Fótbolti

Böðvar heldur áfram í Svíþjóð

Sindri Sverrisson skrifar
Böðvar Böðvarsson er kominn í búning Trelleborg.
Böðvar Böðvarsson er kominn í búning Trelleborg. mynd/trelleborg

Knattspyrnumaðurinn Böðvar Böðvarsson, sem meðal annars átti í viðræðum við Val, hefur skrifað undir samning til tveggja ára við sænska félagið Trelleborg.

Böðvar heldur því áfram í sænsku 1. deildinni eftir að hafa spilað þar með Helsinborg á síðustu leiktíð.

Böðvar, sem er 26 ára vinstri bakvörður, hóf ferilinn hjá FH. Hann gekk í raðir Jagiellonia Bialystok í Póllandi í byrjun árs 2018 og fór þaðan til Helsingborgar fyrir ári síðan.

Trelleborg hafnaði í 7. sæti af liðunum 16 í næstefstu deild Svíþjóðar á síðustu leiktíð, en Helsingborg í 3. sæti og komst upp í úrvalsdeild eftir umspil.

Böðvar á að baki 5 A-landsleiki.




Fleiri fréttir

Sjá meira


×