru veitt í þremur flokkum; flokki fagurbókmennta, flokki barna- og ungmennabóka og flokki fræðibóka og bóka almenns efnis.

Íslensku bókmenntaverðlaunin nema einni milljón króna fyrir hvert verðlaunaverk og eru kostuð af Félagi íslenskra bókaútgefenda.

Í flokki fræðibóka og rita almenns efnis hlaut Sigrún Helgadóttir fyrir Sigurður Þórarinsson: Mynd af manni I-II.

Í flokki barna- og ungmennabóka hlaut Þórunn Rakel Gylfadóttir fyrir Akam, ég og Annika.

Nánar má lesa um verðlaunin á hlekknum hér fyrir neðan.


Tengdar fréttir

Veit ekki neitt og bíður spenntur eins og aðrir

Jólabókaflóðið er í fullum gangi nú þegar rétt rúmar þrjár vikur eru til aðfangadags. Aldrei hafa fleiri konur verið tilnefndar til Íslensku bókmenntaverðlaunanna en þar eru 17 konur á móti fimm körlum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.